ដោយចាត់ទុកថាការយកចិត្តទុកដាក់ដល់ជីវភាពរស់នៅរបស់បងប្អូនជនរួមជាតិ Khmer ជាភារកិច្ចនយោបាយដ៏សំខាន់ រយៈពេលកន្លងគណ៖កម្មាធិការរណសិរ្សមាតុភូមិ Việt Nam ឃុំ Hưng Hội បានសហការជាមួយរដ្ឋអំណាចភូមិភាគអនុវត្តល្អគោលនយោបាយជនជាតិ ព្រមទាំងផ្សព្វផ្សាយយ៉ាងច្រើនកម្មវិធីឧបត្ថម្ភជនរួមជាតិ Khmer ដោះស្រាយរាល់បញ្ហាមួយចំនួនស្តីពីផ្ទះស្នាក់នៅ ការងារធ្វើ ព្រមទាំងផ្គត់ផ្គង់ជីវភាពមាមីងបងប្អូនមួយថ្ងៃកាន់តែមានភាពប្រសើរឡើង។
គ្រួសារអ្នកមីង Thạch Thị Sà Quạnh រីករាយក្នុងផ្ទះថ្មីដែលទើបទទួលបានការឧបត្ថម្ភសាងសង់។
គ្មានដីសម្រាប់ផលិត គ្រួសារអ្នកមីង Thạch Thị Sà Quạnh នៅភូមិ Sóc Đôn មានកូនចំនួន ៨ នាក់ ជីវភាពប្រចាំថ្ងៃពឹងលើតែប្រាក់ស៊ីឈ្នួលរបស់ប្តីប្រពន្ធ និងរបរកម្មករសំណង់របប់កូនប្រុសតែប៉ុណ្ណោះ។ ផ្ទះដែលជាសម្បត្តិដ៏មានតម្លៃបំផុតរបស់គ្រួសារក៏មានការទ្រុឌទ្រោមយ៉ាងធ្ងន់ធ្ងរ ភ្លៀងជះ ខ្យល់បកបើង។ មានផ្ទះស្នាក់នៅល្អត្រឹមត្រូវ គឺជាក្តីស្រមៃតាំងពីយូរណាស់មកហើយដែរ។ ទន្ទឹមនិងនោះ ភាពក្រក៏បានតាមជាប់ គិតគូរបាយម្ហូបមួយថ្ងៃ ២ ពេលហើយថែមទាំងប្រាក់កាសសម្រាប់កែជុសជុលផ្ទះ ឬកសង់ថ្មីគឺខ្ញុំមិនដែលនឹកស្មានថាទៅរួចនោះទេ។
យល់ឃើញពីស្ថានភាពគ្រួសាររបស់អ្នកមីងជួបលំបាកបែបនេះ កាលពីខែឧសភា ឆ្នាំ២០២៥ គណៈកម្មាធិការរណសិរ្សមាតុភូមិ Việt Nam ខេត្តក៏បានផ្តើមចលនាសមាគមសាមគ្គីព្រះសង្ឃស្នេហាជាតិខេត្តដើម្បីជំនួយឧបត្ថម្ភគ្រួសារសង់ផ្ទះមហាសាមគ្គីមួយខ្នង ដោយសរុបទឹកប្រាក់ ៦០ លានដុង រួមទាំងទូសម្រាប់ជាទីសក្ការៈមួយទៀតផង។ ក្រៅពីការឧបត្ថម្ភផ្ទះ កម្មាភិបាលរណសិរ្សឃុំ ថែមទាំងបានណែនាំអ្នកមីង ក្វាន់ ធ្វើលិខិតស្នាមបង្កើនប្រភពទុនដោះស្រាយការងារធ្វើ (បន្ថែមពី ១០-២០ លានដុង) ពីធនាគារគោលនយោបាយសង្គមសម្រាប់អ្នកមីងអនុវត្តទម្រង់លក់បន្លែនៅទីផ្សារ ដើម្បីបង្កើតប្រភពចំណូលនឹងនរសម្រាប់ផ្គត់ផ្គង់ជីវភាពគ្រួសារប្រចាំថ្ងៃ។
