គ្មានផ្ទះបណ្តោះអាសន្ន គ្មានភាពក្រក្សត់

ឃុំ Tân Lộc ស្រុក Thới Bình បច្ចុប្បន្នមាន២៨៥ គ្រួសារជនរួមជាតិភាគតិចរស់នៅ។ ភាគច្រើនបងប្អូនជនរួមជាតិសុទ្ធសឹងជាអ្នកប្រកបរបរខាងកសិករ កម្មករ ជីវភាពជួបលំបាកខ្លាំងដោយសារខ្វះដីផលិត គ្មានការងារធ្វើ លំនៅឋានក៏ទ្រុឌទ្រោម។ រដ្ឋអំណាចភូមិភាគបាននិងកំពុងបានធ្វើការផ្សព្វផ្សាយអំពីគោលនយោបាយជាកើស្តែង ផ្តល់មកនូវភាពផ្លាស់ប្តូរយ៉ាងសកម្មក្នុងជីវភាព និងស្មារតីសម្ភាររបស់បងប្អូនប្រជាជន។

ប្តីប្រពន្ធលោក Danh Riêng និងអ្នកមីង Nguyễn Thị Liên ចែករំលែកក្តីសប្បាយក្នុងគេហដ្ឋានថ្មី។

ក្នុងចំណោមភារកិច្ចដ៏ចម្បងរបស់ឃុំ Tân Lộc គឺការលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមសម្រាប់បងប្អូនជនជាតិភាគតិច រួមចំណែកអនុវត្តក្នុងការកាត់បន្ថយគ្រួសារក្រចីរភាព ព្រមទាំងលើកកម្ពស់គុណភាពរស់នៅជូនបងប្អូនប្រជាជន។ ជាមួយការយកចិត្តទុកដាក់របស់បក្ស និងរដ្ឋ ការខិតខំខ្នះខ្នែងរបស់រដ្ឋអំណាចភូមិភាគ ក៏មានគ្រួសារជាច្រើនទទួលបានការឧបត្ថម្ភសង់ផ្ទះស្នាក់នៅយ៉ាងធំទូលាយស្អាតទៀតផង។

លោក Lâm Thu ប្រធានទទួលបន្ទុកការងារខាងរណសិរ្សភូមិលេខ៧ ក៏ជាអ្នកមានប្រជាប្រិយក្នុងជនរួមជាតិផងដែរ លោកបានចែករំលែកថា៖ ខ្ញុំពិតជាមានមោទនភាពខ្លាំងណាស់ខណៈពេលដែលបានចូលរួមអនុវត្តគោលនយោបាយឧបត្ថម្ភរបស់រដ្ឋសម្រាប់ជនរួមជាតិ។ មាមីងបងប្អូនក៏អនុវត្តល្អរាល់បទបញ្ញាតិ មិនតែមិននោះខ្ញុំតែងពិនិត្យតាមដាន និងឃោសនាចលនាបងប្អូន ដើម្បីជំនួយឧបត្ថម្ភសាងសង់ផ្ទះស្នាក់នៅដោយសង្ឃឹមថាអ្នករាល់គ្នានិងបានលំនឹងជីវភាពរស់នៅប្រកបដោយភាពសុខក្សេមក្សាន្ត កូនក្មួយបានសិក្សារៀនសូត្រយ៉ាងល្អត្រឹមត្រូវគ្រប់ៗគ្នាទៀតផង។

ដែលជាអ្នកទើបទទួលបានការឧបត្ថម្ភសង់ផ្ទះថ្មី ប្តីប្រពន្ធលោក Danh Riêng និង អ្នកមីង Nguyễn Thị Liên នៅភូមិលេខ មិនអាចលាក់បាននូវក្តីរំភើប៖ គ្រួសារខ្ញុំពិតជាដឹងគុណរដ្ឋអំណាចភូមិភាគខ្លាំងណាស់ មានផ្ទះថ្មី យើងខ្ញុំក៏លំនឹងចិត្តក្នុងការខិតខំរកស៊ីដើម្បីឈានឡើងក្នុងជីវភាព។

ចំណែកគ្រួសារលោក Trịnh Xuân Mến ជាអ្នកភូមិដូចគ្នា សប្បាយចិត្តខ្លាំងណាស់ដោយទាំងមិនដែលគិតថានឹងមានផ្ទះថ្មីបែបនេះនោះទេ “ភ្លៀងលេច ខ្យល់បកប៉ើង ប្រកត់ជាក់នឹងត្រូវដួលរលំមិនខាន ឥឡូវមានផ្ទះថ្មី ប្តីប្រពន្ធ និងកូនៗរបស់ខ្លុំពិតជាសប្បាយគ្មានអ្វីប្រៀបបាននោះទេ។

