នាពេលថ្មីៗនេះដែរ តាមដងផ្លូវ Võ Văn Kiệt ដែលស្ថិត នៅភូមិ Tắc Thủ ឃុំ Hồ Thị Kỷ ស្រុក Thới Bình មានហាងលក់ខោអាវជាច្រើនដែលមានឈ្មោះចម្លែកៗ ដូចជា៖ “Du Số” “9 Ru”។ល។ យោងតាមការសាកសួរទើបដឹងថា នេះគឺជាជួរផ្ទះទាំងឡាយរបស់បងប្អូនជនជាតិ Chăm ដែលទើបតែជួលសម្រាប់លក់ដូរដើម្បីផ្គត់ផ្គង់ជីវភាពរស់នៅ។
ជួបសំណេះសំណាលជាមួយមាមីងជនជាតិ Chăm យើងខ្ញុំបានដឹងថា “Du Số” “9 Ru” សុទ្ធតែជាឈ្មោះដែលបានដាក់ឱ្យសុទ្ធតែយោងទៅតាមសាសនា Chăm ដែលពួកគាត់មាននិស្ស័យមកបង្កើតអាជីពនៅលើតំបន់ដែនដី Cà Mau យើងនេះ លោក Zacoop បានឱ្យដឹង៖ មករស់នៅតំបន់ថ្មី យើងខ្ញុំក៏មិនសូវជាធ្លាប់ប៉ុន្មាននោះដែរ។ យើងខ្ញុំមានបំណងចង់មានការទំនាក់ទំនងជាមួយបងប្អូនប្រជាជន Cà Mau និយាយរួម និងបងប្អូនជនជាតិដទៃទៀតនៅ Cà Mau និយាយដោយឡែក។ ទន្ទឹមនិងនោះ យើងខ្ញុំក៏មានបំណងចង់រក្សាទំនៀមទម្លាប់ប្រពៃណីដោយឡែករបស់ជនជាតិខ្លួនផងដែរ”។
លោក Zacoop បានមករស់នៅតំបន់ដែនដីថ្មីនៃខេត្ត Cà Mau ដើម្បីផ្តើមអាជីព។
យោងតាមប្រសាសន៍របស់លោក Zacoop ដែលមានស្រុកកំណើតនៅឃុំ Vĩnh Trường ស្រុកAn Phú ខេត្ត An Giang កាលពីមុន គ្រួសាររស់នៅជាអ្នកមុជទឹក (ដែលជារបរស្នងត្រកូល) នៅតាមដងទន្លេធំៗដើម្បីចិញ្ចឹមជីវិត។ ប៉ុន្តែពេលគាត់មានវ័យកាន់តែចាស់ ការងារនេះលែងស័ក្តិសមហើយ ដូច្នេះ ទើបលោក Zacoop ផ្លាស់ទៅប្រកបរបរលក់ដូរកំប៊ិចកំប៉ុកតាមជញ្ចើមថ្នល់។ ពីព្រោះភាគច្រើន សារគ្រួសារទាំងឡាយសុទ្ធសឹងជាអ្នកគ្មានដីផលិត ទើបនាំគ្នាប្រកបរបររកស៊ីដោយពឹងលើការស៊ីឈ្នួល ដែលជារបរមិននឹងនរសោះឡើយ។
“ការលក់ដូរតាមដងផ្លូវមិនគ្រប់គ្រាន់សម្រាប់ផ្គត់ផ្គង់ជីវភាពគ្រួសារនោះទេ។ មានពេលមួយ ខ្ញុំបានជួបអ្នកធ្លាប់ស្គាល់ម្នាក់ គឺលោក Itarit (ដែលជាគ្រួសារដំបូងគេបង្អស់បានមករស់នៅតំបន់ដែនដីខេត្ត Cà Mau) ក្នុងខណៈពេលដែលលោកបានត្រឡប់ទៅ An Giang លេងជាមួយគ្រួសារ។ លោក Itaritក៏បានបបួលខ្ញុំទៅ Cà Mau លេង។ ដំបូងខ្ញុំក៏មានការព្រួយបារម្ភណាស់ដែរ ដោយសារប្លែកដីប្លែកទឹកតែយោងតាមការរៀបរាប់របស់លោក Itarit បងប្អូននៅ Cà Mau មានភាពរួសរាយរាក់ទាក់ខ្លាំងណាស់ ហើយទីនោះក៏ជាតំបន់ដែនដីណាត់ និងអាចពង្រីកសេដ្ឋកិច្ចបាន ដូច្នេះហើយ ខ្ញុំក៏ពិពគ្រោះជាមួយគ្រួសារ សម្រេចចិត្តទៅ Cà Mau ដើម្បីផ្តើមអាជីព”។
លោក Zacoop រៀបចំកញ្ចប់ឥវ៉ាន់សម្រាប់ផ្ញើជូនទៅម៉ូយលក់រាយ។
