ឃុំ Lương Thế Trân មានជនរួមជាតិ Khmer ១៣៣ គ្រួសារ។ ប៉ុន្មានឆ្នាំកន្លងមកនេះ កាន់តែមានគ្រួសារ Khmer ជាច្រើនបានខិតខំប្រឹងប្រែងរកស៊ី ដើម្បីលំនឹងជីវភាព មិនត្រឹមតែមានការរីកសាយភាយខាងស្មារតីជម្នះការលំបាកក្នុងសហគមន៍ប៉ុណ្ណោះទេ ថែមទាំងក្លាយជាគំរូដ៏ភ្លឺស្វាងក្នុងការរៀនសូត្រ និងធ្វើតាមលោកអ៊ំទៀតផង។
អាស្រ័យការឧស្សាហ៍ខិតខំប្រឹងប្រែងទើបប្តីប្រពន្ធលោក Kim Văn Cường និងអ្នកមីង Hữu Thuỳ Dung (ទី២ និងទី៣ គិតពីស្តាំ) ជីវភាពកាន់តែធូរធារ និងត្រៀមលក្ខណៈទទួលបុណ្យចូលឆ្នាំថ្មីដោយក្តីសប្បាយរីករាយផងដែរ។
គ្រួសារលោក Kim Văn Cường និងអ្នកមីង Hữu Thuỳ Dung នៅភូមិ Cái Bát គឺជាបុគ្គលគំរូដូច្នេះ។ ជាមួយផ្ទៃដីជាង ២ ហិកតា គ្រួសារលោកបានធ្វើស្រែរួមផ្សំជាមួយចិញ្ចឹមបង្កង ក្តាម ព្រមទាំងឆ្លៀតយកប្រភពទឹកធម្មជាតិផង និងកាត់បន្ថយហានិភ័យនៃជំងឺដង្កាត់ផ្សេងៗផង។ ក្នុងពេលទំនេរពីការងារស្រែចម្ការ លោកនិងភរិយាថែមទាំងបានឆ្លៀតទៅចាប់ខ្យង និងលៀស សម្រាប់ធ្វើជាចំណីបង្កង ឬលក់ដើម្បីបង្កើនប្រាក់ចំណូល។
អ្នកមីង Dung បានចែករំលែកដោយក្តីសប្បាយរីករាយថា៖ “យើងខ្ញុំខិតខំធ្វើការរាល់ថ្ងៃ ក្រៅពីចិញ្ចឹមបង្កង ក្ដាម ថែមទាំងឆ្លៀតធ្វើការងារបន្ថែម មានដូចជាទៅចាប់ខ្យង រើសលៀស ថ្ងៃខ្លះអាចរកចំណូលបានរាប់លានដុងផងដែរ ទើបធ្វើឱ្យយើងខ្ញុំកាន់តែមានកម្លាំងចិត្ត។ អ្វីដែលសំខាន់បំផុតគឺប្តីប្រពន្ធស្រុះស្រួលគ្នា ឧស្សាហ៍ព្យាយាមធ្វើការងារ រួមគ្នាបង្រៀន និងទូន្មានកូនចៅឱ្យខិតខំសិក្សារៀនសូត្រ និងឈានឡើងក្នុងការរស់នៅ” អ្នកមីង Dung និយាយបែបនេះ។
ស្រ័យការឧស្សាហ៍ព្យាយាម និងចេះគិតគូរក្នុងមួយឆ្នាំៗគ្រួសារលោក Cường មានប្រភពចំណូលរាប់រយលានដុង ជីវភាពកាន់តែមានស្ថិរភាព និងបានសង់បានផ្ទះយ៉ាងធំទូលាយស្អាតទៀតផង។
មិនត្រឹមតែពូកែខាងធ្វើសេដ្ឋកិច្ចប៉ុណ្ណោះទេ លោក Cường ថែមទាំងជាអ្នកមានកិត្យានុភាព ក្នុងជនរួមជាតិ Khmer ទៀតផង។ លោកតែងតែចែករំលែកនូវបទពិសោធន៍ ព្រមទាំងចលនាមាមីងបងប្អូនប្រជាជនឱ្យផ្លាស់ប្តូរទម្លាប់ចាស់ ចាប់យកវិទ្យាសាស្ត្របច្ចេកទេស ផ្តើមពីនោះ ក៏សកម្មក្នុងការឃោសនាផ្សព្វផ្សាយពីគោលការណ៍ណែនាំរបស់គណបក្ស និងគោលនយោបាយរបស់រដ្ឋ។
