កម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ (ហៅកាត់កម្មវិធី) មានគម្រោងសរុបចំនួន ១០ ដោយអនុគម្រោងចំនួន ១០ និងខ្លឹមសារធាតុផ្សំចំនួន ៣១ ដែលបានអនុវត្តលើភូមិសាស្ត្រខេត្ត។
ដោយអាស្រ័យផលពីកម្មវិធី តំបន់ជនរួមជាតិជាច្រើនលើភូមិសាស្ត្រខេត្តមានការរីកចម្រើន ខណៈពេលដែលទទួលបានការវិនិយោគសាងសង់សំណង់គមនាគមន៍។
គិតត្រឹមថ្ងៃទី ៨ ខែតុលា ឆ្នាំ ២០២៥ ទូទាំងខេត្តបានបើកថវិកាចំនួន ៦៩,៥២៨ ពាន់លានដុង ស្មើនឹង ៤៥,៤៣% នៃផែនការ (ផែនការទុនដែលបានបែងចែកសម្រាប់កម្មវិធី ប៉ុន្តែមិនទាន់បាន បែងចែកលម្អិតដើម្បីអនុវត្តគឺ ៣៧,៦៨០ ពាន់លានដុង)។
ពេលអនុវត្តការរួមបញ្ចូលអង្គភាពរដ្ឋបាល រដ្ឋអំណាចមូលដ្ឋាន ២ ថ្នាក់ ជំហានដំបូងបានជះឥទ្ធិពលដល់វឌ្ឍនភាពក្នុងការអនុវត្ត និងបើកថវិកាតាមផែនការទុនរបស់កម្មវិធី ដោយសារអង្គភាពបានប្រគល់ភារកិច្ចឱ្យទទួលបន្ទុកគម្រោង និងអនុគម្រោងនានាចំណាយពេលច្រើនដើម្បីពិនិត្យទៀងផ្ទាត់ទិន្នន័យ និងប្រគល់ឯកសារទៅអង្គភាពថ្មីបន្តអនុវត្ត។
លោកស្រី Nguyễn Thu Tư នាយិការនៃមន្ទីរជនជាតិ និងសាសនា បានឱ្យដឹងថា៖ “តាមរយៈការបូកសរុប ភូមិភាគជាច្រើនបានព្យាករណ៍ថាមិនអាចបើកថវិកាអស់ផែនការទុនដែលបានប្រគល់ជូនតាមកាលកំណត់ឆ្នាំ ២០២៥ មិនទាន់ពេលនោះទេ ហើយបានស្នើសុំពន្យារពេលអនុវត្ត និងបើកថវិកាដល់ឆ្នាំ ២០២៦។ ប៉ុន្តែ ខ្លឹមសារនៃសំណើនេះមិនស្ថិតនៅក្រោមការដោះស្រាយរបស់ខេត្ត ដូច្នេះហើយត្រូវរង់ចាំសេចក្តីសម្រេចរបស់រដ្ឋសភា និងសេចក្តីចង្អុលការណែនាំរបស់រដ្ឋាភិបាល នាយករដ្ឋមន្ត្រីដើម្បីអនុវត្ត”។
ផែនការទុនវិនិយោគអភិវឌ្ឍន៍ដែលមិនទាន់បានបែងចែកលម្អិតគឺ ១៤,៦២៦ ពាន់លានដុង ក្នុងនោះ ៣.៨៦៩ លានដុងនឹងបានចែកជូនមន្ទីរវប្បធម៌ កីឡា និងទេសចរណ៍ដើម្បីអនុវត្តគម្រោងទី ៦។ ប៉ុន្តែ នៅថ្ងៃទី ៣០ ខែកញ្ញា ឆ្នាំ ២០២៥ មន្ទីរវប្បធម៌ កីឡា និងទេសចរណ៍មានលិខិតផ្ញើជូន មន្ទីរហិរញ្ញវត្ថុ ស្នើសុំកែសម្រួលបន្ថយផែនការទុនមកនៅត្រឹម ២.៣០០ លានដុង ដូច្នេះចំនួនទុនដែលនៅសល់ ១.៥៦៩ លានដុងត្រូវអនុវត្តកែតម្រូវឡើងវិញសម្រាប់អង្គភាពផ្សេងទៀត។
