អនុវត្តបទដ្ឋាន "៣ស្អាត" នៃការចលនា "កសាងគ្រួសារ ៥គ្មាន ៣ស្អាត" សមាគមសហព័ន្ធនារីខេត្តគ្រប់លំដាប់ថ្នាក់ បានប្រមូលផ្តុំដំណោះស្រាយជាក់ស្តែងជាច្រើន ព្រមទាំងប្តេជ្ញាចិត្តអនុវត្តមានប្រសិទ្ធភាព រួមចំណែកលើកកម្ពស់តម្លៃនៃការឃោសនាចលនាចូលរួមអនុវត្តកម្មវិធីគោលដៅជាតិលើភូមិសាស្ត្រខេត្ត។
សមាគមសហព័ន្ធនារីទូទាំងខេត្ត មានសកម្មភាពយ៉ាងជាក់ស្តែងសម្រាប់ជំនួយឧបត្ថម្ភបងប្អូននារីកសាងសង់បង្គន់អនាម័យ និងអាងផ្ទុកទឹកសម្រាប់ប្រើប្រាស់ទៀតផង។
លោកស្រី Nguyễn Thị Ngọc Thuý អនុប្រធានសមាគមសហព័ន្ធនារីខេត្ត បានឱ្យដឹងថា៖ "ផ្តោតលើផែនការដំណាក់កាល និងប្រចាំឆ្នាំ ថ្នាក់សមាគមប្រមូលផ្តុំផ្សព្វផ្សាយ ឃោសនាជាប្រចាំក្នុងសមាជិកនារី អំពីបទដ្ឋាន ៨ យ៉ាង "កសាងគ្រួសារ ៥គ្មាន ៣ស្អាត" ចំណេះដឹងអំពីការការពារបរិស្ថាន អនាម័យម្ហូបអាហារ។ យោងតាមនោះ សមាគមគ្រប់លំដាប់ថ្នាក់បានជួយគ្នាកសាងបង្គន់ស្របអនាម័យ ឧបត្ថម្ភគ្រួសារមានឧបករណ៍សម្រាប់ផ្ទុកទឹកប្រើប្រាស់ស្របអនាម័យ និងអនុវត្ត ៣ស្អាត។ល។ ឆ្លងកាត់ច្រើនឆ្នាំអនុវត្ត ទម្រង់មានប្រសិទ្ធភាពជាច្រើនរបស់សមាគមក៏ត្រូវបានគណៈកម្មាធិការគ្រប់លំដាប់ថ្នាក់ និងរដ្ឋអំណាចភូមិភាគយកចិត្តទុកដាក់ ចង្អុលការណែនាំយ៉ាងទូលំទូលាយទាំងលើភូមិសាស្ត្រ"។
ដើម្បីជួយបងប្អូននារី រួមទាំងសមាជិកមានស្ថានភាពជួបលំបាក គ្រួសារក្រ គ្រួសារប្រកៀកបន្ទាត់ក្រ មានបង្គន់ស្របអនាម័យ សមាគមនារីគ្របើលំដាប់ថ្នាក់ធានាឥណទានជាមួយអ្នកផ្គត់ផ្គង់ ឧបត្ថម្ភគ្រួសារទិញឧបករណ៍ផ្ទុកទឹកសម្រាប់ប្រើប្រាស់ដោយសងជាសន្សឹមៗ និងអាងទឹកស្អុយ កសាងបង្គន់ធានាអនាម័យជាដើម។ ជាពិសេស ចាត់តាំងអនុវត្តសម្រេចជោគជ័យ ២ ទម្រង់ចលនា ឧបត្ថម្ភគ្រួសារក្រលំបាកសង់បង្គន់ធានាអនាម័យដោយប្រើបាសាំងទឹករំលាយលាមកសម្រាប់ឃុំចំនួន ២ ដែលមានបងប្អូនជនរួមជាតិ Khmer រស់នៅច្រើន។
នៅភូមិលេខ ៧ ឃុំ Tân Lộc សាខាសមាគមនារីតែងសកម្មឃោសនា ចលនាបងប្អូននារីឱ្យចូលរួមការពារបរិស្ថាន អនុវត្តកសាងបង្គន់អនាម័យ។ អាស្រ័យហេតុនេះ ស្ថានភាពបង្គន់សង់បណ្តោះអាសន្នសន្សឹមៗក៏ត្រូវបានលុបបំបាត់ចោល។ ពិសេស តាមរយៈទម្រង់នេះ ថែមទាំងបានជួយនារីក្រីក្រកសាងបង្គន់អនាម័យ ទាំងប្រមូលផ្តុំបានបងប្អូននារីចូលរួមក្នុងសមាគមនារីទៀតផង។
បងស្រី Nguyễn Thị Ly (នៅភូមិលេខ ៧ ឃុំ Tân Lộc) ស្ថានភាពជួបលំបាកខ្លាំង តែដោយបានសាខាសមាគមនារីជំនយយឧបត្ថម្ភប្រាក់សម្រាប់សាងសង់បង្គន់អនាម័យតម្លៃថោកល្មមដោយវិធីឧបត្ថម្ភបាសាំងទឹក។ រីឯសម្ភារៈសំណង់ គឺបងស្រីបានបុលប្រាក់ រួចសងបណ្តើរៗជារៀងរាល់ខែ។ មិនត្រឹមតែប៉ុណ្ណោះ ដើម្បីជួយបងស្រីមានឧបករណ៍ផ្ទុកទឹកសម្រាប់ប្រើប្រាស់ សាខាសមាគមថែមទាំងបង្កលក្ខណៈឱ្យបងស្រីទិញធុងទឹកប្លាស្ទិកដោយសង់ជាសន្សឹមៗរាល់ខែទៀតផង។
