ដោយសារតែដំណើរចេញទៅធ្វើជាពលករទៅប្រទេសកូរ៉េ (Hàn Quốc) នាពេលថ្មីៗនេះឯង ទើបបរិយាកាសបុណ្យចូលឆ្នាំ Tết ឆ្នាំនេះ គ្រួសារបងស្រីQuách Thị Nghi សង្ឃឹមថានឹងពោរពេញដោយក្តីសប្បាយរីករាយ ទទួលឆ្នាំថ្មីប្រកបដោយភាពកក់ក្តៅ ជួបជុំមូលគ្រួសារជាងឆ្នាំមុនៗផងដែរ។ បុណ្យតេតប្រពៃណីឆ្នាំនេះ ក្រុមគ្រួសាររបស់បងស្រី មានក្តីរំភើបរីករាយក្នុងការទទួលឆ្នាំថ្មី ហើយកាន់តែមានកក់ក្តៅ មានភាពរុងរឿង និងពេញលេញជាងឆ្នាំមុនៗទាំងអស់។
សម្រាប់គ្រួសាររបស់បងស្រី Nghi ពេលណាក៏ពេញដោយភាពសប្បាយរីករាយ ក្អាកក្អាយ អ្នករាល់គ្នាពិភាក្សាយ៉ាងសប្បាយរីករាយចំពោះការធ្វើដំណើរចេញទៅធ្វើជាពលករនៅប្រទេសកូរ៉េ (Hàn Quốc) របស់បងស្រី។ ការចេញទៅប្រកបការងារមុនដំបូងរបស់បងស្រីគឺមានរយៈពេលជាង៥ខែ ទាំងខ្លួនមិនទាន់ទម្លាប់សោះឡើយ តែសម្រាប់បងស្រី Nghi នេះគឺជាបទពិសោធមួយដ៏គួរឲ្យចំណាប់អារម្មណ៍ណាស់ដែរ។
អំណោយបុណ្យចូលឆ្នាំថ្មីសម្រាប់សាច់ញាតិ គឺបានមកពីកម្លាំងពលកម្មរបស់បងស្រី Nghi នៅប្រទេសកូរ៉េ (Hàn Quốc)។
បងស្រី Nghi បាននិយាយប្រាថា៖ “ដោយបានឃើញបងប្អូននារីទាំងឡាយដែលស្នាក់នៅក្នុងភូមិជាមួយបានចេញទៅធ្វើការនៅប្រ ទេសកូរ៉េ (Hàn Quốc) រួមដើម្បីរកប្រាក់ចំណូល ដំបូងខ្ញុំក៏មានការខ្វល់ខ្វាយណាស់ដែរ ពីព្រោះនេះជាលើកដំបូងហើយដែលខ្លួនបានឃ្លាត ចាកឆ្ងាយស្រុក។ ដោយទទួលបានដំណឹងអំពីការិយាល័យការងារ-យុទ្ធជនពិការ និងសង្គមរបស់ស្រុក ទើបខ្ញុំក៏សម្រេចចិត្តល្បងពិសោធម្តង។ តែគិតមិនដល់ទេថា វាជាការស្រួលខ្លាំងណាស់ ដំណើរការចេញទៅធ្វើការនៅកូរ៉េ (Hàn Quốc) រួចហើយ បន្ទាប់ពីគឡិតចំណាយរួចរាល់ ខ្ញុំនូវសល់កម្រៃប្រមាណជិត១៥០លានដុង។ គ្រួសារខ្ញុំសប្បាយរីករាយខ្លាំងណាស់ បុណ្យចូលឆ្នាំថ្មីនេះ គ្រួសារនឹងទទួលឆ្នាំថ្មីប្រកបដោយភាពកក់ក្តៅ និងអឹកធឹកជាងរាល់ឆ្នាំជាក់ជាមិនខាន”។
