បណ្តាផ្ទះដ៏រឹងមាំ ហេដ្ឋារចនាសម្ព័ន្ធដឹកជញ្ជូនមានការអភិវឌ្ឍព្រមៗគ្នា និងទម្រង់ផលិតជាច្រើនដែលបង្កើតប្រាក់ចំណូលសមគួរ ព្រមទាំងការអភិរក្ស និងលើកតម្កើងអត្តសញ្ញាណវប្បធម៌ Khmer គឺជាលក្ខណៈពិសេសលេចធ្លោនៃភូមិតំបន់ភូមិស្រុកនាពេលបច្ចុប្បន្នផងដែរ។ ការផ្លាស់ប្តូរជាវិជ្ជមាននេះបានឆ្លុះបញ្ចាំងយ៉ាងច្បាស់ពីប្រសិទ្ធភាពនៃកម្មវិធី និងគម្រោងការរបស់បក្ស និងរដ្ឋ ក៏ដូចជាការខិតខំប្រឹងប្រែងរបស់បងប្អូនប្រជាជន Khmerនៅ Cà Mau ផងដែរសម្រាប់ក្នុងការកែលម្អជីវភាពរស់នៅ។
សមមិត្ត Huỳnh Quốc Việt អនុលេខាប្រចាំការបក្សខេត្ត បានអញ្ជើញទៅសួរសុខទុក្ខជីវភាពរស់នៅរបស់បងប្អូន Khmer សង្កាត់ Hiệp Thành។
ជាមួយបរិយាកាសដ៏រស់រវើកនៃថ្ងៃបុណ្យចូលឆ្នាំថ្មីកំពុងឈានចូលមកដល់ នៅតាមបណ្តាភូមិភាគដែលមានប្រជាជន Khmer រស់នៅច្រើនកុះករ ដូចជាសង្កាត់៖ Vĩnh Trạch ឃុំ Hưng Hội ឃុំ Vĩnh Phước និងឃុំ Tân Lộc បានបំពាក់នៅអាវថ្មីយ៉ាងស្រស់ស្អាតផងដែរ។ ផ្តើមពីដងផ្លូវដ៏ធំៗដែលមានការតភ្ជាប់ជាមួយមណ្ឌលឃុំ និងផ្លូវចូលទៅកាន់ភូមិស្រុកជាដើមក៏ត្រូវបានក្រាលកៅស៊ូរួចរាល់ហើយដែរ។ ជីវភាពបងប្អូនប្រជាជន Khmer មានការអភិវឌ្ឍយ៉ាងសកម្ម ចំនួនគ្រួសារធូរធាក៏កើនជាលំដាប់។ គ្រួសារ Khmer ជាច្រើនបានអនុវត្តទម្រង់ផលិតប្រកបដោយជោគជ័យ ដូចជាការចិញ្ចឹមត្រីបច្ចេកវិទ្យាខ្ពស់ និងកសិកម្មចម្រុះ ដែលផ្តល់ផលចំណេញសេដ្ឋកិច្ចខ្ពស់។ បណ្តាទម្រង់ទាំងនេះមិនត្រឹមតែជួយលើកកម្ពស់ការកាត់បន្ថយភាពក្រីក្រប្រកបដោយចីរភាពប៉ុណ្ណោះទេ ថែមទាំងបង្ហាញពីការប្តេជ្ញាចិត្តរបស់បងប្អូនប្រជាជនក្នុងការលើកកម្ពស់ជីវភាពរស់នៅរបស់ខ្លួន រួមចំណែកដល់ការអភិវឌ្ឍរួមរបស់ប្រទេសជាតិ មាតុភូមិទៀតផង។
នៅតាមបណ្តាឃុំជនបទថ្មី ប្រព័ន្ធខាងវិស័យវប្បធម៌កំពុងត្រូវបានវិនិយោគ ដើម្បីបម្រើតម្រូវការវប្បធម៌ ការកម្សាន្តសប្បាយ និងការលើកកម្ពស់សុខភាពជូនបងប្អូនប្រជាជន Khmer ។ ទន្ទឹមនិងនោះ បណ្តាវត្តអារាម Khmer ទាំងឡាយក៏កំពុងពង្រីកនូវតួនាទីយ៉ាងសំខាន់របស់ខ្លួនដែលជាមជ្ឈមណ្ឌលនៃជំនឿ និងការថែរក្សាវប្បធម៌ប្រពៃណី តាមរយៈការរៀបចំពិធីបុណ្យ និងសកម្មភាពវប្បធម៌ដ៏ឧឡារិក សម្បូរទៅដោយអត្តសញ្ញាណ និងពាក់ព័ន្ធនឹងជីវិតរស់នៅតាមបែបសម័យទំនើប។
ដងផ្លូវគមនាគមជនបទភូមិ Bình Tốt ឃុំ Vĩnh Phước ត្រូវបានក្រាលកាវស៊ូវយ៉ាងស្រស់ស្អាតផងដែរ។
រាល់ឱកាសបុណ្យចូលឆ្នាំថ្មីប្រពៃណីម្តងៗ នៅតាមតំបន់ជនរួមជាតិ Khmer តែងមានភាពរស់រវើកអាស្រ័យការផ្លាស់ប្តូរយ៉ាងសកម្ម មិនត្រឹមជួយអភិរក្សខាងអត្តសញ្ញាណវប្បធម៌ប្រពៃណីប៉ុណ្ណោះទេ ថែមទាំងជាការរួមបញ្ចូលនៃដំណើរការអភិវឌ្ឍរួមរបស់ខេត្ត Cà Mau ទៀតផង៕
Hữu Thọ
