រយៈពេលកន្លង កម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនរួមជាតិភគតិចនិងតំបន់ភ្នំតំណាក់កាល២០២១-២០៣០និងតំណាក់កាល១ ចាប់ពីឆ្នាំ២០២១-២០២៥ ហៅកាត់ (កម្មវិធី) ត្រូវបានស្រុក Đầm Dơi អនុវត្តយ៉ាងមានប្រសិទ្ធភាព ផ្តើមពីនោះ តំបន់ជនជាតិភាគតិចកាន់តែមានការផ្លាស់ប្តូរ លើកម្ពស់គុណភាពរស់នៅជូនបងប្អូនប្រជាជន។
សាលាទានឃុំ Tân Duyệt ត្រូវបានកសាងកាលពីឆ្នាំ២០១៣ បង្កលក្ខណៈងាយស្រួលសម្រាប់មាមីងបងប្អូនចាត់តាំងសកម្មភាពវប្បធម៌សហគម។
ឃុំ Tân Duyệt មាន១៧១គ្រួសារជនជាតិភាគតិច ប្រមូលផ្តុំច្រើននៅភូមិ Đồng Tâm A ដោយមាន១០១គ្រួសារ។ លោក Nguyễn Hoàng Nghĩa អនុប្រធានគណៈកម្មាធិការប្រជាជនឃុំ បានចែករំលែកថា ប្រហែល១០ឆ្នាំមុននេះ ចំនួនគ្រួសារក្រីក្រក្នុងជនរួមជាតិស្រូបអត្រាប្រមាណ៥០%។ តែប៉ុន្មានឆ្នាំថ្មីៗនេះ អាស្រ័យការអនុវត្តបណ្តាគោលនយោបាយរបស់បក្ស និងរដ្ឋ ព្រមទាំងរាល់បណ្តាកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច កសាងជនបទថ្មី កាត់បន្ថយក្រចីរភាព។ល។ បានរួមចំណែកយ៉ាងសំខាន់ក្នុងការផ្លាស់ប្តូរជនបទនិងជីវភាពរស់នៅរបស់មាមីងបងប្អូន។
រួមជាមួយការយកចិត្តទុកដាក់របស់បក្ស និងរដ្ឋ ព្រមទាំងរដ្ឋអំណាចភូមិភាគ មាមីងបងប្អូនជនរួមជាតិក៏មានគំនិតក្នុងការខិតខំឈានឡើង លើកកម្ពស់ជីវភាពសម្ភារៈ និងស្មារតីសម្រាប់ខ្លួននិងសង្គមគ្រួសារផងដែរ។ តួយ៉ាងដូចជាគ្រួសារបង Thạch Văn Bé នៅភូមិ Đồng Tâm A ជាគ្រួសារក្រ។ ឆ្នាំ២០២៣ បានរដ្ឋអំណាចភូមិភាគជំនួយឧបត្ថម្ភទឹកប្រាក់ចំនួន៤៤លានដុងសម្រាប់សង់ផ្ទះ គ្រួសាររួមជាមួយសាច់ញាតិបានរួមបន្ថែមប្រមាណ៨០លានដុងទៀតដើម្បីសាងសង់សម្រេច។ “ពាក់កណ្តាលឆ្នាំ២០២៤ គ្រួសារខ្ញុំត្រូវបានពិនិត្យឧបត្ថម្ភដើមទុនជាទឹកប្រាក់ប្រមាណ១០លានដុងសម្រាប់វិនិយោគចិញ្ចឹមជ្រូក។ ខ្ញុមបង្កើតហ្វូងជ្រូក ជារៀងរាល់ឆ្នាមចិញ្ចឹមជា២លើក ផ្តល់ប្រភពចំណូលប្រហែល៦០លានដុង។ ពេល ទំនេរ ខ្ញុំក៏ទទួលធ្វើការខាងផ្ទេរផ្ទុកទំនិញ ចំណែកប្រពន្ធខ្ញុំនៅផ្ទះចិញ្ចឹមបសុសត្វ ផ្តើមពីនោះ ជីវភាពក៏បានលំនឹង មានលក្ខណៈចិញ្ចឹមកូនសិក្សារៀនសូត្រទៀតផង” បង Bé បានចែករំលែកបែបនេះ។
បង Lâm Văn Nam នៅភូមិ Đồng Tâm A ឱ្យដឹង៖ គ្រួសារខ្ញុំមានដី២កុង កាលពីមុនក៏ធ្លាប់ជាគ្រួសារក្រីក្រផងដែរ ហើយក៏ទទួលបានការឧបត្ថម្ភផ្ទះតាមកម្មវិធីផ្ទះ១៦៧កាលពីឆ្នាំ២០០៨ផងដែរ។ បន្ទាប់មក អាស្រ័យបានការឧបត្ថម្ភដើមទុនអភិវឌ្ឍន៍ផលិត ខ្ញុំក៏វិនិយោគចូលខាងរបរថ្លឹងក្តាម ទទួលបានប្រាក់ចំណូលប្រហែលជា៦លានដុង/ខែ រួមចំណែកលំនឹងជីវភាពរហូតមកទល់សព្វថ្ងៃ។
