បាយបិណ្ឌ គឺជាគ្រឿងបូជាដែលមិនអាចខ្វះបាននារដូវបុណ្យសែនដូនតារបស់ជនជាតិ Khmer សម្រាប់ឧទ្ទិសថ្វាយមេត្តាជូនដល់ពពួកប្រេតទាំងឡាយក្នុងរយៈពេល១៥ថ្ងៃ ដែលប្រព្រឹត្តឡើងនៅតាមវត្ត ហៅថា "ពិធីកាន់បិណ្ឌ"។ តែអា្រស័យស្ថានភាពសេដ្ឋកិច្ច បងប្អូនជនរួមជាតិ Khmer Nam Bộ និយាយរួម នឹង Cà Mau និយាយដោយឡែក ក៏មានការកាត់បន្ថយខ្លះៗសម្រាប់ការកាន់បិណ្ឌ ដោយកាន់បិណ្ឌត្រឹមរយៈពេលពី៥-៣ថ្ងៃចុងក្រោយប៉ុណ្ណោះ ទើបនិយមហៅថាពិធីភ្ជុំបិណ្ឌ ឬក៏បុណ្យភ្ជុំ។
មាមីងបងប្អូននាំគ្នាបួងសួងឧទ្ទិសមគ្គផលមុនពេលប្រទក្សិណនិងបោះបាយបិណ្ឌ៣ជុំវិញព្រះវវិហារ។
បាយបិណ្ឌ ធ្វើពីអង្ករដំណើប ដោយពូតជាដុំតូចៗ លាយជាមួយ ស្ករ ដូង ល្ង។ល។ មានទាំងផ្លែឈើដែលចិតជាចំណិតតូចៗសម្រាប់យកទៅបោះនារដូវបុណ្យសែនដូនតា។
តាមទំនៀមទម្លាប់់ Khmer បោះបាយបិណ្ឌ ត្រូវបានបោះនៅពេលទាបភ្លឺ មុនព្រះអាទិត្យរះ ទើបពួកប្រេតទាំងឡាយអាចទទួលបាន ពិធីបោះបាយបិណ្ឌមួយឆ្នាំប្រព្រឹត្តឡើងតែម្តងគត់ គឺនៅរដូវបុណ្យសែនដូនតារៀងរាល់ឆ្នាំ។ បាយបិណ្ឌ បន្ទាប់ពីយកទៅវត្តនិមន្តព្រះដារឧទ្ទិសរួចពុទ្ធបរិស័ទក៏នាំគ្នាយកទៅបោះ៣ជុំព្រះវិហារ។ ដូច្នេះហើយ ដើម្បីមានបាយបិណ្ឌសម្រាប់បោះនៅរដូវបុណ្យសែនដូនតា ជារៀងរាល់ឆ្នាំ គ្រួសារ Khmer ទាំងឡាយត្រូវក្រោកពីព្រលឹម រៀបចំគ្រឿងសក្ការៈផ្សេងៗសម្រាប់យកទៅវត្ត។
តាំងពីព្រលឹមមាមីងពុទ្ធបរិស័ទក៏បាននាំគ្នាទៅវត្តដើម្បីនិមន្តព្រះសង្ឃដារនិងបោះបាយបិណ្ឌឧទ្ទិសភាគផលជូនពួកប្រេតទាំងឡាយដែលត្រូវជាសាច់សាលោហិតខ្លួន។
កាលពីមុន ជនរួមជាតិ Khmer តែងជួបជុំគ្នានៅវត្ត ដើម្បីរួមគ្នាដាំបាយបិណ្ឌ បង្កើតបានបរិយាកាសសប្បាយអ៊ូអរក្នុងវត្តនារដូវបុណ្យសែនដូនតាផងដែរ។ តែជំនាន់ក្រោយៗមកនេះ ក៏មានគ្រួសារមួយចំនួន បានដាំបាយបិណ្ឌនៅផ្ទះ រួចទើបយកទៅវត្ត (យោងតាមតំបន់)។ បាយបិណ្ឌ មិនត្រឹមតែមនុស្សចាស់ប៉ុណ្ណោះទេទើបអាចចូលរួមបាន សម្រាប់ក្មេង យុវវ័យក៏អាចចូលរួមដាំនិងពូតបាយបិណ្ឌបានដូចគ្នា។
ពិធីប្រទក្សិណ និងបោះបាយបាយបិណ្ឌរដូវបុណ្យសែនដូនតារបស់ជនរួមជាតិ Khmer នៅ Cà Mau។
.jpg)
បាយបិណ្ឌ ជាគ្រឿងដង្វាយដែលមិនអាចខ្វះបានក្នុងរដូវបុណ្យសែនដូនតា
តាំងពីយូរយារណាស់មកហើយ បាយបិណ្ឌបានក្លាយជាគ្រឿងបូជាដែលមិនអាចខ្វះបានក្នុងរដូវបុណ្យសែនដូនតានៅតាមវត្តអារាម Khmer។ បុណ្យភ្ជុំបិណ្ឌ សែនដូនមានអត្ថន័យសម្រាប់តបស្នងគុណូបការៈដល់បុព្វការីជន មានមាតាបិតាជា ដើមដែលលោកបានផ្តល់កំណើត និងចិញ្ចឹបីបាច់ថែរក្សារហូតធំដឹងក្តី៕
Danh Điệp
