ជាមួយឆន្ទៈក្នុងការហានគិត ហានធ្វើរួមទាំងការខិតខំប្រឹងប្រែងក្នុងការពលកម្មផលិត បង Hữu Minh Tài (អាយុ៣១ឆ្នាំនៅភូមិ Đường Đào ឃុំ Hồ Thị Kỷ ស្រុក Thới Bình) បានប្តេជ្ញាចិត្តផ្តើមអាជីពជាមួយរបរចម្លាក់ឈើដែលជាទម្រង់មិនត្រឹមជួយគ្រួសារបងមានលក្ខណៈឈានឡើងរួចចាកក្រប៉ុណ្ណោះទេ ថែមទាំងរួមចំណែកដោះស្រាយការងារធ្វើជូនយុវជននៅភូមិស្រុកទៀតផង។
កើតនិងធំដឹងក្តីក្នុងសង្គមគ្រួសារក្រលំបាកក្នុងតំបន់ភូមិភាគដែលមានជនរួមជាតិ Khmer រស់នៅច្រើនកុះករ តាំងពីតូចបងតាយក៏បានកំណត់ច្បាស់ចំពោះមុខរបររបស់ខ្លួនដើម្បីជួយផ្គត់ផ្គង់ជីវភាពសេដ្ឋកិច្ចគ្រួសារ។ អាយុ១៦ឆ្នាំ បងបានបានផ្តើមរៀនគូគំនូរ។ បន្ទាប់មកដោយយល់ថា របរនេះមិនសូវមានការរីកចម្រើននាពេលអនាគត។ ឆ្នាំ២០០៨ បងក៏ចេញទៅក្រុង Cà Mau ដើម្បីរៀនរបរខាងជាងឈើ។ បន្ទាប់មក បងក៏ចាកចេញស្វែងរកមុខរបរការងារធ្វើតាំងពីស្រុកមួយរហូតដល់ស្រុកមួយ រកគ្រូណាដែលពូកែៗ ដើម្បីសូមរៀនរបរបង្កើនមុខជំនាញរបស់ខ្លួន។ ឆ្នាំ២០១២ បងតាយបានវិលត្រឡប់មកស្រុកកំណើតវិញ រួចហើយបើកមូលដ្ឋានចម្លាក់ខាងវិចិត្រកម្ម។ ជាមួយបទពិសោធន៍ រួមទាំងប្រជាប្រិយភាពរបស់ខ្លួនដែលមានជាតូរឆ្នាំផងនោះក៏មិនពិបាកក្នុងការទាក់ទងភ្ញៀវអតិថិជននោះដែរ។ ផ្តើមពីគល់ឈើធម្មតា បន្ទាប់ពីឆ្លងកាត់ស្នាដៃដ៏បុិនប្រសព្វរបស់បង Tài ក៏បានក្លាយជាវណ្ណកម្មវិចិត្រកម្មដ៏អស្ចារ្យ តាំងពីតាំង តុ និងកាវអីរហូតដល់សូន្យរូបបដិមាករជាដើម។
បង Tài ផ្ចិតផ្ចង់ និងហ្មត់ចត់ជាមួយផលិតផលចម្លាក់ឈើវិចិត្រកម្ម។
ធម្មតាបណ្តាទ្រង់ទ្រាយឬក៏ក្បាច់ចម្លាក់សម្រាប់ផលិតផលនីមួយៗក៏ត្រូវបានបងចម្លាក់តាមតម្រូវការរបស់ភ្ញៀវអតិថិជនផងដែរ ហើយក្នុងនោះក៏មានភ្ញៀវអតិថជនខ្លះទៀតបានសម្រេចចិត្តឱ្យបងច្នៃប្រតិដ្ឋដោយខ្លួនឯង។ បងតែងអាទិភាពក្នុងការបង្កើតទម្រង់រូបភាពផលិតផលដែលមានទ្រង់ទ្រាយជាស្រេចបន្ទាប់ពីកាត់ច្នៃរួច ពីព្រោះសម្រាប់បង គ្មានអ្វីដែលជាភាពអស្ចារ្យលើពីធម្មជាតិបានបង្កើតនោះទេ។ ដូច្នេះហើយទើបផលិតផលរបស់បងតែងមានលក្ខណៈខុសប្លែកពីគេ ព្រមទាំងបានភ្ញៀវអតិថិជនពេញចិត្តជាច្រើនទៀតផង។
តាំងពីតង់ដ៏តូចដែលខ្លួនបានផ្តើមអាជីព ជាមួយទឹកប្រាក់ដែលខ្លួនប្រឹតសំចៃបានជាច្រើនឆ្នាំផងនោះ រួមទាំងប្រភពទុននៃកម្មវិធីជំនួយឧបត្ថម្ភយុវជនផ្តើមអាជីព សព្វថ្ងៃបងក៏បានពង្រីកទូលាយមូលដ្ឋាលផលិត ព្រមទាំងបណ្តុះបណ្តាមុខរបរវិជ្ជាជីវៈជូណពលករនៅភូមិភាគទៀតផង។
