ដើម្បីជំនួយឧបត្ថម្ភទាន់ពេលវេលាសម្រាប់គ្រួសារអ្នកមានសគុណលើបដិវត្តន៍ និងគ្រួសារក្រីក្រ គ្រួសារជួបលំបាកខាងលំនៅឋានឱ្យមានទីជម្រកត្រឹមត្រូវល្អ និងឈានឡើងលំនឹងជីវភាព រយៈពេលកន្លង គ្រប់បណ្តាគណៈផ្នែក និងរដ្ឋអំណាចភូមិភាគ រួមតាំងរណសិរ្សមាតុភូមិស្រុកង៉ុកហៀង បានផ្សព្វផ្សាយយ៉ាងសកម្មចំពោះការសាងសង់ផ្ទះសម្រាប់រាល់មុខសញ្ញាទាំងឡាយ ផ្តល់មកនូវភាពសប្បាយរីករាយសម្រាបគ្រួសារជ្រច្រើនផងដែរ។
ប៉ុន្មានថ្ងៃកន្លងមកនេះ គ្រួសារអ្នកមីង Nguyễn Hồng Hoa នៅអនុសង្កាត់លេខ៧ ទីរួមស្រុក Rạch Gốc ក៏ដេកបានយ៉ាងសុខស្រួលក្នុងគេហដ្ឋានថ្មីដ៏ធំទូលាយរបស់ខ្លួន។ ស្ថានភាពគ្រួសាររបស់អ្នកមីង Hoa ពិតជាមានការជួបលំបាកខ្លាំងណាស់។ ជាគ្រួសារក្រីក្រ គ្មានដីផលិត អ្នកមីង Hoa ជាអ្នករកប្រាក់តែម្នាក់គត់សម្រាប់ចិញ្ចឹមម្តាយចាស់ជរា និងកូនស្រីកំពុងកើតមានជំងឺមហារីក រួមទាំងចៅតូចៗ ២នាក់ទៀត ហើយផ្ទះក៏ត្រូវទ្រុឌទ្រោមអស់ដែរ។
បណ្តាគេហដ្ឋានដែលបានសាងសង់តាមគម្រោងនៃការលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមសម្រេចជាស្ថាពរ ព្រមទាំងបានត្រូវក្រុមការងារថ្នាក់ខេត្ត និងស្រុក Ngọc Hiển អញ្ជើញចុះទៅពិនិត្យស្រាវជ្រាវ។
អ្នកមីង Hoa បានចែករំលែកថា៖ "ប្រាក់សម្រាប់អាហារប្រចាំថ្ងៃក៏ជួបផលពិបាកណាស់ហើយ ដូច្នេះសម្រាប់ការសាងសង់ផ្ទះឱ្យបានសមរម្យដូចគេឯងបានត្រឹមក្នុងក្តីសុបិន្តប៉ុណ្ណោះ។ ថ្មីៗនេះដែរ ដោយសារទទួលបានការឧបត្ថម្ភទឹកប្រាក់៦០លានដុង រួមជាមួយការជំនួយខ្លះទៀតរបស់សាច់ញាតិ និងសប្បុរសជន គ្រួសារខ្ញុំក៏សង់បានផ្ទះថ្មីមួយខ្នងទៀតផង។ មានផ្ទះស្នាក់នៅត្រឹមត្រូវ ខ្ញុំក៏សុខសាន្តចិត្តដើម្បីរកប្រាក់ចិញ្ចឹមម្តាយ និងកូនស្រី ព្រមទាំងចៅទៀតផង”។
