របាំឡកឆៃយុំា គឺជាប្រភេទសិល្បៈសកម្មភាពសហគមដ៏ល្អឯករបស់ជនរួមជាតិ Khmer។
អ្នកឡកឆៃយុំាចាំបាច់ត្រូវមានសុខភាពល្អ ជួលកាលត្រូវប្រើកាយវិការដៃផង និងជើង ឬក៏មាត់ជាដើម ដើម្បើបង្កើតចំណាប់អារម្មណ៍សម្រាប់អ្នកទស្សនា
យោងតាមប្រសាសន៍របស់លោក Hữu Trung ប្រធានក្រុមសិល្បៈ Khmer ខេត្ត៖ “កាលសម័យដើម របាំឡកឆៃយុំាគឺជាប្រភេទសិល្បៈផ្នែកខាងអប់រំប្រពៃណីក្នុងសហគមជនជាតិ Khmer សម្រាប់រំលឹកទូន្មានខាងតម្លៃវប្បធម៌ សាសនា សីលធម៌ និងប្រវត្តិសាស្ត្ររបស់ជនជាតិដល់បញ្ញវន្តជនាន់ក្រោយ តែប៉ុន្មានឆ្នាំជិតនេះ របាំឡកឆៃយុំាក៏ត្រូវបានឯកទេសជាង។ បណ្តាក្រុមសិល្បៈ Khmer ជំនាញ និងមិនជំនាញនៃខេត្តមួយចំនួនទូទាំងតំបន់វាលរាបទន្លេគីវឡុង ផ្តួចផ្តើមគំនិត ច្នៃប្រតិដ្ឋ លើកតម្កើងខាងការសម្តែង អភិវឌ្ឍន៍យ៉ាងសកម្មទៀតផង។ មុននេះ របាំឡកឆៃយុំា ត្រឹមតែសម្តែម្នាក់ឯង ឬក៏សម្តែងសមូហភាព តែបច្ចុប្បន្ន មាការរួមគ្នាសម្តែងជាគូ ឬក៏ ៣នាក់ ៤នាក់ក៏មាន ដោយរាំផងនិងវាយស្គរផងឲ្យស៊ីចង្វាក់គ្នា។ ចំនាប់អារម្មណ៍ជាងគេក្នុងការឡងឆៃយុំា គឺតួរាំត្រូវសម្តែងនូវទេពកោសល្យរបស់រៀងខ្លួនផងនិងជំនួយដៃគូផងដែរដើម្បីស៊ីចង្វាក់ទាក់ទាញអ្នកទស្សនា។ មិនត្រឹមតែប្រើកាយវិការដៃតែម្យ៉ាងប៉ុណ្ណោះទេ អ្នកសម្តែងថែមទាំងប្រើកែងដៃ ក្បាលជង្គង់ កែងជើងសម្រាប់ទះស្គរ បង្កើនចណាប់អារម្មណ៍សម្រាប់អ្នកទស្សនាទៀតផង”។
ក្រុមឆៃយុំាភូមិ Cây Khô ចូលរួមសម្តែងក្នុងពីធីបុណ្យ
នៅ Cà Mau ក្រៅពីក្រុមសិល្បៈខេត្ត ថែមទាំងមាន២ឃុំរបស់ស្រុក Thới Bình ដូចគ្នាដែលមានក្រុមឡកឆៃយុំា (ភូមិ Cây Khô ឃុំ Tân Lộc និងក្រុមឆៃយុំាកុមារ ភូមិលេខ៧ ឃុំ Tân Lộc) ចូលរួមសម្តែងក្នុងរាល់បណ្តាពិធីបុណ្យទានប្រពៃណី។
លោក Hữu Văn Kel ប្រធានក្រុមឆៃយុំា ភូមិ Cây Khô ឲ្យដឹង៖ “នៅកាម៉ាវ ផ្នែកខាងសិល្បៈឆៃយុំា ក៏ត្រូវបាត់បង់មួយរយៈកាលដ៏យូរអង្វែង ដោយខ្វះអ្នកបង្ហាត់ ក៏ដូចជាអ្នកស្នង។ រាល់ឱកាសបុណ្យទានម្តងៗ ប្រសិនបើចាំបាច់ត្រូវទាក់ទងក្រុមឆៃយុំាតាមបណ្តាខេត្ត លើៗដើម្បីមកសម្តែង។ ឆ្នាំ២០១២ ដោយមានបំណងចង់ស្តារឡើងវិញនូវប្រភេទសិល្បៈដ៏វិសេសវិសាលនេះ ខ្ញុំក៏បានបង្កើតក្រុមឆៃយុំាភូមិដោយខ្លួនខ្ញុំផ្ទាល់ជាអ្នកបង្ហាត់បង្ហាញ រួមជាមួយការជំនួយផ្នែកខាងបច្ចេកទេសសម្តែងរបស់បងប្អូនជំនាញនៃក្រុមសិល្បៈ Khmer ខេត្តផងដែរ។ សព្វថ្ងៃ ក្រុមឆៃយុំារបស់យើងខ្ញុំពិតជាមានមោទនភាពខ្លាំងណាស់ខណៈដែលភូមិភាគមួយចំនួនក្នុងនិងក្រៅខេត្តអញ្ជើញទៅចូលរួមសម្តែង”។
វិសេសវិសាលនៃរបាំឡកឆៃយុំារបស់ជនរួមជាតិ Khmer
បង Hữu Mười អាយុ៣២ឆ្នាំ ជាសិល្បករឡកឆៃយុំានៃក្រុមឆៃយុំាភូមិ Cây Khô និយាយថា៖ “ប្រការដែលពិបាកជាងគេក្នុងការ ឡកឆៃយុំា គឺការទះស្គររួមផ្សំជាមួយកាយវិការរាំធ្វើយ៉ាងណាឲ្យស៊ីចង្វាក់គ្នា។ ពេលទះស្គរដោយបាតដៃ កែងដៃ កែងជើង គឺត្រូវរួមផ្សំជា មួយកាយវិការលោតត្រឡប់ខ្លួនទៀតផង តែត្រូវធានាសូរសម្លេង មិនត្រូវធ្វើឲ្យដាច់សម្លេងជាដាច់ខាត។ មានជួនអ្នករាំត្រូវពាក់របាំងមុខឬក៏គូរមុខអាមាត្រដើម្បីបង្កើតភាពសប្បាយរីករាយដល់អ្នកទស្សនា”។
សល្បៈឡកឆៃយុំារបស់ជនរួមជាតិ Khmer Nam Bộ និយាយរួម Cà Mau ដោយឡែក សម្រាប់ឆ្លើយតបតម្រូវការកម្សាន្តសប្បាយផងនិងរួមចំណែកធ្វើឲ្យកាន់តែសម្បូរបែបផងដែរខាងខឿនវប្បធម៌ Việt Nam ប្រកបដោយអត្តសញ្ញាណនៃវប្បធម៌ជនជាតិ៕
Danh Điệp
