ដើម្បីបម្រើល្អក្នុងឱកាសបុណ្យភ្ជុំបិណ្ឌ សែនដូនតា ប៉ុន្មានថ្ងៃកន្លង ក្រុមសិល្បៈ Khmer ខេត្ត Cà Mau តែងខិតខំហាត់ និងនិពន្ធទំនុកយ៉ាងច្រើនកម្មវិធីឈុតឆាកសម្តែងដ៏ពិសេសៗសម្រាប់បម្រើមាមីងបងប្អូនទស្សនិក ជននាឱកាសបុណ្យភ្ជុំបិណ្ឌ សែនដូនតា ឆ្នាំ២០២៤។ បណ្តាកម្មវិធីសិល្បៈសម្រាប់ឆ្នាំនេះ ត្រូវបានក្រុមរៀបចំឡើងតាមបែបទំនើប និងទាន់សម័យ សាភ្ជាប់ជាមួយលក្ខណៈប្រពៃណីខ្មែរ។ ផ្តើមពីនោះ មិនត្រឹមតែលើកកម្ពស់អត្តសញ្ញាណវប្បធម៌ជាតិប៉ុណ្ណោះទេ ថែមទាំងបង្គាប់នូវអត្ថន័យ និងទស្សនីយភាពដ៏ចម្លែកអស្ចារ្យសម្រាប់ទស្សនិកជនទាំងឡាយផងដែរ។
ដើម្បីធានាល្អនូវកម្មវិធីសិល្បៈសម្រាប់បម្រើក្នុងឱកាសបុណ្យភ្ជុំបិណ្ឌ សែនដូនតា ឆ្នាំ២០២៤ ក្រុមក៏បានឡើងផែនការហាត់តាំងពីដើមខែផងដែរ។ (ក្នុងរូបថត៖ ពិធីពិនិត្យសាឡើងវិញនូវការសម្តែងកម្មវិធីសិល្បៈអំណររដូវបុណ្យភ្ជុំ)
លោក Danh Văn Nhỏ អនុប្រធានក្រុមសិល្បៈ Khmer ខេត្ត Cà Mau បានឱ្យដឹង៖ “ដើម្បីបម្រើបងប្អូនប្រជាជនបានល្អក្នុងឱកាសបុណ្យភ្ជុំបិណ្ឌ សែនដូនតាឆ្នាំនេះ ក្រុមក៏បានឡើងផែនការហាត់តាំងពីដើមខែមកម៉្លេះ។ ឆ្នាំនេះ យើងខ្ញុំបានរៀបចំកម្មវិធីសម្តែងសរុបចំនួន១០កម្មវិធី រួមមាន៖ របាំបុរាណ រាំវង់ប្រពៃណី ចម្រៀងឆ្លងឆ្លើយ និងច្រៀងម្នាក់ឯង។ល។ ដោយមានខ្លឹមសារ និងអត្ថន័យទាក់ទងនឹងរដូវបុណ្យភ្ជុំបិណ្ឌ សែនដូន តា”។
នាំគ្នាទៅលេងបុណ្យភ្ជុំ ជាឈុតសម្តែងដ៏ពិសេស និងប្រកបដោយ អត្ថន័យខ្លឹមសារ។
បុណ្យភ្ជុំបិណ្ឌ សែនដូនតា ជាពិធីបុណ្យប្រពៃណីរបស់ជនរួមជាតិ Khmer ដែលតែងប្រ ព្រឹត្តិឡើងជារៀងរាល់ឆ្នាំ ដើម្បីសម្តែងនូវគុណូបការៈរបស់កូនចៅចំពោះបុព្វការីជន ដែលបានរួមចំណែកក្នុងការផ្តល់នូវកំណើត និងចិញ្ចឹមបីបាច់ថែរក្សាខ្លួន។
ចម្រៀងឆ្លងឆ្លើយបទ “ទៅវត្តបោះបាយបិណ្ឌ” បកស្រាយដោយ៖ Thạch Minh Hiền និង Kim Giang។
“កម្មវិធីសម្រាប់បម្រើរដូវបុណ្យភ្ជុំបិណ្ឌ សែនដូនតាឆ្នាំនេះ ក្រៅពីកម្មវិធីចម្រៀង របាំប្រពៃណី ក្រុមយើងខ្ញុំថែមទាំងបានបង្កើតនូវសាច់រឿងខ្លី ក្រោមចំណងជើង “ទឹកចិត្តអ្នកម្តាយ” ក្នុងគោលបំណងដើម្បីធ្វើឱ្យកាន់តែសម្បូរបែបនៃកម្មវិធី ព្រមទាំងបម្រើអារម្មណ៍ទស្សនិកជនឱ្យកាន់តែមានភាពជក់ចិត្ត និងប្រសើរឡើង។ ក្រុមយើងបានរៀបចំចេញទៅសម្តែងជាផ្លូវការចាប់ពីថ្ងៃទី២៦ ខែកកញ្ញា រហូតដល់ថ្ងៃទី១ ខែតុលានៅតាមបណ្តាវត្តអារាម សាលាទាន និងតំបន់ទីតាំងដែលមានបងប្អូនជនរួមជាតិ Khmer រស់នៅច្រើនកុះករក្នុងខេត្ត។ ដោយឡែកនៅវត្តសិរីមង្គល ជ្រុងខ្មែរ (Rạch Giông) ឃុំ Hồ Thi Kỷ ស្រុក Thới Bình ក្រុមនងចូលរួមសម្តែងជា២លើក ដោយមាន ១លើកសម្រាប់កម្មវិធីបើកវគ្គប្រណាំងទូក-ងខ្នាតតូចអំណរបុណ្យភ្ជុំបិណ្ឌ សែនដូនតា។ យោងតាមកម្មវិធីសម្តែងសិល្បៈដ៏ពិសេសនេះ នឹងឆ្លើយតបតម្រូវការទទួលក្រេបយក នូវលក្ខណៈវប្បធម៌សិល្បៈរបស់មិត្តទស្សនិកជនគ្រប់រូបនាឱកាសបុណ្យភ្ជុំបិណ្ឌ សែនដូន តា” លោក Danh Nhỏ បានឱ្យដឹងបន្ថែមដូច្នេះ។
ក្រៅពីចម្រៀង និងរបាំ ក្រុមក៏បានបង្កើតឈុតសាច់រឿងខ្លី ក្រោមចំណងជើង “ទឹកចិត្តអ្នកម្តាយ” ដើម្បីធ្វើឱ្យកាន់តែសម្បូរបែបនៃកម្មវិធី និងបង្កើតចំណាប់អារម្មណ៍សម្រាប់បម្រើទស្សនិកជនទាំងឡាយផងដែរ។
ជាមួយនឹងការរៀបចំយ៉ាងយកចិត្តទុកដាក់តាំងពីដំបូង និងឈុតឆាកសម្តែងដ៏ពិសេសៗជាច្រើនរបស់ក្រុមសិល្បៈខ្មែរខេត្ត ជឿជាក់ថាបងប្អូនមាមីងទស្សនិកជនទាំងឡាយនៅតាមតំបន់ភូមិស្រុក នឹងទទួលបុណ្យភ្ជុំបិណ្ឌ សែនដូនតាប្រកប ដោយភាពអ៊ូអរ រីករាយ និងកក់ក្តៅជាទីបំផុត៕
Danh Điệp