ត្រឡប់មកឃុំហូធីគី ដែលបានអ្នកស្គាល់ជួយណែនាំឧទ្ទេសនាម លោក Zacoop ក៏បានជួលដីមួយកន្លែង ហើយសាងសង់ផ្ទះ២ខ្នងជាប់គ្នាជាមួយបណ្តាគ្រួសារជនជាតិ Chăm ដទៃទៀត ដើម្បីបើកហាងលក់ខោអាវរួមគ្នា ដោយបានរស់នៅក្បែរលោក Zacoopខ្ញុំក៏ស្ងប់អារម្មណ៍ណាស់ដែរដែរ។
លោក Nguyễn Việt Bắc អនុប្រធាន អនុប្រធានគណៈកម្មាធិការប្រជាជនឃុំ Hồ Thị Kỷ ស្រុក Thới Bình បានឲ្យដឹង៖ “លើភូមិសាស្ត្រឃុំ ក្រៅពីជនជាតិKhmer នាពេលថ្មីៗនេះដែរ ក៏មានជនជាតិ Chăm ពីខេត្ត An Giang មករស់នៅ ក្នុងនោះមាន៨គ្រួសារដែលសព្វថ្ងៃកំពុងស្នាក់អាស្រ័យលើភូមិសាស្ត្រឃុំ។ ប្រហែលនៅឆ្នាំ២០១៨ មានតែត្រឹមប៉ុន្មានគ្រួសារប៉ុណ្ណោះ តែបន្ទាប់មកក៏មានមួយចំនួនគ្រួសារទៀត។ ដំបូង បណ្តាគ្រួសារ Chăm ទាំងឡាយក៏ជួបច្រើនការលំបាក ប៉ុន្តែតាំងពីផ្លូវ Võ Văn Kiệt ត្រូវបានសាងឡើង នឹងមានអ្នកដំណើរទៅមកច្រើនកុះករផងនោះ ការលក់ដូររបស់បងប្អូនជនជាតិ Chăm ទីនេះ ក៏មានភាពល្អប្រសើរឡើង។ បណ្តាគ្រួសារទាំងនេះសុទ្ធតែអនុវត្តល្អគោលការណ៍ណែនាំរបស់បក្ស ក្រឹត្យច្បាប់របស់រដ្ឋ ព្រមទាំងបទប្បញ្ញត្តិរបស់ភូមិភាគ។ រដ្ឋអំណាចភូមិភាគតែងជំនួយឧបត្ថម្ភអស់ពីសមត្ថភាពខណៈពេលដែលមាមីងបងប្អូនបានមករស់នៅទីនេះ។ តួយ៉ាងដូចអំឡុងពេលកើតមានជំងឺអាសន្នរោគ Covid-19 ទោះបីជាគ្រួសារទាំងនេះសុទ្ធសឹងជាអ្នករស់នៅបណ្ណោះអាសន្នលើភូមិសាស្ត្រ តែក៏ទទួលបានការឧបត្ថម្ភទឹកប្រាក់ក្នុងអំឡុងដែលមិនអាចលក់ដូរបានដោយសារប៉ះពាល់ជំងឺអាសន្នរោគ”។
“បន្ទាប់ពីរស់នៅបានជិត៤ឆ្នាំលើតំបន់ដែនដី Cà Mau នេះ សម្រាប់អ្នកដែលឃ្លាតឆ្ងាយពីស្រុកកំណើតដូចយើងខ្ញុំ ក៏សន្សឹមៗក្លាយជាទម្លាប់ផងដែរ។ ជារៀងរាល់ថ្ងៃ ប្តីប្រពន្ធខ្ញុំនៅផ្ទះជួយលក់ដូរកូនស្រីនៅហាង ចំណែកប្តីរបស់វាដែលជាកូនប្រសារខ្ញុំវិញនៅតែបន្តលក់ដូរកំប៊ិចកំប៉ុកនៅតាមទីផ្សារ ដើម្បីរកចំណូលបន្ថែម។ ចៅៗរបស់ខ្ញុំក៏បានចុះឈ្មោះចូលរៀននៅតាមសាលានានាក្នុងឃុំផងដែរ” លោក Zacoop បានរៀបរាប់បែបនេះ។
ពេលនេះនេះដែរ ក៏ឈានចូលជិតដល់ថ្ងៃបុណ្យ (Tết Nguyên đán) ឆ្នាំ២០២៥ដែរហើយ លោក Zacoop ក៏ដូចជាបងប្អូនជនជាតិ Chăm ដទៃទៀតដែលរស់នៅទីនេះ ក៏ទន្ទឹងរង់ចាំដល់រដូវលក់ដូររបស់ខ្លួននាឱកាសបុណ្យចូលឆ្នាំ ពីព្រោះនេះជាឱកាសតែមួយគត់ដែលមានភ្ញៀវទិញច្រើនសម្រាប់ទទួលអំណរឆ្នាំថ្មី។
“Cà Mau ពិតជាតំបន់ដែនដីសមប្រកបខ្លាំងណាស់ ខ្ញុំសង្ឃឹមថានឹងផ្សារភ្ជាប់ជាយូរអង្វែងថែមទៀតជាមួយតំបន់ដែនដីដ៏ជាទីស្រឡាញ់នេះ” លោក Zacoop បានសង្កត់ធ្ងន់បែបនេះ៕
Kim Cương