ដំណើរការចេញទៅធ្វើការនៅប្រទេសកូរ៉េ (Hàn Quốc) លើកនេះរបស់បងស្រី Nghi ពិតជាអំណោយផលខ្លាំងណាស់។ នេះជាការជ្រើសរើសកម្លាំងពលកម្មដែលត្រូវបានចុះកិច្ចសន្យាដោយស្រុកធើយប៊ិញ រួមជាមួយសហករណ៍របស់ខេត្ត Jeollabuk នៃខណ្ឌ Buan ប្រទេសកូរ៉េ (Hàn Quốc) កាលពីខែឧសភា ឆ្នាំ២០២៤។ ការងាររបស់បងស្រី Nghi គឺជាការងារកសិកម្ម មានដូចជា៖ ប្រមូលផលផ្លែស្តបូរី ដកមើមខ្ទឹម បេះផ្លែប៉េងប៉ោះ ម្ទេស។ល។ ដែលស័ក្តិសមជាមួយសមត្ថភាពរបស់បងស្រី។
“ធ្វើការនៅទីនោះ គឺដូចជាការងារធ្វើស្រែចម្ការរបស់យើងនៅប្រទេស Việt Nam ដែរ ប៉ុន្តែវិស័យកសិកម្មនៅកូរ៉េ (Hàn Quốc) មានការជឿនលឿនជាង ហើយម្ចាស់ចម្ការទាំងឡាយសុទ្ធតែជាអ្នកមានចិត្តធម៌ តែជំនួយឧបត្ថម្ភពលករ Việt Nam។ មួយថ្ងៃធ្វើការ៨ម៉ោង សម្រាប់អ្នកធ្វើការលើសម៉ោង គឺថែម២ម៉ោងទៀត។ ពលករត្រូវបានទិញប័ណ្ណធានារ៉ាប់រងដោយប្រទេសកូរ៉េ (Hàn Quốc) ជាអ្នកកំណត់។ បន្ទាប់ពីបញ្ចប់ការងារ ពលកររបស់ស្រុក Thới Bình ម្នាក់ៗតែងសប្បាយរីករាយ ពីព្រោះពេលបានត្រឡប់មកស្រុកកំណើតរៀងៗខ្លួនដើម្បីទទួលបុណ្យចូលឆ្នាំ ហើយម្នាក់ៗកាន់ក្នុងដៃដោយទឹកប្រាក់ចាប់ពី១៣០-១៥០លានដុង។ ដូច្នេះហើយសង្ឃឹមថាគ្រួសារណាក៏ទទួលបុណ្យចូលឆ្នាំថ្មីយ៉ាងអឹកអឹងផងដែរ” បងស្រី Nghi បានចែករំលែកដូច្នេះ។
រៀបចំមុខម្ហូបប្រពៃណីដោយខ្លួនឯង បងស្រី Nghi សប្បាយចិត្តដែលខ្លួនបានត្រឡប់មកទាន់ឱកាសទទួលបុណ្យចូលឆ្នាំថ្មីជួបជុំគ្រួ សារ។ បុណ្យចូលឆ្នាំថ្មីនេះ បងស្រី Nghi បានទិញកង់ថ្មីឲ្យកូន ហើយសមាជិកដទៃទៀតក៏ទទួលបានសម្លៀកបំពាក់ថ្មីៗជាច្រើនកំប្លេផងដែរ។ កាដូរពិយតមានតែគ្មានតម្លៃ តែសម្រាប់បងស្រី Nghi វាជាភាពកក់ក្តៅខ្លាំងណាស់ ពីព្រោះទាំងនេះបានមកពីកម្លាំងពលកម្មរបស់ខ្លួន ដែលបានឃ្លាតឆ្ងាយពីស្រុកទេសទៅធ្វើការនៅប្រទេសកូរ៉េ (Hàn Quốc)។
ប្តីប្រពន្ធបងស្រី Nguyễn Thị Đẹp នៅភូមិលេខ១០ ឃុំ Trí Phải ក៏ជាអ្នកដែលបានចេញទៅធ្វើការនៅក្រៅប្រទេសកូរ៉េ (Hàn Quốc) ផងដែរ។ នេះជាលើកដំបូងដែលពីរនាក់ប្តីប្រពន្ធបងបានចេញទៅធ្វើការក្រៅប្រទេស។
បងស្រី Đẹp រីករាយខណៈពេលដែលខ្លួនបានវិលត្រឡប់មកស្រុកកំណើតវិញដើម្បីទទួលបុណ្យចូលឆ្នាំថ្មី។
