ថ្ងៃស្អែក ១៥ មីនា ជាថ្ងៃបោះឆ្នោតតំណាងរដ្ឋសភានីតិកាលទី ១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិឆ្នាំ ២០២៦-២០៣១ នឹងបានប្រព្រឹត្តឡើង។ រួមជាមួយអ្នកបោះឆ្នោតទូទាំងប្រទេស ឃុំ Ninh Thạnh Lợi បានបញ្ចប់ការរៀបចំសម្រាប់ថ្ងៃបោះឆ្នោតប្រកបដោយភាពដ៏ជោគជ័យ។
អាគារវប្បធម៌ឃុំត្រូវបានរៀបតុបតែងដោយទង់ និងពាក្តស្លោកសម្រាប់អំណរថ្ងៃបោះឆ្នោត។
បណ្តាថ្ងៃនេះ នៅគ្រប់តាមបណ្តាដងផ្លូវ និងតំបន់លំនៅដ្ឋានទូទាំងឃុំ Ninh Thạnh Lợi ត្រូវបានបំភ្លឺដោយពណ៌ក្រហមនៃទង់ជាតិ បដា និងពាក្យស្លោក បង្កើតបរិយាកាសដ៏រស់រវើក និងស្វាហាប់ទៀតផង។ ប្រព័ន្ធផ្សព្វផ្សាយសម្លេង និងរថយន្តឃោសនាចល័តបន្តបញ្ជូនព័ត៌មានស្តីពីសិទ្ធិ និងកាតព្វកិច្ចរបស់អ្នកបោះឆ្នោត ព្រមទាំងលក្ខណៈសម្បត្តិសម្រាប់អ្នកតំណាងរាស្ត្រ និងកាលកំណត់ដ៏សំខាន់ផងដែរ។
លោក Phan Thanh Sung អនុប្រធានគណៈកម្មាធិការប្រជាជនឃុំ Ninh Thạnh Lợi បានឱ្យដឹង៖ “ដើម្បីជួយប្រជាជនឱ្យយល់កាន់តែស៊ីជម្រៅអំពីសារៈសំខាន់នៃថ្ងៃបោះឆ្នោត និងលើកកម្ពស់ស្មារតីទទួលខុសត្រូវរបស់ពួកគេក្នុងការជ្រើសរើអ្នកតំណាងដែលមានគុណធម៌ និងទេពកោសល្យគ្រប់គ្រាន់ដើម្បីបម្រើការងារនៅតាមស្ថាប័នដែលមានសិទ្ធិអំណាចផ្លូវរដ្ឋខ្ពស់បំផុតនៅថ្នាក់មជ្ឈិម និងភូមិភាគ ឃុំ Ninh Thạnh Lợi បានផ្តោតលើការផ្សព្វផ្សាយព័ត៌មានដែលយោងតាម ទម្រង់ផ្សេងៗដូចជា៖ តាមរយៈសមាគម និងក្រុមនានា។ តាមរយៈប្រព័ន្ធសម្លេងផ្សព្វផ្សាយនៅភូមិភាគ និងរថយន្តព័ត៌មានចល័តជាដើម។ សម្រាប់ភូមិភាគដែលរថតន្តមិនអាចទៅដល់បាន គឺឃុំនឹងរៀបចំម៉ូតូភ្ជាប់ឧបករណ៍បំពងសម្លេងចុះទៅតាមច្រកតូច និងគ្រួសារនីមួយៗ។ ចាប់ពីពេលនេះរហូតដល់ថ្ងៃបោះឆ្នោតជាផ្លូវការ ឃុំនឹងផ្សព្វផ្សាយព័ត៌មានជាបន្តបន្ទាប់អំពីសិទ្ធិ និងកាតព្វកិច្ចរបស់អ្នកបោះឆ្នោត ស្តង់ដារសម្រាប់អ្នកតំណាងរាស្ត្រ និងព្រឹត្តិការណ៍ដ៏សំខាន់ៗផងដែរ”។
