ប៉ុន្មានឆ្នាំកន្លងមកនេះ គណៈកម្មាធិការរណសិរ្សមាតុភូមិ Việt Nam ឃុំ Khánh Bình បានពង្រីកតួនាទីជាស្នូលយ៉ាងសកម្ម ក្នុងការប្រមូលផ្តុំ និងពង្រឹងផែនមហាសាមគ្គី ទូទាំងជនជាតិ ជាពិសេសគឺការយកចិត្តទុកដាក់ថែទាំដល់ជីវភាពរបស់បងប្អូនជនជាតិ Khmer ។
លោកស្រី Phạm Ngọc Trầm ប្រធានភូមិ Phạm Kiệt (ទីពីរបន្ទាប់ពីខាងស្តាំ) ចុះសួរសុខទុក្ខ និងក្តាប់ស្ថានភាពជីវភាពគ្រួសារអ្នកមីង Lý Thị Quệlខ។
តាមរយៈវិធីសាស្ត្រអនុវត្តជាក់ស្តែង និងមានប្រសិទ្ធភាព រណសិរ្សមាតុភូមិឃុំ មិនត្រឹមតែជួយជ្រោមជ្រែងប្រជាជនក្នុងការអភិវឌ្ឍសេដ្ឋកិច្ចប៉ុណ្ណោះទេ ថែមទាំងរួមចំណែកលើកកម្ពស់ជីវភាពផ្លូវចិត្ត និងរក្សានូវអត្តសញ្ញាណវប្បធម៌ជាតិទៀតផង។
គ្រួសារអ្នកមីង Lý Thị Quệl អាយុ ៦៧ ឆ្នាំ នៅភូមិ Phạm Kiệt ជាគ្រួសារមួយក្នុងចំណោមគ្រួសារដែលមានជីវភាពលំបាកក្នុងមូលដ្ឋាន។ ដោយសារខ្វះដីផលិតកម្ម ហើយចំណូលចម្បងពឹងផ្អែកលើការស៊ីឈ្នួលធ្វើការរបស់កូនប្រុស ធ្វើឱ្យជីវភាពគ្រួសារតែងតែជួបការខ្វះខាត។ ផ្ទះចាស់ទ្រុឌទ្រោមយ៉ាងខ្លាំង ប៉ុន្តែលោកស្រីគ្មានលទ្ធភាពជួសជុលឡើយ។
នៅឆ្នាំ ២០២៣ ក្រោមការចលនារបស់គណៈកម្មាធិការរណសិរ្សមាតុភូមិ Việt Nam ឃុំ គ្រួសារលោកស្រីត្រូវបានឧបត្ថម្ភក្នុងការសាងសង់ផ្ទះមេត្តាធម៌ដ៏រឹងមាំមួយ។ ទន្ទឹមនឹងនោះ អ្នកមីងក៏ត្រូវបានផ្តល់ឱកាសឱ្យទទួលបានប្រាក់កម្ចីដែលមានការប្រាក់ទាបចំនួន ៤០ លានដុង ពីធនាគារគោលនយោបាយសង្គម ដើម្បីចិញ្ចឹមជ្រូក ត្រី និងបសុបក្សី ជួយឱ្យចំណូលគ្រួសារមានភាពប្រសើរឡើងជាលំដាប់។
អ្នកមីង Quệl បានចែករំលែកដោយក្តីរំភើបថា៖ “អាស្រ័យការយកចិត្តទុកដាក់របស់រណសិរ្ស និងរដ្ឋអំណាចភូមិភាគ ជីវភាពគ្រួសារខ្ញុំមិនសូវពិបាកដូចមុនទៀតនោះទេ។ នៅពេលមានជម្រកមាននឹងនរសមរម្យល្អ និងបានបង្កលក្ខណៈសម្រាប់ការចិញ្ចឹមសត្វ ខ្ញុំក៏បានឆ្លៀតពេលត្បាញកន្ទេល ត្បាញកញ្ជើ និងកន្ត្រកពីខ្សែជ័រ ដើម្បីបង្កើនប្រាក់ចំណូលបន្ថែម។ កូនចៅក៏ត្រូវបានជួយជ្រោមជ្រែងក្នុងការសិក្សា ហើយក្នុងឱកាសបុណ្យទានផ្សេងៗ តែងតែមានការសួរសុខទុក្ខ និងផ្តល់កាដូ ដែលធ្វើឱ្យខ្ញុំមានភាពកក់ក្តៅក្នុងចិត្តយ៉ាងខ្លាំង”។