ទឹកប្រាក់ចំនួន ១០.៧៥៧ លានដុងគឺជាចំនួនទុនដែលបានបែងចែកក្នុងឆ្នាំ ២០២៥ សេសសល់នៅថ្នាក់ស្រុកនៃខេត្ត Bạc Liêu (ចាស់) បន្ទាប់ពីការរួមបញ្ចូលបានបញ្ជូនឱ្យថ្នាក់ខេត្តគ្រប់គ្រងវិញ។
កម្មវិធីបានបង្កលក្ខណៈសម្រាប់បងប្អូនជនរួមជាតិភាគតិចបង្កើនការផលិត និងប្រភព ប្រាក់ចំណូលទៀតផង។
មន្ទីរជនជាតិ និងសាសនាបានពិនិត្យឡើងវិញ ធ្វើការស្ទង់មតិជាក់ស្តែងនៅភូមិភាគ និងធ្វើការជាមួយភូមិភាគចំនួន ៦ ដែលមានមុខសញ្ញាទទួលផលជាច្រើនពីខ្លឹមសារឧបត្ថម្ភរបស់កម្មវិធី ព្រមទាំងបូកសរុបរបាយការណ៍ពិនិត្យឡើងវិញរបស់ឃុំ-សង្កាត់ចំណុះខេត្ត Bạc Liêu (ចាស់)។ តាមនោះ បានកត់ត្រាបន្ថែមនូវតម្រូវការឧបត្ថម្ភដីលំនៅឋានចំនួន ១១ គ្រួសារ ផ្ទះនៅចំនួន ២០ គ្រួសារ ហើយបានស្នើបែងចែកបន្ថែមចំនួន ១.៧០៦ លានដុង។ ចំនួនទឹកប្រាក់នៅសេសសល់ ៩.០៥១ លានដុង បានរំពឹងថានឹងមិនបន្តបែងចែកលម្អិតទេ ដោយសារភូមិសាស្ត្រខេត្ត Bạc Liêu (ចាស់) បច្ចុប្បន្នលែងមានមុខសញ្ញាទទួលបានផល និងតម្រូវការប្រើប្រាស់ទុនទៀតហើយ។
ចំពោះទុនវិជ្ជាជីវៈដែលមិនទាន់បានបែងចែកលម្អិតគឺ ១៩.៨២០ លានដុង រួមមាន ១៨.៩៨០ លាន ដុងបានបែងចែកសម្រាប់កម្មវិធីក្នុងឆ្នាំ ២០២៥ នៅលើភូមិសាស្ត្រខេត្ត Bạc Liêu (ចាស់) មិនអាចបន្តបែងចែកលម្អិតបានទេ ដោយសារភូមិសាស្ត្រអនុវត្តបានអស់តម្រូវការ និងមុខសញ្ញាទទួលបាន ផលហើយ។ ៨៤០ លានដុងត្រូវបានបែងចែកដើម្បីអនុវត្តគម្រោងរងទី ២ នៃគម្រោងទី ៣ នៅលើភូមិសាស្ត្រស្រុក Trần Văn Thời ខេត្ត Cà Mau (ចាស់) ប៉ុន្តែភូមិភាគបានកំណត់ថាលែងមានមុខសញ្ញាទទួលបានផលទៀតទេ ដូច្នេះមិនទាន់បានបែងចែកលម្អិតដល់ថ្នាក់ឃុំ។ បន្ទាប់ពីការរៀប ចំឡើងវិញ បានពិនិត្យ និងកែសម្រួលមកថ្នាក់ខេត្តដើម្បីគ្រប់គ្រង។
