សៀវភៅ “បញ្ហាទ្រឹស្តីនិងភាពជាក់ស្តែងមួយចំនួនស្តីពីសង្គមនិយមនិងមាគ៌ាឈានឡើងសង្គមនិយមនៅ Việt Nam” របស់អតីតអគ្គលេខាបក្ស Nguyễn Phú Trọng គឺជាឯកសារនយោបាយដ៏មានសារសំខាន់ដ៏ពិសេសដែលបានចម្រាញ់បញ្ញាញាណនៃបក្សទាំងមូល។
ការឃោសនា ផ្សព្វផ្សាយយ៉ាងទូលំទូលាយនូវខ្លឹមសារស្នូលសម្រាប់សៀវភៅនេះ គឺជាភារកិច្ចបន្ទាន់មួយ ក្នុងគោលបំណងដើម្បីពង្រឹងទំនុកចិត្ត និងបង្កើនកម្លាំងមហាសាមគ្គីទូទាំងជនជាតិទៀតផង។
ការឃោសនា ផ្សព្វផ្សាយយ៉ាងទូលំទូលាយនូវខ្លឹមសារស្នូលនៃសៀវភៅនេះទៅដល់ប្រជាជនគ្រប់ស្រទាប់វណ្ណៈ ជាពិសេសបងប្អូនជនរួមជាតិភាគតិចជាទូទៅ ក្នុងនោះមានបងប្អូនខ្មែរនៅខេត្ត Cà Mau ផងដែរ គឺជាភារកិច្ចបន្ទាន់មួយ ក្នុងគោលបំណងដើម្បីពង្រឹងទំនុកចិត្ត បង្កើតការព្រមព្រៀងក្នុងសង្គម និងបង្កើនកម្លាំងមហាសាមគ្គីទូទាំងជនជាតិទៀតផង។
សៀវភៅរបស់អតីតអគ្គលេខាបក្ស Nguyễn Phú Trọng គឺជាស្នាដៃមួយដែលមានតម្លៃសម្រាប់ផ្នែកខាងទ្រឹស្តី និងភាពជាក់ស្តែងដ៏ជ្រាលជ្រៅ ដោយបានរៀបចំជាប្រព័ន្ធដឹកនាំរបស់បក្សដែលផ្តោតលើមាគ៌ានៃការកសាងប្រទេសជាតិ។ ខ្លឹមសារនៃសៀវភៅនេះ មិនត្រឹមអះអាងថាជាមាគ៌ាឆ្ពោះទៅកាន់សង្គមនិយមដែលបក្ស និង Bác Hồ ព្រមទាំងប្រជាជនយើងបានជ្រើសរើសដ៏ ត្រឹមត្រូវទាំងស្រុងនោះទេ ថែមទាំងបាន បកស្រាយដោយសាមញ្ញ និងគួរឱ្យជឿជាក់នូវសំណួរធំៗមួយចំនួន ដូចជា៖ តើសង្គមនិយមជាអ្វី? ហេតុអ្វីបានជា Việt Nam ជ្រើសរើសមាគ៌ាសង្គមនិយម? តើត្រូវធ្វើដូចម្តេចដើម្បីកសាងសង្គមនិយមនៅវៀតណាមជាបណ្តើរៗ? ជាពិសេស វណ្ណកម្មនេះបានសង្កត់ធ្ងន់លើសមិទ្ធផលជាប្រវត្តិសាស្ត្រដែលប្រទេសជាតិយើងមិនធ្លាប់មានជាមរតក សក្តានុពល តួនាទី និងកិត្យានុភាពលើឆាកអន្តរជាតិដូចសព្វថ្ងៃនេះឡើយ”។ សម្រាប់បងប្អូន Khmer នៅ Cà Mau ការឃោសនា ផ្សព្វផ្សាយខ្លឹមសារនៃសៀវភៅនេះមានអត្ថន័យសំខាន់យ៉ាងពិសេសណាស់។
ពេលកន្លងមក បក្ស និងរដ្ឋបានប្រគេនទូសៀវភៅជាច្រើននៅតាមវត្ត Khmerទាំងឡាយក្នុងខេត្ត ដើម្បីបម្រើការងារឃោសនា ផ្សព្វផ្សាយ។
ទីមួយ សៀវភៅនេះជាមូលដ្ឋានទ្រឹស្តីដ៏រឹងមាំដើម្បីពង្រឹង និងពង្រីកមហាសាមគ្គីជាតិ។ ផ្តោតលើឯកសារមហាសន្និបាតលើកទី ១៣ របស់បក្ស ដែលបានដកស្រង់ក្នុងសៀវភៅនេះ តែងសង្កត់ធ្ងន់លើការដាស់រំលឹកស្មារតីនៃ “កម្លាំងមហាសាមគ្គីទូទាំងជាតិគួបផ្សំជាមួយកម្លាំងនៃសម័កាល” ។ ពេលបងប្អូនយល់ច្បាស់ពីគោលការណ៍ មាគ៌ាដ៏ខ្ជាប់ខ្ជួនរបស់បក្ស នោះនឹងកាន់តែមានជំនឿទុកចិត្ត រឹតបន្តឹងចំណងមិត្តភាព និងទំនាក់ទំនងសាច់ឈាមរវាងប្រជាជនជាមួយបក្ស និងរដ្ឋអំណាច បង្កើតបានជាកម្លាំងដ៏មហិមាដើម្បីកសាងមាតុភូមិ Cà Mau ឱ្យកាន់តែសម្បូរសប្បាយ។