ចំណែកគ្រួសារលោក Kỳ Thanh Ngoan នៅភូមិ Phạm Kiệt ពីមុនទោះបីជាមានដីផលិតកម្ម ប៉ុន្តែដោយសារខ្វះដើមទុនវិនិយោគ ទើបប្រសិទ្ធភាពសេដ្ឋកិច្ចមិនទាន់ខ្ពស់។ ក្រោយពីទទួលបានការណែនាំពីកម្មាភិបាលរណសិរ្ស នៅឆ្នាំ ២០២៣ លោកបានខ្ចីប្រាក់ ៥០ លានដុង ដើម្បីកែច្នៃស្រះចិញ្ចឹមត្រីកន្ធរ។ គំរូនេះមានប្រសិទ្ធភាពណាស់ ដោយផ្តល់ចំណូលមានស្ថិរភាពពី ៣០ ដល់ ៥០ លានដុងក្នុងមួយឆ្នាំ។ នាដើមឆ្នាំ ២០២៦ នេះ លោកបន្តត្រូវបានពិចារណាឱ្យខ្ចីប្រាក់ ៤០ លានដុងបន្ថែមទៀត ដើម្បីពង្រីកទ្រង់ទ្រាយចិញ្ចឹម បើកចេញនូវក្តីសង្ឃឹមក្នុងការលើកកម្ពស់ចំណូលប្រកបដោយចីរភាព។
កម្មាភិបាលរណសិរ្សមាតុភូមិឃុំ ក្តាប់នូវគំរូជីវភាពរបស់អ្នកមីង Lý Thị Quệl។
បច្ចុប្បន្ន ឃុំ Khánh Bình មានជនជាតិចំនួន ៧ រស់នៅជាមួយគ្នា ដែលមាន ៤៨៤ គ្រួសារ ក្នុងនោះបងប្អូនជនជាតិ Khmer មានចំនួនច្រើនជាងគេគឺ ៤៧៣ គ្រួសារ។ ក្នុងរយៈពេលប៉ុន្មានឆ្នាំមកនេះ រណសិរ្សមាតុភូមិ និងអង្គការមហាជន តែងតែយកចិត្តទុកដាក់លើការងារឃោសនា និងផ្សព្វផ្សាយទាន់ពេលវេលានូវរាល់គោលការណ៍ និងគោលនយោបាយរបស់បក្ស និងរដ្ឋដល់បងប្អូនជនជាតិ។ ជាមួយគ្នានោះ ក៏បានអនុវត្តសកម្មភាពជាក់ស្តែងជាច្រើនដូចជា៖ ជួយកម្ចីទុន ផ្ទេរចំណេះដឹងវិទ្យាសាស្ត្រ-បច្ចេកទេស បណ្តុះបណ្តាលវិជ្ជាជីវៈ និងណែនាំការងារធ្វើដល់ពលកររាប់រយនាក់... អាស្រ័យដោយការយកចិត្តទុកដាក់យ៉ាងជិតដិត និងវិធានការដោះស្រាយដំណាលគ្នា រហូតមកដល់ពេលនេះ ទូទាំងឃុំនៅសល់ត្រឹមតែ ១០ គ្រួសារក្រីក្រ និង ៥ គ្រួសារក្បែរក្រីក្រ ដែលជាជនជាតិ Khmer ប៉ុណ្ណោះ។
លោក Bùi Văn Thiểu ប្រធានគណៈកម្មាធិការរណសិរ្សមាតុភូមិ Việt Nam ឃុំ Khánh Bình បានឱ្យដឹង៖ “គោលនយោបាយនានាត្រូវបានអនុវត្តទាន់ពេលវេលា និងមានប្រសិទ្ធភាព រួមចំណែកលើកកម្ពស់ជីវភាពរស់នៅទាំងផ្នែកសម្ភារៈ និងស្មារតីជូនបងប្អូន។ ហេដ្ឋារចនាសម្ព័ន្ធកាន់តែត្រូវបានវិនិយោគបង្ហើយ បង្កលក្ខណៈងាយស្រួលសម្រាប់ការអភិវឌ្ឍសេដ្ឋកិច្ច-សង្គម។ ផែនមហាសាមគ្គីភាពទូទាំងជាតិកាន់តែត្រូវបានពង្រឹង ហើយបងប្អូនបានចូលរួមយ៉ាងសកម្មក្នុងចលនាប្រឡងប្រណាំងនៅភូមិភាគ”។
តាមរយៈការចូលរួមយ៉ាងសកម្ម និងប្តូរផ្តាច់ពីសំណាក់ប្រព័ន្ធនយោបាយទាំងមូល ជីវភាពរបស់បងប្អូនជនជាតិ Khmaer នៅក្នុងឃុំ Khánh Bình កំពុងតែមានការរីកចម្រើនឥតឈប់ឈរ និងកាន់តែប្រសើរឡើងទាំងផ្នែកសម្ភារៈ និងស្មារតីផងដែរ៕
Tú Quyên - Trường Giang
