ក្នុងឱកាសនិទាឃរដូវមកដល់ ដើម្បីរួមគ្នាបំបាត់ការឈឺចាប់នឹងគ្រោះជាតិពុលព័ណ៌លឿង កាលពីថ្ងៃទី១៩ ខែមករា ឆ្នាំ២០២៥ សមាគមជនរងគ្រោះជាតិពុលព័ណ៌លឿង Dioxin និងការគាំពារសង្គមស្រុក Phú Tân បានសហការជាមួយវត្ត Kim Cương ឃុំ Tân Hải ចាត់តាំងជូនអំណោយចំនួន១០០ចំណែកសម្រាប់ជនរងគ្រោះជាតិពុលព័ណ៌លឿង និងជនពិការ អ្នកពិការភ្នែក មនុស្ស ចាស់ឯកា និងកុមារកំព្រា។ល។ រាល់អំណោយមួយចំណែករួមមានដូចជា៖ អង្ករ គ្រឿងសម្ភារៈប្រើប្រាស់ផ្សេងៗ និងមានបន្លែបង្ការជាដើមផងដែរ។ សរុបទឹកប្រាក់ជាង៣៥លានដុង ដោយសមាគមជនរងគ្រោះជាតិពុលព័ណ៌លឿង Dioxin និងគាំពារសង្គមស្រុក Phú Tân ផ្តើមចលនាសប្បុរសជននៅក្រុង Cờ Đỏ ទីក្រុង Cần Thơ ចូលរួមវិភាគទាន។
អ្នកស្រី Nguyễn Thị Tươi អាយុ៦៨ឆ្នាំ នៅភូមិ Đất Sét ឃុំ Phú Thuận គ្រួសារជួបលំបាក គ្មានដីផលិត ប្រពន្ធអ្នកមីងត្រូវរស់នៅអាស្រ័យ លើទឹកប្រាក់ដែលកូនធ្វើជាកម្មករនៅក្រៅខេត្តផ្ញើជូនជាប្រចាំ។ អ្នកមីងទឺយ រីករាយឱ្យដឹង៖ “ទទួលបានអំណោយនេះ ខ្ញុំពិតជាសប្បាយចិត្តខ្លាំងណាស់ គ្រួសារជួបលំបាក គ្មានប្រាក់ សម្រាប់អង្ករដែលទទួលបាននេះ គ្រួសារខ្ញុំអាចហូបឆ្លងបុណ្យតេត”។
បណ្តាអំណោយទាំងឡាយមានដូចជា អង្ករ និងសម្ភារៈប្រើប្រាស់ផ្សេងៗទៀតផង។
ក៏ដូចគ្នាផងដែរ គឺលោកពូ Đỗ Văn Tèo អាយុ ៦៧ឆ្នាំ នៅភូមិ Đất Sét ឃុំ Phú Thuận គ្រួសារមាន ដី៤កុង ចិញ្ចឹមបង្គារមិនសូវបានផល កូនៗរបស់លោកពូក៏ចេញរស់នៅដោយឡែករៀងៗខ្លួន សព្វថ្ងៃប្តីប្រពន្ធលោកពូត្រូវប្រកបរបស៊ីឈ្នួលគេដើម្បីផ្គត់ផ្គង់ជីវភាព។ លោក ពូ Tèo មានប្រសាសន៍៖ “អាស្រ័យសប្បុរសជនជំនួយឧបត្ថម្ភ សម្រាប់ អំណោយដូចបានពោលខាងលើនេះ គ្រួសារខ្ញុំក៏បានកាត់បន្ថយភាពលំបាក មានលក្ខណៈទទួលបុណ្យ Tết ប្រកបដោយភាពកក់ក្តៅជាង”។
