នៅឃុំ Phước Long តួនាទីរបស់គណៈកម្មាធិការរណសិរ្សមាតុភូមិ Việt Nam ឃុំ កំពុងបានបញ្ជាក់យ៉ាងច្បាស់តាមរយៈការអនុវត្តព្រមៗគ្នានូវវិធានការឧបត្ថម្ភប្រជាជន។ ជំនួសឱ្យទម្រង់ឧបត្ថម្ភបជាណ្ដោះអាសន្ន រណសិរ្សមាតុភូមិឃុំបានផ្ដោតលើចំនុជដ៏សំខាន់ ២ យ៉ាងគឺ៖ បង្កើតមូលដ្ឋានគ្រឹះសម្រាប់ខាងលំនៅឋាន និងផ្ដល់មុខរបរចិញ្ចឹមជីវិតដោយចីរភាព។
លោកស្រី Trương Thanh Xuân ប្រធានគណៈកម្មាធិការរណសិរ្សមាតុភូមិ Việt Nam ឃុំ Phước Long (ទីពីរពីស្ដាំ) ជូនអំណោយអ្នកមីង Phạm Thị Lến មនុស្សចាស់ឯកោ នៅភូមិ ភឿក ៣B ឃុំ ភឿកឡុង។
លោកស្រី Trương Thanh Xuân ប្រធានគណៈកម្មាធិការរណសិរ្សមាតុភូមិ Việt Nam ឃុំ Phước Long បានឱ្យដឹង៖ ក្រៅពីផ្ដល់ផ្ទះសម្បែង ភូមិភាគក៏បានរួមបញ្ចូលកម្មវិធីឧបត្ថម្ភផ្សេងៗទៀត ដើម្បីភាពសប្បាយរីករាយក្នុងការមានលំនៅឋានលំនឹងល្អ និងធានាពេលយូរអង្វែង។ អាស្រ័យហេតុនេះ គ្រួសារជាច្រើន ជាពិសេសគ្រួសារបងប្អូនជនជាតិខ្មែរ ដូចជាគ្រួសារលោក Danh Tre អ្នកមីង Cao Thị Phước ជាដើម អាចរស់នៅប្រកបដោយភាពកក់ក្តៅក្នុងផ្ទះថ្មីដ៏រឹងមាំរបស់ខ្លួន។
ដោយកំណត់ថាការជួយប្រជាជនឱ្យចាកផុតពីភាពក្រីក្រត្រូវតែមានលក្ខណៈស៊ីជម្រៅ រណសិរ្សមាតុភូមិឃុំបានសហការជាមួយអង្គការមហាជននានា ដើម្បីអនុវត្តទម្រង់មុខរបរចិញ្ចឹមជីវិតដែលសមស្របទៅតាមគ្រួសារនីមួយៗ។ លោកស្រី Trương Thanh Xuân ចែករំលែកថា៖ "កម្មវិធីនេះមានគោលបំណងបង្កើតការងារ និងកសាងទម្រង់ជីវភាពសម្រាប់គ្រួសារ ជាពិសេសគ្រួសារក្រ និងគ្រួសារប្រកៀកបន្ទាត់ក្រ រួមទាំងគ្រួសារទើបចាកផុតពីភាពក្រីក្រជាដើម។ រណសិរ្សមាតុភូមិឃុំបានសហការជាមួយអង្គការនយោបាយ-សង្គម អនុវត្តយ៉ាងសម្បូរបែប៖ ជាមួយសមាគមកសិករ ឧបត្ថម្ភការចិញ្ចឹមជ្រូក សត្វកញ្ច្រោងននោង សម្រាប់សមាគមនារី គឺទម្រង់ចិញ្ចឹមមាន់ រីឯសម្ព័ន្ធយុវជនវិញ បានឧបត្ថម្ភម៉ូតូ សម្រាប់ឱ្យបងប្អូនមានលក្ខណៈប្រកបមុខរបររកស៊ី និងលក់ដូរជាដើម"។
ការឧបត្ថម្ភចំគោលដៅបាននាំមកនូវប្រសិទ្ធភាពជាក់ស្តែង។ លោកស្រី Xuân បានវាយតម្លៃថា៖ "បងប្អូនប្រជាជនមានចិត្តសប្បាយរីករាយខ្លាំងណាស់ ហើយបានអនុវត្តតាមតម្រូវការដែលបានដាក់ចេញ ក៏ដូចជាប្រើប្រាស់ប្រភពទុនចំគោលដៅ"។
គណៈកម្មាធិការរណសិរ្សមាតុភូមិ Việt Nam ឃុំ Phước Long អញ្ជើញទៅពិនិត្យក្លឹបតម្បាញ នៅភូមិ Phước ៣B ឃុំ Phước Long។
មិនត្រឹមតែឧបត្ថម្ភផ្នែកសម្ភារៈប៉ុណ្ណោះទេ រណសិរ្សមាតុភូមិឃុំ Phước Long នៅតែជាអង្គភាពឈានមុខគេក្នុងការ "ធ្វើឌីជីថលនីយកម្ម" ការងារប្រមូលផ្ដុំមហាជនតាមរយៈទម្រង់ "ក្រុមរណសិរ្សឌីជីថល"។ បើតាមលោកស្រី Trương Thanh Xuân ការបង្កើតក្រុមទាំងនេះកើតចេញពីតម្រូវការផ្លាស់ប្តូរវិធីសាស្ត្រផ្សព្វផ្សាយ។ ជំនួសឱ្យការប្រជុំតាមបែបប្រពៃណី ក្រុម Zalo, Facebook ជួយបញ្ជូនគោលនយោបាយបានយ៉ាងរហ័ស និងជាកន្លែងសម្រាប់ប្រជាជនឆ្លុះបញ្ចាំងពីចិត្តគំនិត និងក្តីសង្ឃឹមរបស់ខ្លួនទៀតផង។ លោកស្រីបានសង្កត់ធ្ងន់ដែរថា៖ "ភូមិភាគបានប្ដេជ្ញាចិត្តពង្រីកទម្រង់នេះ ដោយខិតខំឱ្យមានក្លឹបរណសិរ្សឌីជីថលចំនួន ២២ ក្លឹបគ្រប់ភូមិទាំងអស់ទូទាំងឃុំ" ដើម្បីរឹតបន្តឹងមិត្តភាពរវាងរដ្ឋអំណាច និងប្រជាជនឱ្យកាន់តែជិតស្និទ្ធថែមទៀតនាពេលអនាគត៕
Đờ Ni
