កាម៉ាវមានទាំងអស់១៣ជនជាតិភាគតិច ដែលច្រើនបំផុតគឺជនជាតិខ្មែរនិងជនជាតិចិន។ ប៉ុន្មានឆ្នាំកន្លង ទន្ទឹមជាមួយការគិតគូរ លើកកម្ពស់ជីវភាពរស់នៅជូនជនរួមជាតិ ខេត្តតែងយកចិត្តទុកដាក់អនុវត្តការងារផ្សព្វផ្សាយ អប់រំច្បាប់ក្នុងជនរួមជាតិភាគតិច ដើម្បីលើកកម្ពស់ចំណេះដឹង និងស្មារតីអនុវត្តច្បាប់ក្នុងសហគមនៅតាមបណ្តាភូមិភាគ ក្នុងនោះមានសហគមជនជាតិចិនផងដែរ។
ជនជាតិចិនតែងអនុវត្តយ៉ាងមឹងមាត់តាមសេចក្តីកំណត់របស់រដ្ឋក្នុងការចាត់តាំងបណ្តាពិធីបុណ្យទានផ្សេងៗ។ (រូបថត ពិធីបុណ្យសែនថ្វាយវិរអ្នកតាឆ្នាំ២០២៣)។
លោកត្រឹងក្វេឌិញ ប្រធានសមាគមជនជាតិចិននៅកាម៉ាវ ឲ្យដឹង៖ “ជនជាតិចិននៅកាម៉ាវសព្វថ្ងៃមានទាំងអស់ប្រហែល៦.៣៤០នាក់ (ស្រូបអត្រា០,៥៣%នៃចំនួនមនុស្សទូទាំងខេត្ត) សេដ្ឋកិច្ចពិសេដ្ឋ គឺជួញដូរ។ មានកូនក្មួយជនរួមជាតិចិនជាច្រើនក៏បានចូលរួមបម្រើការងាររដ្ឋលើវិស័យខុសៗគ្នា ព្រមទាំងមានកិត្តយសបានចូលក្របខណ្ឌបក្សទៀតផង។ ផ្តើមពីការជំហរឈានមុខរបស់បក្ខជនក្នុងសង្គមគ្រួសារ រួមជាមួយសកម្មភាពផ្សព្វផ្សាយអប់រំច្បាប់របស់រដ្ឋអំណាចភូមិភាគ ទើបក្នុងរាល់សកម្មភាព ប្រចាំថ្ងៃ ឬក៏ក្នុងបណ្តាពិធីបុណ្យទានប្រពៃណីរបស់ជនជាតិ បងប្អូនជនរួមជាតិចិនតែងមានស្មារតីក្នុងការអនុវត្តច្បាប់បានយ៉ាងល្អតាមគោលមាគ៌ាបក្ស និងក្រឹត្យច្បាប់របស់រដ្ឋ។
រយៈពេលកន្លង ការងារផ្សព្វផ្សាយលើកកម្ពស់ចំណេះដឹងខាងច្បាប់ជូនជនរួមជាតិភាគតិចក៏ត្រូវ បានអនុវត្តច្រើនវិធីសាស្ត្រ ព្រមទាំងមានច្រើនស្ថានប័ននិងអង្គការចាត់តាំងចូលរួមដែលយោងតាម បណ្តាអង្គសន្និបាតបន្តផ្ទាល់ ទិវាច្បាប់ ព្រមទាំងសកម្មភាពបុណ្យទាន។ល។ នៅតាមបណ្តាទីប្រជុំជន។ ពិសេសការលើកកម្ពស់តួនាទីអ្នកមានប្រជាប្រិយ គណៈកម្មការអាចារ្យវត្ត។ល។ ក្នុងការផ្សព្វផ្សាយ និងអប់រំច្បាប់។
លោកថាយក្វាងមិញ ប្រធានគណៈកម្មការនៃអាស្រម ណាមហាយ និងជាអ្នកមានប្រជាប្រិយក្នុង សហគមជនជាតិចិន មានប្រសាសន៍៖ “ដំបូងបង្អស់ ខ្លួនយើងផ្ទាល់រួមជាមួយសង្គមគ្រួសារត្រូវបង្ហាញឲ្យឃើញអំពីរបៀបរស់នៅតាមលក្ខណៈវប្បធម៌ ដើម្បីអភិរក្សនិងធ្វើជាស្ពានតភ្ជាប់នៃការទំនាក់ទំនង រវាងរដ្ឋអំណាចនិងប្រជាជន ដូចជាការជំហរឈានមុខក្នុងការផ្សព្វផ្សាយអប់រំច្បាប់ ចលនាសហគម ឲ្យបំបាត់ចោលនូវរាល់អបិយជំនឿផ្សេងៗដែលមិនសមស្រប ព្រមទាំងបង្ការប្រឆាំងគ្រោះសង្គម ព្រួតដៃគ្នារក្សាការពារសន្តិសុខនិងសណ្តាប់ធ្នាប់នៅភូមិភាគ”។