ក៏ស្រដៀងគ្នានឹងអ្នកមីង Hoa ដែរ គ្រួសារបង Ngô Văn Đèo នៅភូមិ Dinh Hạn ឃុំ Tân Ân ទទួលបានទឹកប្រាក់ឧបត្ថម្ភចំនួន ៦០ លានដុងសម្រាប់សង់ផ្ទះតាមគម្រោងការលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោម។ ផ្ទះថ្មីរបស់គ្រួសារបង Đèoត្រូវបានសាងសង់សម្រេចជាស្ថាព័រ និងដាក់ឱ្យប្រើប្រាស់កាលមុនថ្ងៃបុណ្យ Tết កន្លងហើយ។ ជួយគ្រួសារបងកាន់តែមានភាពកក់ក្តៅថែមទៀត។ “ខ្ញុំខិតខំសន្សំសំចៃរាល់ឆ្នាំ តែគ្មានសល់ប្រាក់សម្រាប់សង់ផ្ទះ មានពេលខ្លះ ខ្ញុំចង់បោះបង់ចោលអ្វីៗគ្រប់សព្វបែបយ៉ាង។ តែដោយសារទទួលបានការយកចិត្តទុកដាក់របស់បក្ស និងរដ្ឋ រួមទាំងរដ្ឋអំណាចភូមិភាគបានជម្រើសជួយឧបត្ថម្ភសង់ផ្ទថ្មីជូនគ្រួសារខ្ញុំទើបបានលំនឹងដូចសព្វថ្ងៃនេះឯង” លោក Đèo បានឱ្យដឹងបែបនេះ។
លោក Cao Minh Tuấn លេខាបក្ខភាគឃុំ Tân Ân មានប្រសាសន៍៖ ឃុំ Tân Ân ទទួលបានការជំនួយឧបត្ថម្ភផ្ទះចំនួន៣២ខ្នងសម្រាប់គ្រួ សារមានសគុណ គ្រួសារក្រីក្រ និងគ្រួសារជួបលំបាកពិសេសខាងផ្ទះនៅ។ ភាគច្រើនបងប្អូនប្រជាជនដែលរស់នៅលើភូមិសាស្ត្រឃុំ ជាអ្នកប្រកបរបរខាងនេសាទ ជីវភាបជួបលំបាកខ្លាំង។ កាលពីមុននេះ មាមីងបងប្អូនត្រូវបានបក្សនិងរដ្ឋជំនួយឧបត្ថម្ភផ្ទះស្នាក់នៅតាមគម្រោងការមួយរបស់ប្រទេស Hà Lan (WV9) បន្ទាប់ពីបានស្នាក់នៅមួយរយៈកាល ផ្ទះក៏មានភាពទ្រុឌទ្រោម ហើយក្នុងនោះក៏មានផ្ទះខ្លះទៀតត្រូវដួលរលំអស់។ ឥឡូវខណៈពេលដែលគម្រោងការត្រូវបានផ្សព្វផ្សាយ បងប្អូនប្រជាជនជាទូទៅលើភូមិសាស្ត្រពិតជាមានការសប្បាយរីករាយក្រៃលែងណាស់។
អនុវត្តគម្រោងនៃការលុបបំបាត់ផ្ទះបណ្តោះអាសន្ននិងផ្ទះទ្រុឌទ្រោម រហូតមកទល់ពេលនេះ ស្រុកក៏ធ្វើការផ្សព្វផ្សាយសាងសង់ផ្ទះបានទាំងអស់ចំនួន២០៩/២៤០ខ្នង។ បច្ចុប្បន្ន សម្រេចបាន២០៨ខ្នង បន្ទាប់ពីនោះក៏ដៅស្រាយថវិកាសម្រាប់គ្រួសារទាំងឡាយអស់ជាង ៩ ពាន់លានដុង។ ចំណែកនូវសល់៣១ខ្នង នឹងសម្រេចជាស្ថាពរនៅត្រីមាសទី១ ឆ្នាំ២០២៥។ សម្រាប់ការឧបត្ថម្ភផ្ទះស្នាក់នៅជូនគ្រួសារអ្នកមានសគុណ គ្រួសារក្រីក្រ និងគ្រួសារជួបលំបាកខាងផ្ទះស្នាក់នៅ ក៏បានជួយឱ្យមាមីងបងប្អូនកាន់តែមានកម្លាំងចិត្តខិតខំប្រឹងប្រែង ឈានឡើងបន្តទៀតដើម្បីអភិវឌ្ឍន៍សេដ្ឋកិច្ច កាត់បន្ថយក្រ រួមចំណែកជួយឱ្យស្រុកឆាប់ទៅកាន់ព្រត្រនៃស្រុកសម្រេចបទដ្ឋានជនបទថ្មីក្នុងឆ្នាំ២០២៥។