អ្នកមីង Thạch Thị Sà Quạnh មានប្រសាសន៍៖ “អាស្រ័យបានរដ្ឋអំណាចភូមិភាគជំនួយឧបត្ថម្ភ ក៏ជួយឱ្យខ្ញុំមានផ្ទះសមប្រាកបសម្រាប់ស្នាក់នៅ កូនចៅដេកលក់បានសុខស្រួលក្នុងផ្ទះថ្មី ជីវភាពគ្រួសារក៏បានលំនឹង”។
មុននេះប្រហែល ៣ ឆ្នាំ គ្រួសារអ្នកមីង ផានមីលិញ (នៅភូមិដាយតានី) មានការជួបលំបាកខ្លាំងដោយសារខ្វះដើមទុនផលិត តែបន្ទាប់ពីទទួលបានការឧបត្ថម្ភបុលទុនអនុគ្រោះពីធនាគារគោលនយោបាយសង្គមចំនួនទឹកប្រាក់ ៨០ លានដុង ប្តីប្រពន្ធអ្នកមីងក៏ចាប់ដៃគ្នាខិតខំរកស៊ីដោយប្រកបរបរដាំដំណាំ បន្លែបង្ការ។ បន្ទាប់ពីដាំបានរយៈពេលប្រហែល ៥ ខែ ពពាយក៏ចេញផ្លែ ជារៀងរាល់ថ្ងៃ ប្តីប្រពន្ធអ្នកមីងប្រមូលផលបានចាប់ពី ៥០-៧០ គីឡូក្រាម (តម្លៃទីផ្សារចាប់ពី ២០-៣៥ ពាន់ដុង/គីឡូក្រាម យោងតាមកាលវេលា)។ ទម្រង់នេះបានជួយឱ្យគ្រួសារមានប្រភពចំណូលនឹងនរ បង្កើតបានប្រាក់សំចៃទុកសម្រាប់កែជួសជុលផ្ទះឱ្យបានល្អថែមទៀត។ សេដ្ឋកិច្ចគ្រួសារមួយថ្ងៃកាន់តែធូរធា កូនចៅបានសិក្សារៀនសូត្រល្អត្រឹមត្រូវទៀតផង។
“ចាប់តាំងពីដើមឆ្នាំមក ឃុំបានឧបត្ថម្ភឱ្យបុលប្រាក់សម្រាប់ផលិតជាង ៨ ពាន់លានដុង ចលនាឧបត្ថម្ភអំណោយជាង ១.២០០ ចំណែក ព្រមទាំងឧបត្ថម្ភផ្ទះសប្បុរសធម៌ចំនួន ១៤ ខ្នង និងផ្ទះមហាសាមគ្គីសម្រាប់គ្រួសារដែលជួបលំបាកខាងលំនៅឋាន។ល។ ដើម្បីគិតគូរបានល្អដល់ជីវភាពរស់នៅរបស់បងប្អូនប្រជាជន រយៈពេលកន្លង អង្គភាពបានសហការជាមួយគណៈកម្មាធិការប្រជាជន ព្រមទាំងគ្រប់បណ្តាគណៈផ្នែក បន្តការផ្សព្វផ្សាយ ឧបត្ថម្ភប្រជាជនបានបុលទុនសម្រាប់ផលិតដើម្បីពង្រីកទម្រង់រកស៊ីមានប្រសិទ្ធភាព។ ឆ្លៀតឱកាសគ្រប់បណ្តាគណៈផ្នែក និងសប្បុរសជន ឧបត្ថម្ភគ្រួសារក្រីក្រជួបលំបាកខាងលំនៅឋានដើម្បីមាមីងបងប្អូនមានទីតាំងស្នាក់នៅសមរម្យ និងសុខសាន្តចិត្តពលកម្មផលិត” លោក Đặng Văn Bắc ប្រធានគណៈកម្មាធិការរណសិរ្សមាតុភូមិ Việt Nam ឃុំ Hưng Hội បានឱ្យដឹងដូច្នេះ។