ទីពីរ សៀវភៅនេះគឺជាអាវុធខាងសតិអារម្មណ៍ដ៏មុតស្រួចដើម្បីតស៊ូប្រឆាំងជាមួយសំដីមួលបង្កាច់ ខុសឆ្គងរបស់ពួកខ្មាំងសត្រូវ។ អានុភាពទាំងនេះតែងឆ្លៀតយកបញ្ហាជនជាតិ និងសាសនា ដើម្បីបំបែកបំបាក់ បំផ្លិចបំផ្លាញផែនមហាសាមគ្គីជនជាតិ។ តាមរយៈការលើកហេតុផលយ៉ាងរឹងមាំ និងភស្តុតាងជាក់ស្តែងដ៏រស់រវើក សៀវភៅនេះបានបញ្ជាក់ថាសង្គមនិយមដែល Việt Nam កំពុងកសាង គឺជាសង្គមប្រកបដោយមនុស្សធម៌ សាមគ្គី ដែលជារមណីយដ្ឋានសម្រាប់បណ្តាជនជាតិជាបងប្អូនបង្កើតសិទ្ធិស្មើភេទ គោរព និងជំនួយឧបត្ថម្ភគ្នាទៅវិញទៅមក ដើម្បីរួមអភិវឌ្ឍន៍។
ការឃោសនា ផ្សព្វផ្សាយយ៉ាងទូលំទូលាយ នឹងជួយឱ្យបងប្អូន Khmer យល់ច្បាស់នូវឧបាយកលដ៏ពិសពុល ពោលគឺមិនត្រូវរង្គោះរង្គើចំពោះព័ត៌មានមិនពិត រួមចំណែករក្សាសន្តិសុខនយោបាយ និងសណ្តាប់ធ្នាប់សង្គមរបស់ភូមិភាគ។
ដើម្បីការឃោសនា ផ្សព្វផ្សាយសម្រេចលទ្ធផលខ្ពស់ រដ្ឋអំណាច រណសិរ្សមាតុភូមិ និងអង្គការមហាជនគ្រប់លំដាប់ថ្នាក់គប្បីមានដំណោះស្រាយព្រមៗគ្នា និងការច្នៃប្រឌិត។
សៀវភៅរបស់អតីតអគ្គលេខាបក្ស Nguyễn Phú Trọng កំពុងត្រូវបានអ្នកជំនាញបកប្រែជាភាសា Khmer ដើម្បីឃោសនានៅក្នុងតំបន់ជនរួមជាតិ។
គួរមានការបកប្រែខ្លឹមសារស្នូលដែលងាយយល់បំផុតសម្រាប់សៀវភៅនេះជាភាសា Khmer ។ ការងារឃោសនា ផ្សព្វផ្សាយត្រូវធ្វើឡើងដោយប៉ិនប្រសប់ បត់បែន តាមបណ្តាញផ្សេងៗគ្នា៖ បញ្ចូលក្នុងកិច្ចប្រជុំជីវភាពនៅតាមភូមិ តាមរយៈតួនាទីរបស់ព្រះសង្ឃ និងអ្នកមានកិត្យានុភាពក្នុងសហគមន៍។ ភ្ជាប់ទ្រឹស្តីជាមួយរឿងរ៉ាវជាក់ស្តែងអំពីការផ្លាស់ប្តូរនៅលើទឹកដីមាតុភូមិខេត្ត Cà Mau ប្រសិទ្ធភាពនៃគោលនយោបាយជនជាតិ និងសាសនារបស់បក្ស និងរដ្ឋដែលបាននិងកំពុងនាំមកនូវជីវភាពសុខដមរមនា សុភមង្គលជូនប្រជាជន។
បច្ចុប្បន្ន សៀវភៅនេះកំពុងត្រូវបានបកប្រែជាភាសា Khmer ដែលមានកម្រាស់ ៥០២ ទំព័រ។ នាពេលកន្លងមក បក្ស និងរដ្ឋបានផ្សព្វផ្សាយប្រគេនទូសៀវភៅ និងសៀវភៅច្បាប់ជាច្រើនក្បាលនៅតាមវត្ត Khmer នានាក្នុងខេត្ត ដើម្បីបង្កើនការងារឃោសនា ផ្សព្វផ្សាយក្នុងតំបន់បងប្អូនជនរួមជាតិ។
ការនាំយកសតិអារម្មណ៍ក្នុងសៀវភៅនេះជូនដល់បងប្អូនជនរួមជាតិ Khmer នៅខេត្ត Cà Mau មិនត្រឹមជាភារកិច្ចនយោបាយប៉ុណ្ណោះទេ ថែមទាំងជាដំណោះស្រាយ ជាមូលដ្ឋានដើម្បីបំពោរបំពូនមូលដ្ឋានគ្រឹះសតិអារម្មណ៍ ពង្រឹងទំនុកចិត្ត និងបង្កើតការព្រមព្រៀងទៀតផង។ តាមរយៈនោះ អាចប្រមូលផ្តុំកម្លាំងទូទាំងជនជាតិ ដើម្បីសម្រេចក្តីបំណងប្រថ្នាខាងអភិវឌ្ឍប្រទេសជាតិឱ្យកាន់តែសម្បូររុងរឿង និងសុភមង្គល៕
Đờ Ni - Danh Điệp