ប្រគល់ផ្ទះជូនប្រជាជនក្រីក្រលើភូមិសាស្ត្រឃុំ Tân Ân ស្រុក Ngọc Hiển។
លោក Nguyễn Văn Linh អនុប្រធានការិយាល័យការងារ-យុទ្ធជនពិការនិងសង្គមរបស់ស្រុក ឱ្យដឹង៖ យោងតាមបណ្តាកម្មវិធីសាងសង់ ផ្ទះស្នាក់នៅសម្រាប់គ្រួសារអ្នកមានសគុណ គ្រួសារក្រ ក្បែរបន្ទាត់ក្រ និងគ្រួសារជួបលំបាកពិសេសខាងលំនៅឋាន នឹងរួមចំណែកយ៉ាងធំសម្រាប់សកម្មភាពនៃការកាត់បន្ថយក្ររបស់ភូមិភាគ។ ផ្តើមពីនោះ ក៏ជួយភូមិភាគមានការអភិវឌ្ឍន៍ក្នុងពេលអនាគត។ ស្របឱ កាសនោះក៏ពង្រឹងឡើងវិញនូវបណ្តាសេវាកម្មកង្វះខាតជាមូលដ្ឋាន ដូចជាផ្ទះសម្រាប់ស្នាក់នៅសមរម្យ បង្គន់ធានាអនាម័យ រួមចំ ណែកជួយគ្រួសារទាំងឡាយសុខសាន្តចិត្តពលកម្មផលិត លំនឹងជីវភាពរស់នៅ។
ក្រៅពីបក្សនិងរដ្ឋបានជំនួយឧបត្ថម្ភសាងសង់ផ្ទះសម្រាប់គ្រួសារអ្នកមានសគុណ គ្រួសារក្រីក្រ និងគ្រួសារជួបលំបាកពិសេស។ គ្រប់បណ្តាគណៈផ្នែកជាពិសេសមជ្ឈិមសមាគមកាកបាទក្រហម Việt Nam បានបំផុសចលនាប្រពៃណីព្រួតដៃគ្នាជំនួយឧបត្ថម្ភសាងសង់ផ្ទះស្នាក់នៅជូនអ្នកក្រ។ អ្នកមីង Hồ Thị Thuỷ នៅភូមិ Nhà Diệu ឃុំ Tân Ân មានសំណាងបានសមាគមកាកបាទក្រហមខេត្តជ្រើសរើសដើម្បីឧបត្ថម្ភសាងសង់ផ្ទះ។ “នៅពេលដែលសមាមគមកាកបាទក្រហមស្រុក និងរដ្ឋអំណាចភូមិភាគបានអញ្ជើញមកដល់ផ្ទះធ្វើការពិនិត្យដើម្បីជំនួយក្នុងការសាងសង់ផ្ទះ។ ខ្ញុំពិតជាមានក្តីរំភើបខ្លាំងណាស់។ តាំងពីចាប់ផ្តើមសាងសង់ រហូតដល់បានសម្រេចនឹងដាក់ ឱ្យប្រើប្រាស់ យប់ណាក៏ដូចជាយប់ណាដែរ ខ្ញុំមិនដែលគេងលក់នោះទេ ពីព្រោះរំភើបចិត្តខ្លាំងពេក មានជួលខ្ញុំគិតថានេះជាក្តីស្រមៃតែប៉ុណ្ណោះ វាមិនមែនជាការពិតនៅះទេ។ ខ្ញុំសូមថ្លែងអំណរគុណយ៉ាងស្មោះស្ម័គ្រចំពោះបក្សនិងរដ្ឋ ព្រមទាំងសមាគមកាកបាទក្រហម Việt Nam ដែលបានយកចិត្តទុកដាក់ចំពោះគ្រួសាររបស់ខ្ញុំ។ ពេលនេះខ្ញុំមានផ្ទះស្នកា់នៅល្អសមរម្យ ខ្ញុំនិងខិតខំព្យាយាមចិញ្ចឹនសត្វ ដាំបន្លែបង្ការដើម្បីរកប្រាក់ចំណូលសម្រាប់ផ្គត់ផ្គង់ជីវភាពគ្រួសារ” អ្នកមីង Thuỷ មានប្រសាសន៍បែបនេះ៕
Huỳnh Tứ