បង Tài ឱ្យដឹង៖ “សព្ចថ្ងៃ មូលដ្ឋានផលិតរបស់បងមានកម្មករចំនួន៨នាក់ ក្នុងនោះមានជាងចម្លាក់៤រូប ដែលមានអាយុចាប់ពី១៦-១៧ឆ្នាំ ជីវភាពជួបលំបាក។ ខ្ញុំបង្រៀនរបរជូបប្អូនៗដោយមិនគិតប្រាក់ ហើយថែមទាំងជំនួយការហូបចុកទៀតផង ដើម្បីប្អូនៗមានមុខរបរក្នុងខ្លួន អាចរកបានប្រាក់ចំណូលនឹងនរជូនគ្រួសារ មិនចាំបាច់ទៅធ្វើការនៅស្រុកឆ្ងាយ”។
រាល់ខែបន្ទាប់ពីគិតចំណាយរួចរាល់ បងនូវសល់ចាប់ពី១៥-២០លានដុង។ ក្រៅពីជួយគ្រួសារបានរួចចាកក្រ បងថែមទាំងបានបើកហាងលក់ដូរកំប៊ិចកំ ប៉ុកឱ្យប្រពន្ធជាអ្នកលក់ ដើម្បីរកប្រាក់ចំណូលបន្ថែម។
ការផ្តេកផ្តួលយ៉ាងយកចិត្តទុកដាក់ គឺជាប្រភពកម្លាំងសម្រាប់បង Tài បន្តអាជីពរបស់ខ្លួនអស់រយៈកាលជាង១៣ឆ្នាំកន្លងមក។
ពេលដែលសេដ្ឋកិច្ចគ្រួសារមិនមានការសង្កត់ធ្ងន់ទៀតនោះ បងតាយក៏ឈប់ព្រួយបារម្ភអំពីការចំណាយកម្លាំងសម្រាប់ស្រុកកំណើតរបស់ខ្លួនតាំងពីយូរយារណាស់នោះដែរ។ ឆ្នាំ២០២៤ បងបានបរិច្ចាគដីសម្រាប់សាងសង់អាគារវប្បធម៌ភូមិទៀតផង។ បន្ទាប់មកបងក៏បានបង្កើតទីលានប៉ាល់ទះសម្រាប់យុវជនក្នុងភូមិមានកន្លែងហាត់ប្រាណនិងចូលរួមកម្សាន្តសប្បាយប្រចាំថ្ងៃ។ បងតាយ ចែករំលែក៖ “ពីមុននេះ អាគារវប្បធម៌នៅឆ្ងាយ បណ្តោយឱ្យមានការជួបលំបាកខ្លាំងសម្រាប់មាមីងបងប្អូនចាត់តាំងសកម្មភាពជួបជុំផ្សេងៗឬក៏ក្នុងថ្ងៃបុណ្យទានជាដើម។ ការប្តេជ្ញាចិត្តរបស់ខ្ញុំ គឺបានបរិច្ចាគដីមួយចំណែករបស់គ្រួសារសម្រាប់សាងសង់អាគារវប្បធម៌។ ក្រៅពីនោះ ខណៈពេលដែលបង្កើតទីលានប៉ាល់ទះនេះ ខ្ញុំក៏សង្ឃឹមចង់ឱ្យយុវជន និងប្អូនៗសិស្សសាលាទាំងឡាយមានទីកន្លែសម្រាប់កម្សាន្តសប្បាយ និងដោះដូរកីឡាយ៉ាងសមរម្យ ជៀសវាងធ្លាក់ខ្លួនចូលក្នុងអបាយសង្គម”។
បង Dương Phong Phú លេខាសាខាបក្សឃុំ Hồ Thị Kỷ កត់សម្គាល់៖ “យុវជន Hữu Minh Tài តែងសកម្មចូលរួមគ្រប់បណ្តាសកម្មភាបរបស់ភូមិភាគ បងជាគំរូដ៏ល្អមួយសម្រាប់មិត្តយុវជនទាំងឡាយនៅភូមិភាគយកតម្រាប់តាម។ រយៈពេលខាងមុខ សម្ព័ន្ធយុវជននឹងបន្តរួមដំណើរការជាមួយបងតាយក៏ដូចជាយុវជនដទៃទៀតក្នុងដំណើរការផ្តើមអាជីព និងពង្រីកទូលាយនូវបណ្តាទម្រង់ដែលមានប្រសិទ្ធភាព ព្រមទាំងពង្រីកប្រពៃណីនៃការផ្តើមអាជីពនៅតាមភូមិភាគ”៕
Vân Anh