អ្នកស្រី Mai Tú Nhi អនុប្រធានគណៈកម្មាធិការប្រជាជនឃុំ Tân Lộc ឱ្យដឹង៖ ខណៈពេលដែលមិនទាន់មានគោលនយោយបាយឧបត្ថម្ភរបស់នាយករដ្ឋមន្ត្រី មាមីងបងប្អូនជាច្រើនមានការជួបលំបាកខ្លាំងណាស់ តាំងពីលំនៅឋានរហូតដល់ការផលិតពោលគឺសុទ្ធតែខ្វះខានសព្វគ្រប់បែបយ៉ាងទាំងអស់។

ស្ថានភាពដែលមានច្រើនការផ្លាស់ប្តូរជាវិជ្ជមាន ខណៈពេលដែលបណ្តាកម្មវិធីជំនួយឧបត្ថម្ភត្រូវបានអនុវត្តស្របគ្នា។ បណ្តាខ្លឹមសារដូចជា៖ ការជំនួយឧបត្ថម្ភផ្ទះស្នាក់នៅ ដីធារសង់ផ្ទះ និងទឹកស្អាតសម្រាប់ប្រើប្រាស់ ពូជឈើដាំ សត្វចិញ្ចឹម ខ្សែសង្វាក់ផលិត... ​​បានធ្វើឱ្យជីវភាពរស់នៅរបស់បងប្អូនប្រជាជនមានភាពប្រសើរឡើង។ មិនត្រឹមជំនួយឧបត្ថម្ភខាងសម្ភារៈស្មារតីប៉ុណ្ណោះទេ​រដ្ឋអំណាចភូមិភាគថែមទាំងប្រមូលផ្តុំ បង្កើនចំណេះដឹង និងបច្ចេកវិទ្យាជូនបងប្អូនប្រជាជនទៀតផង ព្រមទាំងចាត់តាំងវគ្គហ្វឹកហ្វឺន ពិគ្រោះយោបល់ខាងសមភាពយេនឌ័រ ផ្សព្វផ្សាយច្បាប់ និងអនុវត្តបណ្តាទម្រង់សេដ្ឋកិច្ចបែបថ្មីទំនើប ជំនួយរថយន្តសម្រាប់នាំប្រជាពលរដ្ឋទៅធ្វើការតាមរដូវ... មាមីងបងប្អូនកាន់បង្កើនចំណេះដឹង និងបំណិនក្នុងការរស់នៅ ដើម្បីលើកកម្ពស់ប្រភពប្រាក់ចំណូល លំនឹងជីវភាពរស់នៅ។

ជាមួយបាវចនា “មិនទុកឱ្យអ្នកណានៅពីក្រោយ” ឃុំ Tân Lộc បានបន្តធ្វើការពិនិត្យឡើងវិញ ព្រមទាំងចលនាប្រភពធនធានដើម្បីធានា១០០%គ្រួសារជន ជាតិភាគតិចដែលត្រូវបានជំនួយឧបត្ថម្ភផ្ទះស្នាក់នៅធានាសុវត្ថិភាព និងស្ថេរភាព។ ផ្ត់មពីនោះ ភូមិភាពតែងយកចិត្តទុកដាក់ដល់ការបណ្តុះបណ្តាលមុខ របរវិជ្ជាជីវៈ ដោះស្រាយការងារធ្វើ និងអភិវឌ្ឍន៍រាល់បណ្តាទម្រង់សេដ្ឋកិច្ចដ៏សមស្រប និងលើកកម្ពស់ជីវភាពរស់នៅរបស់បងប្អូនប្រជាជនជាសន្សឹមៗផង ដែរ។

ប្តីប្រពន្ធលោក Trịnh Xuân Mến បោសសំអាតទីធ្លារមុខផ្ទះថ្មីរបស់ខ្លួនដែលទើបសង់រួចរាល់។

សកម្មភាពនៃការគិតគូរជីវភាពរស់នៅជូនបងប្អូនជនរួមជាតិភាគតិចនៅឃុំ Tân Lộc មិនត្រឹមជាការអនុវត្តគោលការណែនាំ និងគោលនយោបាយប៉ុណ្ណោះទេ ថែមទាំងជាភារកិច្ច មនោសញ្ចេតនា និងការជួយចែករំលែកគ្នាទៅវិញទៅមកដែលប្រកបដោយទឹកចិត្តមនុស្សធម៌របស់ប្រព័ន្ធនយោបាយ រួមគ្នាឆ្ពោះទៅកាន់គោលដៅរួម កសាងភូមិស្រុកដ៏ជាទីស្រឡាញ់ ពោលគឺមិនទុកឱ្យមានផ្ទះបណ្តោះអាសន្ន គ្មានអ្នកក្រខ្សត់ទៀត៕

Huỳnh My - Gia Hưng