“កាលពីមុន គ្រួសាររបស់ខ្ញុំបានធ្វើស្រែ និងចិញ្ចឹមបង្គា ឱ្យតែមានអ្នកណាជួលធ្វើការងារអ្វីក៏ធ្វើដែរ ឱ្យតែបានប្រាក់ តែមិនគ្រប់សម្រាប់ផ្គត់ផ្គង់ជីវភាពគ្រួសារនោះទេ។ តែដោយបានឮព័ត៌ស្តីពីការចេញទៅធ្វើការនៅក្រៅប្រទេស ប្តីប្រពន្ធខ្ញុំក៏សម្រេចចិត្តចេញទៅធ្វើការឱ្យអស់ពីសមត្ថភាពរបស់ខ្លួន។ ពិតជាមានសុវត្ថិភាពខ្លាំងណាស់ ខណៈពេលដែលខ្លួនបានរួមដំណើរការជាមួយរដ្ឋអំណាចភូមិ ភាគ ប្តីប្រពន្ធខ្ញុំបានចុះឈ្មោះចេញទៅធ្វើការប្រកបដោយភាពងាយស្រួល។ លើកនេះត្រឡប់មកស្រុកកំណើតវិញ ប្តីប្រពន្ធខ្ញុំក៏បានជួស ជុលផ្ទះ និងទិញឧបករសម្រាប់ប្រើប្រាស់ផ្សេងៗ ដោយសង្ឃឹមថាឆ្នាំនេះ គ្រួសារនឹងទទួលបុណ្យចូលឆ្នាំថ្មីប្រកបដោយភាពកក់ក្តៅជាងឆ្នាំមុនៗ”។ បងស្រី Đẹp រីករាយនិយាយដូច្នេះ។
នៅប្រទេសកូរ៉េ (Hàn Quốc) ប្តីប្រពន្ធបងស្រីដែប តែង ខិតខំព្យាយាមធ្វើការ និងអនុវត្តតាមបទប្បញ្ញត្តិរបស់ប្រទេសគេ ដោយសង្ឃឹមថា ពេលត្រឡប់មកស្រុក វិញដើម្បីទទួលបុណ្យចូលឆ្នាំថ្មី នឹងអាចសន្សំបានប្រាក់កាសខ្លះសម្រាប់ទិញសម្ភារៈទទួលអំណរឆ្នាំថ្មីរួមជាមួយសង្គមគ្រួសាររបស់ខ្លួន។
“ប្តីប្រពន្ធខ្ញុំ ពិតជាសប្បាយចិត្តខ្លាំងណាស់ដែលរដ្ឋអំណាចភូមិបានបង្កលក្ខណៈសម្រាប់ពលករមានឱកាសបានចេញទៅធ្វើការនៅបរទេស។ ទោះបីជាលើកដំបូង ឃ្លាតឆ្ងាយពីគ្រួសារ តែរាល់បណ្តាលិខិតស្នាមផ្សេងៗ ក៏ត្រូវបានបងៗជំនួយឧបត្ថម្ភយ៉ាងអស់ពីចិត្តផងដែរ។ ដំណើរចញទៅធ្វើការលើកនេះមានរយៈពេលត្រឹមជាង៥ខែ ប្រសិនបើគិតទាំងប្តីប្រពន្ធ គឺសរុបប្រាក់ចំណូលដែលរកបានជិត៣០០លានដុង។ ខ្ញុំសង្ឃឹមថា នឹងមានច្រើនឱកាសថែមទៀតសម្រាប់ឱ្យការចេញទៅធ្វើការនៅក្រៅប្រទេស សន្សំប្រាក់ចំណូល ជាពិសេសបានចូលរួមពិសោធការងារ វប្បធម៌ និងទម្រង់ការងារធ្វើនៅបរទេស” បងស្រី Đẹp មានប្រសាសន៍បែបនេះ។
ឆ្នាំថ្មីជិតចូលមកដល់ ជាមួយនឹងផែនការជាច្រើនសម្រាប់អនាគត។ ក្នុងបរិយាកាសនៃការជួបជុំសង្គមគ្រួសារដើម្បីរួមគ្នាទទួលបុណ្យចូលឆ្នាំថ្មី បងស្រី Nghi និងបងស្រី Đẹp សុទ្ធតែមានក្តីរំភើបដូចគ្នា៖ “បើភាគីនៃប្រទេសខាងនោះមានការជម្រើពលករបន្តទៀត ខ្ញុំនឹងចុះឈ្មោះទៅធ្វើការបបន្តទៀតដែរ”៕
Hằng My