លោក Nguyễn Văn Tý ប្រធានគណៈការងាររណសិរ្សមាតុភូមិភូមិ Cái Bát បាកបានកត់សម្គាល់ថា៖ “លោក Kim Văn Cường បានពង្រីកល្អនូវតួនាទីជាអ្នកមានកិត្យានុភាព ព្រមទាំងសកម្មរួមជាមួយភូមិភាគក្នុងការឃោសនាផ្សព្វផ្សាយ និងចលនាប្រជាជន អាស្រ័យហេតុនេះ ស្ថានភាពសន្តិសុខនយោបាយ សណ្តាប់ធ្នាប់សុវត្ថិភាពសង្គមក្នុងតំបន់ជនជាតិភាគតិចបានលំនឹងល្អ ជីវភាពរស់នៅរបស់ប្រជាជនក៏បានកែលម្អជាសន្សឹមៗផងដែរ”។
ដែលគួរឱ្យស្ងើចសរសើរនោះគឺ លោក Kim Văn Cường ធ្លាប់ត្រូវបានលើកសរសើរជាអ្នកមានកិត្យានុភាពដ៏ឆ្នើម ព្រមទាំងមានឱកាសបានទៅទស្សនាកម្សាន្តនៅរដ្ឋធានីហាណូយដើម្បីចូលគោរពវិញ្ញាណក្ខន្ធលោកប្រធាន Hồ Chí Minh ក្នុងវិមានតម្កល់សពរបស់លោកអ៊ំទៀតផង។ នោះគឺជាអនុស្សាវរីយ៍ដ៏ជ្រាលជ្រៅ និងក្លាយជាកម្លាំងចិត្តដើម្បីឱ្យលោកបន្តរស់នៅដោយមានការទទួលខុសត្រូវខ្ពស់ចំពោះគ្រួសារ និងសហគមន៍។
ក្រៅពីម៉ោងបង្រៀន លោកគ្រូ Thạch Kim Phơ ក៏បានឆ្លៀតពេលសម្រាប់អភិវឌ្ឍទម្រង់ចិញ្ចឹមពពែ ដើម្បីលើកកម្ពស់ប្រាក់ចំណូលគ្រួសារ។
ចំពោះបុគ្គលគំរូដ៏ឆ្នើមម្នាក់ទៀតអំពីស្មារតីរៀនសូត្រ និងធ្វើតាមអ៊ំរបស់បងប្អូន Khmer នៅឃុំ Lương Thế Trân គឺបង Thạch Kim Phơ ជាគ្រូបង្រៀននៅសាលាអនុវិទ្យាល័យ Lợi An នៅភូមិ Đường Cuốc។ ក្រៅពីម៉ោងបង្រៀន បងក៏បានឆ្លៀតប្រើប្រាស់ផ្ទៃដីចម្ការសម្រាប់ធ្វើជាទ្រុងចិញ្ចឹមពពែ។ បងថែមទាំងម្ចាស់ការលើប្រភពចំណីសម្រាប់ពពែដោយការដាំ និងកាត់ស្មៅរាល់ថ្ងៃ ដើម្បីសន្សំសំចៃចំណាយតែនៅតែធានាបានប្រសិទ្ធភាព។ ផ្តើមពីពពែត្រឹមប៉ុន្មានក្បាលពីដំបូង រហូតមកដល់ពេលនេះ ហ្វូងពពែរបស់គ្រួសារបងក៏មានការធំធាត់ល្អប្រកបដោយស្ថិរភាពអស់រយៈពេលជាង ៣ ឆ្នាំមកហើយ នាំមកនូវប្រាក់ចំណូលបន្ថែមរាប់សិបលានដុងក្នុងមួយឆ្នាំៗទៀតផង។
មិនត្រឹមតែបំពេញភារកិច្ចនៅសាលា និងឧស្សាហ៍ព្យាយាមធ្វើការងារនៅផ្ទះប៉ុណ្ណោះទេ លោកគ្រូ Thạch Kim Phơ ថែមទាំងជាកូនកតញ្ញូ មើលថែទាំលោកឪពុកដែលជាជនពិការដោយសារសង្គ្រាម និងមានជំងឺប្រចាំកាយ ទន្ទឹមនឹងនោះក៏សកម្មចូលរួមការងារសង្គមនៅភូមិភាគផងដែរ។
លោក Phạm Tấn Sỹ លេខាសាខាបក្សភូមិ Đường Cuốc បានឱ្យដឹង៖ “ពីមុន ជីវភាពគ្រួសារលោកគ្រូ Thạch Kim Phơ មានការលំបាកខ្លាំង ប៉ុន្តែដោយសារភាពហ្មត់ចត់ និងអត់ធ្មត់ ទើបបច្ចុប្បន្នមានស្ថិរភាព។ លោកគ្រូមិនត្រឹមតែបង្រៀនបានល្អប៉ុណ្ណោះទេ ថែមទាំងពូកែធ្វើសេដ្ឋកិច្ច និងអស់ពីចិត្តជាមួយការចលនាផ្សេងៗរបស់ភូមិភាគ និងជាគំរូដ៏ល្អសម្រាប់បងប្អូនប្រជាជនរៀនសូត្រតាមទៀតផង”៕
Hồng Nhi- Quốc Ngữ
