រយៈកាលកន្លង ឃុំង្វៀងវៀតខាយ ស្រុកភូតឹង ក៏បានយកចិត្តទុកដាក់អនុវត្តរាល់ដំណោះស្រាយក្នុងការឧបត្ថម្ភជីវភាពរស់នៅ ព្រមទាំងផ្ទះស្នាក់នៅតាមកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំតំណាក់កាល២០២១-២០៣០ (ហៅកាត់កម្មវិធី) ស្របពេលនោះក៏បាន ជួយស្តារជីវភាពរស់នៅរបស់បងប្អូនជនរួមជាតិខ្មែរទាំងឡាយលើភូមិសាស្ត្រមានភាពរីកចម្រើន។
ការជំនួយឧបត្ថម្ភទាន់ពេលដែលផ្តើមពីបណ្តាកម្មវិធីទិសដៅក៏បានជួយស្តារជីវភាពរស់នៅរបស់បងប្អូនជនរួមជាតិខ្មែរមួយថ្ងៃកាន់តែមានភាពរីកចម្រើនប្រសើរឡើង។
ឆ្នាំកន្លង ខណៈពេលដែលបានធ្វើការផ្សព្វផ្សាយ កម្មវិធី គណៈកម្មាធិការប្រជាជនឃុំក៏បានសហការជាមួយគ្រប់បណ្តាគណៈផ្នែក អង្គភាពពាក់ព័ន្ធដើម្បីផ្សព្វផ្សាយបានលម្អិត គម្រោងការ និងជម្រើសអនុម័ត ត្រឹមត្រូវចំពោះមុខសញ្ញាដែលទទួលផល។ យោង តាមលទ្ធផល ភូមិភាគក៏ទទួលបានការជំនួយឧបត្ថម្ភ ប្រាក់២០៤លានដុងសម្រាប់សាងសង់ផ្ទះស្នាក់នៅ ជូនគ្រួសារក្រីក្រទាំងឡាយនៅភូមិហ្កកុង មិនតែ ប៉ុណ្ណោះ ធនាគារគោលនយោបាយសង្គមរបស់ថ្នាក់ ស្រុកថែមទាំងជំ នួយឧបត្ថម្ភបងប្អូប្រជាជនបានបុលប្រាក់បន្ថែមចំនួន៣២០លានដុងសម្រាប់សង់ផ្ទះ ស្នាក់នៅ និងឧបត្ថម្ភទឹកប្រាក់២៣៩លានដុងសម្រាប់ អភិវឌ្ឍន៍ផលិតយោងតាមខ្សែសង្វាក់តម្លៃ ព្រមទាំង ផ្សព្វផ្សាយយ៉ាងសម្បូរបែបអំពីការរស់នៅកាត់បន្ថយ ក្រចីរភាពសម្រាប់គម្រោងការ ចិញ្ចឹមសត្វ និងប្រភព ទុនសម្រាប់ផ្តួចផ្តើមប្រជាជន រួមមានទាំងអស់៧៥ លានដុង (រួមទាំងប្រាក់ចំណាយក្នុងការសាងសង់ ទ្រុងចិញ្ចឹម និងឧបករ រួមទាំងការចំណាយផ្សេងៗ ជាដើម)។
ជាគ្រួសារដែលបានទទួលផលគ្រប់បណ្តាគោលនយោបាយតាមកម្មវិធី គ្រួសារបងស្រី ង្វៀងធីធី នៅ ភូមិហ្កកុង រីករាយនិងមានលក្ខណៈដើម្បីអភិវឌ្ឍន៍ សេដ្ឋកិច្ចផងដែរ។ កាលពីមុន គ្រួសារបងស្រីធី ជាគ្រួ សារក្រ ដោយសារកូនច្រើន ព្រមទាំងខ្វះដីផលិត ទៀតផង ដូច្នេះហើយទើបចំណូលគ្រួសារបានដោយតិចតួច។ អាស្រ័យមានជំនួយឧបត្ថម្ភទាន់សភាពការ របស់កម្មវិធីគោលនយោបាយ គ្រួសារបងស្រីធីក៏បានឧបត្ថម្ភសង់ផ្ទះមួយខ្នងដោយប្រភពថវិការបស់មជ្ឈឹម៤០លានដុង ព្រមទាំងប្រភពថវិការបស់ខេត្តមានចំនួន៤ លានដុងផងដែរ។