"តាំងពីមានបង្គន់អនាម័យ ជីវភាពគ្រួសារក៏មានភាពប្រសើរឡើង បង្គន់ជិតជុំ ស្អាតបាត អាងទឹកសម្រាប់រំសាយលាមក។ គ្រួសារថែមទាំងបានប្រើប្រាស់ទឹកស្អាត សមាជិកក្នុងគ្រួសារចេះថែរក្សាសុខភាព មានរបៀបរស់នៅល្អ និងធានាសុវត្ថិភាពផងដែរ” បងស្រី Ly មានប្រសាសន៍បែបនេះ។
ក្រៅពីនោះ សមាគមគ្រប់លំដាប់ថ្នាក់ទូទាំងខេត្តក៏បានចលនាឧបត្ថម្ភ និងប្រឹតសំចៃជួយគ្នាសាងសង់បង្គន់អនាម័យបានចំនួន ៤៨.៧៨៧ គ្រឿង (ក្នុងនោះ អនុវត្តថ្មី សាងសង់បង្គន់អនាម័យបានចំនួន ២៥៤ គ្រឿងតាមទម្រង់ប្រើប្រាស់អាងទឹកប្លាស្ទិករំសាយលាមកដោយខ្លួនឯកដែលសមស្របទៅតាមតំបន់លេចលង់ឆ្នេរសមុទ្រ)។ សមាគមថែមទាំងទាញយកនូវបណ្តាគម្រោងការឧបត្ថម្ភថវិកាទឹកប្រាក់ជាង ៧៦,៧ ពាន់លានដុងសម្រាប់ផ្សព្វផ្សាយសកម្មភាពឧបត្ថម្ភរបរចិញ្ចឹមជីវិត ប្រើប្រាស់ទឹកស្អាត សាងសង់បង្គន់អនាម័យ ព្រមទាំងលើកកម្ពស់សមត្ថភាពជាមួយការប្រែប្រួលនៃអាកាសធាតុក្នុងសហគមន៍តំបន់ជួបលំបាកខ្លាំង និងតំបន់មាត់សមុទ្រ។
តាំងពីបានឧបត្ថម្ភទិញអាងទឹក បងស្រី Nguyễn Thị Ly ក៏មានប្រភពទឹកស្អាតសម្រាប់ប្រើប្រាស់ផងដែរ។
អ្នកស្រី Nguyễn Thị Ngọc Thuý បានអះអាងទៀតថា៖ “ទម្រង់ឧបត្ថម្ភសាងសង់បង្គន់អនាម័យ និងឧបករណ៍ផ្ទុកទឹកប្រើប្រាស់ជូនបងប្អូននារី នាំមកនូវអត្ថន័យយ៉ាងធំធេង ជាការជំរុញទឹកចិត្ត ដើម្បីសមាជិកនារីគ្រប់រូបចូលរួមកសាងជនបទថ្មី។ ជាមួយគ្នានោះដែរ បងប្អូននារីថែមទាំងបានស្ម័គ្រចិត្តកែតម្រូវផ្ទះសម្បែង រៀបចំផ្ទះនៅមានរបៀបរៀបរយ។ អាស្រ័យហេតុនេះ បង្កើតបានជាទម្លាប់ដ៏ល្អ លើកកម្ពស់គុណភាពក្នុងការរស់នៅសម្រាប់បងប្អូននារីជាទូទៅនិយាយដោយឡែក សហគមនិយាយរួម ឆ្លើយតបតម្រូវការជាក់ស្តែងរបស់គ្រួសារសមាជិកនារីទាំងឡាយ ធ្វើឱ្យផ្លាស់ប្តូរការយល់ដឹងរបស់បងប្អូនប្រជាជន កាត់បន្ថយរោគឆ្លង ធានាប្រភពទឹកស្អាត ថែរក្សាសុខភាពជូនគ្រួសារ និងសហគមន៍”។
មកទល់សព្វថ្ងៃនេះ ទូទាំងខេត្តមាន ១៤៤.៧៩៣ គ្រួសារសម្រេចបទដ្ឋាន ៨ យ៉ាង នៃយុទ្ធនាការ "កសាងគ្រួសារ ៥គ្មាន ៣ស្អាត" (កើន ៤៦,២% គ្រួសារ ប្រៀបនឹងឆ្នាំ ២០១០)។ ចំពោះបទដ្ឋាន "អត្រាគ្រួសារមានបង្គន់អនាម័យ និងបន្ទប់ទឹក ឧបករណ៍ផ្ទុកទឹកសម្រាប់ប្រើប្រាស់ស្របអនាម័យ" ជាមូលដ្ឋានគ្រប់បណ្តាឃុំក៏សម្រេចបានជាង ៧០%ផងដែរ។ ចលនានេះ បាននិងកំពុងបានរួមចំណែកជាក់ស្តែងអនុវត្តមានប្រសិទ្ធភាពសម្រាប់បទដ្ឋានទី ១៧ ស្តីពីបរិស្ថាន។
Quỳnh Anh