ប្តីប្រពន្ធបង Thạch Văn Bé បន្តទម្រង់ចិញ្ចឹមជ្រូក រួមចំណែកបង្កើនប្រភពប្រាក់ចំណូលគ្រួសារ។
អ្នកស្រី Châu Hồng Nhung ប្រធានការិយាល័យមហាផ្ទៃស្រុក ឱ្យដឹង៖ ឆ្នាំ២០២៥ ស្រុកក៏បានធ្វើការចែកចាយប្រភពទុនអនុវត្តកម្មវិធីរួមមានចំនួន១៩ពាន់លាន ៦៦០លានដុង។ មកទល់ពេលនេះក៏ដោះស្រាយថវិកាបានចំនួន១២ពាន់លាន ២៨៦លានដុងផងដែរសម្រាប់ឱ្យ៣គម្រោង សម្រេច៦២,៤៦%ប្រៀបនឹងផែនការ។ ជាក់ស្តែង ជាមួយគម្រោងទី១ (ដោះស្រាយករណីខ្វះដីធារសម្រាប់ស្នាក់នៅ ដីផលិត ទឹកស្អាតប្រើប្រាស់) ផែនការដើមទុនសម្រាប់អនុវត្តរួមមាន ៨ពាន់លាន៥៦៨លានដុង។ មាន១២៣គ្រួសារដែលទទួលបានការឧបត្ថម្ភសង់ផ្ទះស្នាក់នៅ (មាន២៧គ្រួសារទទួលបានការឧបត្ថម្ភដីធារសង់ផ្ទះ) ក្នុងនោះក៏មាន៣០គ្រួសារជនរួមជាតិភាគតិច និង៩៣គ្រួសារក្រីក្រជាជនជាតិ Kinh ផងដែរដែលរស់នៅតាមតំបន់ជនរួមជាតិភាគតិច មកទល់ពេលនេះ ក៏បានធ្វើការផ្សព្វផ្សាយកសាងជូន១២៣/១២៣គ្រួសារដែរហើយ ក្នុងនោះក៏សម្រេចបាន១១១គ្រួសារ។
សម្រាប់គម្រោងទី២ (រៀបចំចាត់ចែងលំនឹងទីលំនៅឋានសម្រាប់តំបន់ដែលខំខាន់ៗ) ផែនការទុនរួមមាន ៣ពាន់លាន ៥២៧លានដុង គណៈកម្មាធិការប្រជាជនឃុំ Nguyễn Huân (ម្ចាស់វិនិយោគ) ចាត់តាំងអនុវត្តគម្រោងនេះ មកទល់ពេលនេះក៏សម្រេចបានជាង៤០%ដែរហើយ។ ចំពោះអនុគម្រោងទី១របស់គម្រោទី៤ (វិនិយោគហេដ្ឋារចនាសម្ព័ន្ធសំខាន់ចំបាច់សម្រាប់បម្រើឱ្យការផលិត ជីវភាពរស់នៅក្នុងតំបន់ជនជាតិភាគតិច) ផែនការទុនក៏ត្រូវបានធ្វើការចែកចាយ (លើកទី១) ចំនួន៧.៥៧៤លានដុង អនុវត្តក្នុងការវិនិយោគសាងសង់៦សំណង់គមនាគមជនបទ មកដល់ពេលនេះក៏ដោះស្រាយថវិកាបានចំនួន៣.៧១៨លានដុង សម្រេចជាង៤៩,០៨%ប្រៀបនឹងផែនការ។ ចំណែកដើមទុននូវសល់៣.៨៥៦លានដុងនឹងបន្តខិតខំដោះស្រាយថវិកាសម្រេចបញ្ចប់ក្នុងខែឧសភានេះ។
មាមីងបងប្អូនរួមចំណែកដាំដើមឈើលម្អ ដើម្បីបង្កើនឱ្យមុខមាត់ជនបទនៃឃុំ Tân Duyệt កាន់តែបៃតង-ស្អាត-ល្អ។
“បណ្តាគោលនយោបាយឧបត្ថម្ភដែលត្រូវបានធ្វើការផ្សព្វផ្សាយយ៉ាងព្រមព្រៀងគ្នា ឆ្លងតាមនោះគ្រួសារជនរួមជាតិក៏បានទទួួលផលអំពីបណ្តាកម្មវិធីគោលដៅជាតិយោងតាមការអនុវត្តរាល់បណ្តាគម្រោងការចិញ្ចឹមសត្វ និងការផលិត កម្មវិធីឧបត្ថម្ភទឹកស្អាត ឧបត្ថម្ភទិដីធារសម្រាប់សង់ផ្ទះ និងសាងសង់ផ្ទះស្នាក់នៅ... ផ្តល់មកនូវប្រសិទ្ធភាពយ៉ាងសកម្ម ជួយបងប្អូនប្រជាជនមានជីវភាពរស់នៅបានលំនឹងល្អ។ លទ្ធផលនៃការពិនិត្យឡើងវិញក្នុងឆ្នាំ២០២៤ សរុបចំនួនគ្រួសារក្រទូទាំងស្រុកនូវមាន៦៨៥គ្រួសារ ក្នុងនោះមាន១៤៥គ្រួសារក្រីក្រជាជនជាតិភាគតិច រួមមាន១៤៤គ្រួសារ Khmer និងគ្រួសារជនជាតិ Chăm ១គ្រួសារផងដែរ” អ្នកស្រី Châu Hồng Nhung បានឱ្យដឹងបន្ថែមដូច្នេះ៕
Loan Phương