ផ្តើមពីចំណេះដឹងនិងស្មារតីក្នុងការអនុវត្តច្បាប់ បងប្អូនជនរួមជាតិចិនទាំងឡាយតែងជឿជាក់លើគោលនយោបាយបក្ស និងក្រឹត្យច្បាប់របស់រដ្ឋ ប្រមូលផ្តុំអភិវឌ្ឍន៍សេដ្ឋកិច្ចគ្រួសារ ព្រមទាំងសកម្ម ចូលរួមការងារសន្តិសុខសង្គមរបស់ខេត្ត។ ជាក់ស្តែងគឺការរួមកម្លាំងទ្រព្យ ដើម្បីបង្កើតជាមូលនិធិជូន សមាគម អនុវត្តបណ្តាសកម្មភាពសប្បុរសជនប្រចាំឆ្នាំដូចជា៖ ជំនួយគ្រួសារក្រដែលមានសាច់ញាតិស្លាប់បាត់បង់ជីវិត ឧបត្ថម្ភកសាងស្ពានគមនាគមជនបទ សាងសង់ផ្ទះមេត្តាធម៌។ល។ ជារឿយៗនោះគឺការជូនអំណោយគ្រួសារក្រនាឱកាសបុណ្យទានប្រពៃណី។
លោកខុងកាញ់សាញ់ នៅអនុសង្កាត់លេខ២ ក្រុងកាម៉ាវ មានប្រសាសន៍៖ “ការរស់នៅលាយឡំគ្នា រវាងជនជាតិជាបងប្អូនត្រូវបានបង្ហាញយ៉ាងច្បាស់តាមបណ្តាពិធីបុណ្យទានប្រពៃណីក៏បានក្លាយជាលក្ខណៈនៃសកម្មភាពវប្បធម៌រួមរបស់ប្រជាជនកាម៉ាវនិយាយរួម។ ដូច្នេះហើយ គូរពង្រីកស្មារតីជួយគ្នាទៅវិញទៅមក រួមគ្នាកាត់បន្ថយក្រ។ ខណៈដែលជីវភាពនិងស្មារតីសម្ភារមានការលើកម្ពស់ គឺអ្នក រាល់គ្នានឹងសកម្មចូលរួមគ្រប់បណ្តាប្រពៃណីមហាជននៅភូមិភាគ។ ផ្តើមពីនោះ ក៏រួមចំណែកធ្វើឲ្យ មានការផ្លាស់ប្តូរចំណេះខាងច្បាប់និងស្មារតីគោរពច្បាប់ដែលយោងតាមបណ្តាសកម្មភាពសហគម”។
ទទួលបានការយកចិត្តទុកដាក់របស់បក្ស និងរដ្ឋយោងតាមបណ្តាគោលនយោបាយឧបត្ថម្ភ រួមជាមួយការខិតខំឈានឡើងរបស់បងប្អូនប្រជាជនទាំងឡាយក៏ធ្វើឲ្យផ្លាស់ប្តូរយ៉ាងសកម្មការកាត់បន្ថយ ក្រ។ សេដ្ឋកិច្ចគ្រួសារមានការអភិវឌ្ឍន៍ ជនជាតិភាគតិចទាំងឡាយក្នុងខេត្តនិយាយរួមសហគម ជនជាតិចិន និយាយដោយឡែក មួយថ្ងៃកាន់តែមានការលើកកម្ពស់ស្មារតីទទួលខុសត្រូវ និងអនុវត្តល្អភារកិច្ចរបស់ប្រជាពលរដ្ឋ អនុវត្តល្អបណ្តាគោលនយោបាយបក្ស និងក្រឹត្យច្បាប់របស់រដ្ឋ ព្រមទាំងបណ្តាសេចក្តីកំណត់ផ្សេងៗរបស់ភូមិភាគ រួមចំណែកកសាងនិងអភិវឌ្ឍន៍មាតុភូមិកាម៉ាវឲ្យកាន់តែ សម្បូររុងរឿង៕
អត្ថបទនិងរូបថត៖ មីផា