“ចំពោះមុខការលំបាកដូចបានរៀបរាប់ខាងលើ មន្ទីរជនជាតិ និងសាសនាជាអ្នកទទួលបន្ទុក នឹងសហការជាមួយអង្គភាព និងភូមិភាគនានា ដើម្បីបន្តពិនិត្យឡើងវិញ ស្នើដំណោះស្រាយចំពោះចំនួន ទុនដែលមិនទាន់បានបែងចែក ឬលែងមានតម្រូវការប្រើប្រាស់របស់កម្មវិធី។ ករណីលែងមានតម្រូវ ការប្រើប្រាស់ទុន ឬមិនអាចកែសម្រួលផ្ទៃក្នុងរវាងគម្រោងនានាបាន ត្រូវរាយការណ៍ជូនថ្នាក់មានសមត្ថកិច្ចដើម្បីពិចារណាសងទៅថវិកាមជ្ឈិមវិញ” លោកស្រី Nguyễn Thu Tư បានឱ្យដឹងបន្ថែមដូច្នេះ។
បងប្អូននារីជនជាតិភាគតិចជាច្រើនរូបទទួលបានចូលជិតបណ្តាប្រភពទុន ដើម្បីអភិវឌ្ឍន៍ទម្រង់ដាំដំណាំ បង្លែបង្ការ។
ដោយបានបញ្ជាក់ថាការបើកដើមទុនជាភារកិច្ចនយោបាយដ៏សំខាន់ និងចម្បង អនុប្រធានគណៈ កម្មាធិការប្រជាជនខេត្ត Lê Van Sử បានសង្កត់ធ្ងន់ថា ត្រូវតែផ្តោតអាទិភាពលើការដឹកនាំ ចង្អុលការ និងរៀបចំអនុវត្ត ខិតខំប្រឹងប្រែងឱ្យអត្រាបើកថវិកាសម្រេចបាន ១០០% តាមកិច្ចចង្អុលការណែនាំរបស់នាយករដ្ឋមន្ត្រី។ គ្រប់បណ្តាស្ថាប័នគ្រប់គ្រងកម្មវិធី តាមមុខងារ និងភារកិច្ចបានប្រ គល់ជូន ត្រូវសហការជាមួយស្ថាប័ន អង្គភាព និងភូមិភាគនានាឱ្យបានទាន់ពេលវេលា ដើម្បីបន្តពិនិត្យឡើងវិញនូវរាល់ការលំបាក និងឧបសគ្គផ្សេងៗដើម្បីណែនាំបន្ថែមទៀតអំពីជំនាញ វិជ្ជាជីវៈ ក្របខ័ណ្ឌច្បាប់ និងរាល់បញ្ហាពាក់ព័ន្ធផ្សេងៗតាមផ្នែកសមត្ថកិច្ច។ បង្កើនសកម្មភាពត្រួតពិនិត្យ និងជំរុញខ្លាំងខ្លល្បឿននៃការអនុវត្ត និងដោះស្រាយថវិកាដើមទុនដែលបានរៀបចំជាស្រេច។
ចំពោះបណ្តាអង្គភាពដែលមានអត្រាបើកថវិកាទាប អនុប្រធានគណៈកម្មាធិការប្រជាជនខេត្ត Lê Văn Sử បានប្រគល់ភារកិច្ចឱ្យមន្ទីរកសិកម្ម និងបរិស្ថាន មន្ទីរជនជាតិ និងសាសនាធ្វើការបូកសរុប រៀបចំផែនការធ្វើការ ដើម្បីស្វែងរកដំណោះស្រាយដោះស្រាយការលំបាកជាមួយអង្គភាព និងភូមិភាគនីមួយៗ សម្រេចមុនថ្ងៃទី ៣០ ខែតុលា។ បន្តតាមដាន ធ្វើបច្ចុប្បន្នភាពលទ្ធផលនៃការអនុវត្តតាមអង្គភាពដែលកំពុងជួបការលំបាក ក្តាប់ស្ថានភាពឱ្យបានដិតដល់ និងរាយការណ៍ជូនថ្នាក់មានសមត្ថកិច្ចតាមបទប្បញ្ញត្តិ៕
Quỳnh Anh