គ្រួសារបងស្រី គីមធី ក៏មានកម្លាំងចិត្តសម្រាប់ខិតខំឈានឡើងរួចចាកក្រអា ស្រ័យដោយការឧបត្ថម្ភទាន់ពេលរបស់រដ្ឋ។
“ពីមុន ផ្ទះខ្ញុំទ្រុឌទ្រោមអស់ ឲ្យតែដល់រដូវភ្លៀង ម្តងៗក៏ត្រូវស្រក់ទទឹក ចំណែករដូវទឹកជំនន់វិញក៏ លេចលង់។ ឆ្នាំកន្លងហើយ អាស្រ័យបានពូៗរដ្ឋអំ ណាចភូមិ និងឃុំជម្រើសឧបត្ថម្ភប្រាក់សង់ផ្ទះសម្រាប់ ស្នាកនៅ គ្រួសារខ្ញុំក៏សប្បាយចិត្តឥតឧបមា។ ក្រៅពី ទឹកប្រាក់ដែលបានឧបត្ថម្ភ គ្រួសារខ្ញុំរួមផ្សំបន្ថែមទើបអាចសង់បានផ្ទះមួយខ្នងដ៏រឹងមាំដូចសព្វថ្ងៃនេះឯង ដោយសរុបទាំងអស់ជាង១០០លានដុង។ ពេលដែល មានផ្ទះថ្មី ប្តីប្រពន្ធខ្ញុំក៏សុខសាន្តចិត្ត ខិតខំព្យាយាមរកស៊ីដើម្បីអភិវឌ្ឍន៍សេដ្ឋកិច្ច” បងស្រីធី មានប្រសាសន៍ បែបនេះ។
គ្រួសារលោក ហ្វិញង៉ុក នៅភូមិហ្កកុង ជាគ្រួសារ ខ្មែរក្រីក្រ ជីវភាពខ្វះខាត ពឹងលើតែរបរខាងនេសាទ សមុទ្រចាប់ខ្យងចាប់ក្តាមតែម្យ៉ាងប៉ុណ្ណោះ។ យល់ឃើញជីវភាពគ្រួសារជួបលំបាកខ្លាំង ភូមិភាគក៏បានចលនាប្រភពទុនផ្តើមពីកម្មវិធី រួមមានដូចជាធនាគារ របស់មជ្ឈឹមឧបត្ថម្ភចំនួន៤០លានដុង ព្រមទាំងថវិកាខេត្តឧបត្ថម្ភ៤លានដុង សម្រាប់គ្រួសារលោកង៉ុក សង់បានផ្ទះថ្មី។
លោកង៉ុក មានប្រសាសន៍៖ “ខ្ញុំពិតជាអរគុណពូៗ និងបងៗកម្មាភិបាលឃុំខ្លាំងណាស់ដែលបានជំនួយ ឧបត្ថម្ភគ្រួសារខ្ញុំសង់បានផ្ទះដ៏ល្អស្អាតសម្រាប់បាំងភ្ញៀងបាំងថ្ងៃ។ ពេលនេះ សុខភាពក៏អន់ខ្សោយ ណាស់ដែរហើយ មានផ្ទះសម្រាប់ស្នាក់នៅគឺខ្ញុំរំភើបចិត្តណាស់ ព្រម ទាំងលំនឹងចិត្តពលកម្មផលិត បន្តខិតខំប្រឹងប្រែងរកស៊ីដើម្បីចាកផុតក្រ"។
លោកក្វាច់វុំាងសេន អនុប្រធានគណៈកម្មាធិការប្រជាជនឃុំង្វៀតវៀតខាយ ឲ្យដឹង៖ “ទូទាំងឃុំសព្វថ្ងៃមានទាំងអស់១៣០/៣.៣២៧គ្រួសារខ្មែរ រស់នៅប្រមូលផ្តុំនៃភូមិទាំង៣ដែលជួបលំបាកពិសេស បាន ទទួលផលគោលនយោបាយផ្តើមពីកម្មវិធី រួមមាន ដូចជាភូមិ៖ ហ្កកុង ហ្កកុងដុង តឹងក្វាងតី។ ឆ្នាំកន្លង អាស្រ័យប្រភពកម្លាំង ជំនួយឧបត្ថម្ភអំពីបណ្តាកម្មវិធីទិសដៅជាតិ បងប្អូនជនរួមជាតិខ្មែរក៏មានលក្ខណៈ លុបបំបាត់ផ្ទះបណ្តោះអាសន្ន ព្រមទាំងសាងសង់ផ្ទះថ្មីយ៉ាងធំទូលាយស្អាតទៀតផង។ នេះក៏ជាឱកាស និង ជាប្រភពកម្លាំងដើម្បីគ្រួសារខ្មែរទាំងឡាយលើក កម្ពស់ចំណះដឹងក្នុងការឈានឡើងដើម្បីចាកផុតក្រ ចីរភាពផងដែរ”៕
ហុំាងមី-ភឿងយូ