អ្នកមីង Phan Mỹ Linh ថែទាំចម្ការពពាយដែលជាប្រភពចំណូលដ៏ប្រចាំរបស់គ្រួសារ។
ក្រៅពីគិតគូរដល់ជីវភាពរស់នៅរបស់បងប្អូនប្រជាជនបានល្អ គណៈកម្មាធិការរណសិរ្សមាតុភូមិ Việt Nam ឃុំថែមទាំងបានសហការជាមួយគណៈកម្មាធិការប្រជាជនឃុំផ្តល់យោបល់ ជំនួយឧបត្ថម្ភប្រជាជនចុះឈ្មោះដោះស្រាយសំណុំឯកសាររដ្ឋបាលនៅមណ្ឌលសេវាកម្មរដ្ឋបាលសាធារណៈរបស់ឃុំ និងនៅតាមអាគារវប្បធម៌តាមបណ្តាថ្នាក់ និងតាមគ្រួសារបងប្អូនប្រជាជនដែលជួបលំបាក កើតមានជំងឺ ចាស់ជរា។ល។ រៀបចំចាត់តាំងរាល់បណ្តាកិច្ចសន្ទនារវាងប្រជាជនជាមួយគ្រប់បណញតាគណៈកម្មាធិការបក្ស និងរដ្ឋអំណាចគ្រប់លំដាប់ថ្នាក់។ ផ្តើមពីនោះ ស្តាប់មតិយោបល់និងបំណងប្រាថ្នារបស់បងប្អូនប្រជាជន បង្កើនទំនុកចិត្តដ៏ខ្លាំងខ្លារបស់បងប្អូនប្រជាជនចំពោះបក្ស រដ្ឋ និងរដ្ឋអំណាចភូមិភាគ។ ទន្ទឹមនិងនោះក៏សកម្មចូលរួមចលនា ប្រឡងប្រណាំងស្នេហាជាតិ និងភារកិច្ចអភិវឌ្ឍន៍សេដ្ឋកិច្ច-សង្គម ព្រមទាំងចូលរួមបានល្អនូវការកសាងបក្ស និងរដ្ឋអំណាចភូមិភាគលើភូមិសាស្ត្រឃុំ។
ផ្តើមពីការយកចិត្តទុកដាក់របស់បក្ស រដ្ឋ និងរដ្ឋអំណាចភូមិភាគ ទើបជីសម្ភារៈ និងស្មារតីរបស់ប្រជាជន Khmer នៅឃុំ Hưng Hội មានការអភិវឌ្ឍមិនឈប់ឈរ។ វិស័យហេដ្ឋារចនាសម្ព័ន្ធតំបន់ជនជាតិភាគតិចត្រូវបានវិនិយោគ និងកែលម្អជាប្រចាំ ជាពិសេសប្រព័ន្ធចរាចរណ៍ជនបទ និងប្រព័ន្ធធារាសាស្ត្រ បង្កើលក្ខខណៈអំណោយផល និងជំរុញការអភិវឌ្ឍសេដ្ឋកិច្ច។ នេះក៏ជាប្រភពកម្លាំងសម្រាប់ជំនួយឧបត្ថម្ភបងប្អូន Khmer ខិតខំប្រឡងប្រណាំងពលកម្មផលិត រួមចំណែកកសាងប្រទេសជាតិ មាតុភូមិមួយថ្ងៃកាន់តែសម្បូរសប្បាយ និងរីកចម្រើនឆ្ពោះទៅមុខ៕
Tú Quyên - Ngọc Quyên
ឃុំ Hững Hội សព្វថ្ងៃមានជាង ២.០០០ គ្រួសារជនរួមជាតិ Khmer ស្រូបអត្រា ៣០% នៃចំនួនប្រជាជនទូទាំងឃុំភាគច្រើនរស់នៅតាមបណ្តាភូមិចំនួន ៦ ភូមិ៖ Cù Lao, Sóc Đôn, Cả Vĩnh, Nước Mặn, Day Tà Ni និង Cái Giá។
