នាពេលថ្មីៗនេះដែរ នៅសង្កាត់ An Xuyên សមាគមសហព័ន្ធនារីខេត្តបានរៀបចំវគ្គបណ្តុះបណ្តាលដើម្បីបង្កើនសមត្ថភាព និងបំណិនជូនសមាជិកក្លឹបនៃសារគមនាគមន៍។ នេះជាសកម្មភាពនៃគម្រោងទី៨ "អនុវត្តសមភាពយេនឌ័រ និងការដោះស្រាយបញ្ហាបន្ទាន់សម្រាប់ស្ត្រី និងកុមារ" ក្រោមកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ ឆ្នាំ២០២៥។
សិក្ខាកាមយកចិត្តទុកដាក់ស្តាប់ដើម្បីក្តាប់យកចំណេះដឹង និងបំណិនផ្សេងៗ។
ក្នុងរយៈពេល ២ ថ្ងៃ សិក្ខាកាមចំនួន ៤០ នាក់ត្រូវបានណែនាំខាងបំណិនខាងសារគមនាគន៍ជាមូលដ្ឋានផងដែរ។ ចំណេះដឹងទាក់ទងនឹងយេនឌ័រ សមភាពយេនឌ័រ ការទប់ស្កាត់អំពើហិង្សាក្នុងគ្រួសារ ព្រមទាំងជំនាញក្នុងការសរសេរអត្ថបទ និងព័ត៌មានផ្សព្វផ្សាយនៅលើបណ្តាញសង្គម និងកសាងសារគមនាគមន៍ តម្រង់ទិសលើការរៀបចំទម្រង់ និងខ្លឹមសារនៃការឃោសនា ដើម្បីដំណើរការក្លឹបនៃសារគមនាគមន៍ (ដូចជាតាមរយៈការប្រកួតប្រជែងខាងសារគមនាគមន៍នៅលើបណ្តាប្រព័ន្ធ Zalo, Facebook ឬក៏ការផ្សព្វផ្សាយជាក្រុមតូចៗ និងការទៅសួរសុខទុក្ខគ្រួសារជាដើម)។ ផ្តើមពីនោះ អនុវត្តរៀបចំវគ្គបណ្តុះបណ្តាលខាងសារគមនាគមន៍។
.JPG)
ថ្នាក់ហ្វឹកហ្វឺបត្រូវបានចែកចេញជាក្រុម ដើម្បីរួមគ្នាដោះដូរ។
វគ្គបណ្តុះបណ្តាលនេះមានគោលបំណងលើកកម្ពស់តួនាទីរបស់ក្លឹបនៃសារគមនាគមន៍ក្នុងការលើកទឹកចិត្ត និងជំនួយឧបត្ថម្ភបងប្អូនប្រជាជនអំពីរ "ផ្នត់គំនិត និងរបៀបធ្វើ"។ ផ្សព្វផ្សាយ ឱ្យមានភាពទាក់ទាញការយកចិត្តទុកដាក់ពីសហគមន៍ និងសង្គមក្នុងការជំនួយឧបត្ថម្ភការងារ ដើម្បីជួយបងប្អូនស្ត្រីឱ្យរួចផុតពីភាពក្រីក្រ លើកកម្ពស់សមភាពយេនឌ័រ និងដោះស្រាយបញ្ហាជាបន្ទាន់របស់ស្ត្រី និងកុមារ ជាពិសេសនៅតាមតំបន់ជនជាតិភាគតិច។
បណ្តាសិក្ខាកាមទាំងឡាយចូលរួមលេងល្បែងចំណេះដឹងផ្នែងខាងសារគមនាគមន៍។
ខេត្ត Cà Mau មានឃុំចំនួន ២៤ កំពុងអនុវត្តគម្រោងទី ៨។ ដើម្បីលើកកំពស់សមត្ថភាព និង ប្រសិទ្ធភាពនៃសកម្មភាពទំនាក់ទំនងនៅថ្នាក់មូលដ្ឋាន ក្នុងអំឡុងពេលនេះ រួមជាមួយសង្កាត់ An Xuyên សមាគមន៍សហព័ន្ធនារីខេត្តក៏បានរៀបចំវគ្គបណ្តុះបណ្តាលចំនួន ៣ លើក ដើម្បីពង្រឹងចំណេះដឹងដល់ក្លឹបនៃសារគមនាគមន៍តាមបណ្តាឃុំ៖ Khánh Bình, Khánh Hưng និង Đá Bạc៕
Cẩm Nhi