ចំណែកលោកពូ Liên Văn Do អាយុ៦៨ ឆ្នាំ នៅភូមិ Đầu Sấu ឃុំ Tân Hải រស់នៅ ម្នាក់ឯង គ្មានដីធ្លី បានសាច់ញាតិឱ្យខ្ចីដីធារសម្រាប់ ស្នាក់នៅ រាល់ថ្ងៃ លោកពូដាក់លូតាមព្រែកដើម្បីរកប្រាក់កម្រៃ ខណៈពេលដែលទទួលបាន អំណោយ លោកពូ រីករាយ មានប្រសាសន៍៖ “ខ្ញុំសប្បាយចិត្តណាស់ដែលបានរដ្ឋអំណាច ភូមិភាគផ្តល់ប័ណ្ណទទួលអំណោយ យប់មិញខ្ញុំសប្បាយរហូតដល់គេងមិនលក់ទៀតផង”។
ក្នុងឱកាសបុណ្យចូលឆ្នាំថ្មី២០២៥ សមាគម ជនរងគ្រោះជាតិពុលព័ណ៌លឿង Dioxin និង គាំពារសង្គមស្រុកភូតឹង ទទួលបានការឧបត្ថម្ភថវិកា ជូនអំណោយប្រមាណជាង៧០០ចំណែកសម្រាប់គ្រួសារក្រីក្រលើភូមិសាស្ត្រឃុំ និងទីរួមស្រុកទូទាំងស្រុក។ រាល់អំណោយមួយចំណែកសរុបតម្លៃជាទឹកប្រាក់ប្រហែល៣៥០ពាន់ដុង។
លោកស្រី Bùi Ngọc Hà ប្រធានសមាគមជនរងគ្រោះជាតិពុលព័ណ៌លឿង Dioxin និងគាំពារ សង្គមស្រុក Phú Tân ឱ្យដឹង៖ អំណោយដែលបានជូនដល់មាមីងបងប្អូននាឱកាសបុណ្យ Tết នេះមានអត្ថន័យជាក់ស្តែងខ្លាំងណាស់ ទោះបីជា មានមិនសូវមានតម្លៃណាស់ណា តែក៏អាចជួយមាមីងបងប្អូនមានលក្ខណៈទទួលបុណ្យ Tết ផងដែរ។ រយៈពេលខាងមុខ សមាគមជនរង គ្រោះជាតិពុលព័ណ៌លឿង Dioxin និងគាំពារ សង្គមស្រុក Phú Tân នឹងបន្តធ្វើជាស្ពានតភ្ជាប់ សម្រាប់ចលនាទឹកចិត្តសប្បុរសជនមានប្រភពអំណោយយ៉ាងច្រើន ដើម្បីជំនួយមាមីងបងប្អូនសម្រាលភាពលំបាកខ្លះៗក្នុងការរស់នៅ។
លោកស្រី Bùi Ngọc Hà ប្រធានសមាគមជនរងគ្រោះជាតិពុលព័ណ៌លឿង Dioxin និងគាំពារសង្គមស្រុក Phú Tân (អាវព័ណ៌ខៀវ ខាងស្តាំ) រួមជាមួយសប្បុរសជន ជូនអំណោយអ្នកក្រ។
ការផ្តល់អំណោយបុណ្យតេត គឺជាសកម្ម ភាពជាក់ស្តែងដែលសមាគមជនរងគ្រោះជាតិពុលព័ណ៌លឿង Dioxin និងគាំពារសង្គមស្រុក Phú Tân បានចាត់តាំងជារៀងរាល់ឆ្នាំ។ នាឱកាស បុណ្យ Tết នេះ ក៏អាចជួយចលនាទឹកចិត្តមាមីងបងប្អូនបានទាន់ពេល ជំនួយ ជនរងគ្រោះជាតិ ពុល ព័ណ៌លឿង និងគ្រួសារជួបលំបាកបង្កើនទំនុកចិត្តដើម្បីឆ្លងកាត់ការលំបាក ឈានឡើងក្នុងការរស់នៅ ព្រមទាំងទទួលបុណ្យ Tết ប្រពៃណីប្រកបដោយភាពកក់ក្តៅ និងសប្បាយរីករាយ៕
អត្ថបទនិងរូបថត៖ Anh Phan