ដំណើរការនៃការចងក្រង និងបិទផ្សាយបញ្ជីឈ្មោះអ្នកបោះឆ្នោតត្រូវបានអនុវត្តតាមបែបវិទ្យាសាស្ត្រ។ បញ្ជីឈ្មោះត្រូវបានបិទផ្សាយនៅតាមបណ្តាទីតាំងងាយស្រួលសម្រាប់ប្រជាជនស្វែងយល់ព័ត៌មានបានយ៉ាងលម្អិត។ តាមរយៈការផ្សព្វផ្សាយព័ត៌មាននេះ ប្រជាជនក៏បានយល់ដឹងអំពីសិទ្ធិ និងកាតព្វកិច្ចរបស់ពួកគេក្នុងការចូលរួមបោះឆ្នោត។ ប្រជាជនបានទៅការិយាល័យបោះឆ្នោតយ៉ាងសកម្មដើម្បីស្វែងយល់ និងស្វែងយល់ពីជីវប្រវត្តិសង្ខេបរបស់បេក្ខជនអ្នឈរឆ្នោត។ ដើម្បីសន្លឹកឆ្នោតនីមួយៗមិនត្រឹមតែបំពេញសិទ្ធិ និងកាតព្វកិច្ចរបស់ប្រជាពលរដ្ឋប៉ុណ្ណោះទេ ថែមទាំងបានបញ្ជាក់ច្បាស់ពីជំនឿ និងក្តីសង្ឃឹមសម្រាប់ក្នុងការអភិវឌ្ឍចីរភាពរបស់ភូមិស្រុកក្នុងតំណាក់កាលថ្មីទៀតផង។
អញ្ជើញទៅដល់ទីស្នាក់នៃគណៈកម្មាធិការប្រជាជនឃុំ ដើម្បីស្វែងយល់ពីជីវប្រវត្តិសង្ខេបរបស់បេក្ខជនអ្នកឈរឆ្នោត អ្នកស្រី Trần Thị La នៅភូមិកោះធំ បានចែករំលែកថា៖ “ខ្ញុំមកទីនេះដើម្បីមើល និងអានជីវប្រវត្តិរបស់បេក្ខជនម្នាក់ៗ និងសិក្សាពីពួកគេ។ ប្រសិនបើខ្ញុំមិនដឹងអ្វីមួយទេ ខ្ញុំនឹងសួរមន្ត្រីឃុំភ្លាមៗ។ យើងត្រូវតែយល់ និងដឹងច្បាស់ដើម្បីជ្រើសរើសអ្នកតំណាងត្រឹមត្រូវ។ ខ្ញុំក៏បានជំរុញទឹកចិត្តសាច់ញាតិរបស់ខ្លួនឱ្យទុកការងារចោលមួយឡែក ហើយទៅបោះឆ្នោតឱ្យបានទាន់ពេលវេលា មិនថាពួកគេមានការរវល់យ៉ាងណាក៏ដោយ”។
ជម្រើសអ្នតំណាងដែលសក្តិសមចូលបម្រើការងាររដ្ឋ។
បង Trần Văn Điện នៅភូមិ Nhà Lầu ១ បានចែករំលែកថា៖ “ទោះបីជីវភាពគ្រួសារមានការមមាញឹកក៏ដោយ ខ្ញុំ និងក្រុមគ្រួសារបានពិភាក្សា និងត្រៀបរៀបចំពេលវេលារួចជាស្រេចដើម្បីទៅបោះឆ្នោតនៅព្រឹកថ្ងៃទី ១៥ មីនាឱ្យបានសមស្របតាមច្បាប់”។
ឃុំ Ninh Thạnh Lợi មានទីតាំងបោះឆ្នោតចំនួន ១៥ កន្លែង។ តំបន់បោះឆ្នោតដែលត្រូវបានរៀបចំយ៉ាងសមស្រប ជាពិសេសនៅតាមបណ្តាអាគារវប្បធម៌ភូមិ បង្កលក្ខណៈងាយស្រួលសម្រាប់ប្រជាជនក្នុងការបោះឆ្នោត។ ការខិតខំប្រឹងប្រែងសម្របសម្រួលទូទាំងប្រព័ន្ធនយោបាយ រួមជាមួយស្មារតីទទួលខុសត្រូវរបស់ប្រជាជន បានបង្កើតជាមូលដ្ឋានសម្រាប់ការបោះឆ្នោតបែបប្រជាធិបតេយ្យ ស្របច្បាប់ មានសុវត្ថិភាព និងសន្សំសំចៃ បានក្លាយជាពិធីបុណ្យដ៏អស្ចារ្យសម្រាប់អ្នកបោះឆ្នោតទាំងឡាយលើនៅភូមិភាគផងដែរ៕
Thiên Hương - Nguyễn Linh
