មិននូវមានគំនិតគិតត្រឹមថា រៀនឱ្យតែចេះអាន ចេះសរសេរដើម្បីទៅធ្វើការរកប្រាក់វាគ្រប់គ្រាន់ប៉ុណ្ណោះទេ បងប្អូនជនរួមជាតិ Khmer នៅភូមិ Cây Khô ឃុំ Hồ Thị Kỷ ស្រុក Thới Bình នាពេលសព្វថ្ងៃថែមទាំងបានជំរុញទឹកចិត្តកូនក្មួយឱ្យខិតខំបន្តសិក្សារៀនមហាវិទ្យាល័យ ដើម្បីកសាងប្រទេសជាតិ មាតុភូមិ។
គ្រួសារលោក Lê Văn Công ជាគ្រួសារ Khmer ដ៏ឆ្នើមក្នុងការចិញ្ចឹមកូនរៀនសូត្របានពូកែនៅភូមិស្រុក។ ដោយគិតថា កាលណាយើងមានចំណោះដឹង និងរៀនសូត្របានល្អ ទើបអនាគតបានភ្លឺស្វាង ដូចនេះហើយ គ្រួសារលោកតែងគិតគូរដល់ការសិក្សារៀនសូត្ររបស់កូនៗជានិច្ច។
បងស្រី Hữu Thị Thắm ឱ្យដឹង៖ តាំងពីនូវសិក្សាកម្រិតបឋម កូនស្រីរបស់ខ្លួនក៏រៀនបានពូកែណាស់ទៅហើយ ដូច្នេះទើបប្តីប្រពន្ធបងតែសប្បាយចិត្តចំពោះកូនជានិច្ច។
ប្តីប្រពន្ធលោក មានកូន៤នាក់ ក្នុងនោះមាន២នាក់បានបញ្ចប់កម្រិតមហាវិទ្យាល័យផងដែរ។ កាលមុនគ្រួសារជួបលំបាកច្រើន លោក Công ក៏បានតាំងចិត្តជាមួយប្រពន្ធរបស់ខ្លួនខិតខំធ្វើស្រែ ចម្ការដើម្បីមានលក្ខណៈចិញ្ចឹមកូនសិក្សារៀនសូត្រ និងផ្គត់ផ្គង់ជីវភាពគ្រួសារ។ ប្តីប្រពន្ធស្រុះចិត្តគ្នា មានដី៥ហិកតា កូនៗរបស់លោកក៏យល់ពីទឹកចិត្តឪពុកម្តាយដែលតែងខិតខំដើម្បីកូន ហើយក៏រៀនសូត្របានល្អណាស់ដែរ។
លោក Công មានប្រសាសន៍៖ “ពីមុន ខ្ញុំពិតជាចង់រៀនសូត្រខ្លាំងណាស់ តែគ្រួសារក្រពេក គ្មានប្រាក់សម្រាប់ផ្គត់ផ្គង់ឱ្យរៀនសូត្រដូចមិត្តភក្តិដទៃទៀត។
ខ្ញុំតាំងចិត្តថា បើកូនខ្ញុំមានចិត្តចង់រៀនសូត្រ ខ្ញុំនឹងខិតខំអស់ពីសមត្ថភាព ដើម្បីឱ្យពួកវាបានសម្រេចសមតាមបំណង។ ដោយសារតែបែបនេះហើយ ពួកគេក៏បញ្ចាប់ការសិក្សា និងមានបរិញ្ញាបត្ររៀងៗខ្លួន ចូលបម្រើការងាររដ្ឋ រួមចំណែកកសាងប្រទេសជាតិ មាតុភូមិ។ សម្រាប់កូនស្រីរបស់ខ្លួនវិញ ខ្ញុំមិនទុកឱ្យពួកគេឆាប់រៀបការដូចអ្នកដទៃនោះទេ គឺត្រូវតែរៀនឱ្យបានចប់ចុងចប់ដើមសិន និងមានការងារធ្វើត្រឹមត្រូវ ទើបគិតរឿងគ្រួសារជាក្រោយ ហើយនឹងអាចដឹងថាអ្វីដែលល្អបំផុតសម្រាប់ខ្លួនឯងផងដែរ”។
លោក Lê Văn Công (ខាងឆ្វេង) តែងខិតខំប្រកបមុខរបររកស៊ី ដើម្បីផ្គត់ផ្គង់ឱ្យកូនសិក្សារៀនសូត្រដល់ទីបញ្ចប់ និងជាគំរូដ៏ល្អនៅភូមិឋានស្តីពីជំរុញការសិក្សារៀនសូត្រ។
សព្វថ្ងៃ គ្រួសារលោក Lê Văn Công គឺជាគ្រួសារដែលត្រូវបានអ្នកផងទាំងពួងគោរពកោតសរសើរក្នុងចំណោមគ្រួសារ Khmer ទាំងឡាយនៅភូមិ Cây Khô ផងដែរ។ លោកធ្វើសេដ្ឋកិច្ចពូកែ អស់ពីចិត្តចូលរួមរក្សាការពារសន្តិសុខ សណ្តាប់ធ្នាប់ភូមិស្រុក ព្រមទាំងជំនួយការដោះស្រាយរាល់ករណីឈ្លោះប្រកែកផ្សេងៗនៅក្នុងភូមិ ចំណែកកូនៗរបស់លោកក៏បានសង្គមស្ងើចសរសើរដែលមានបានលះបង់ដើម្បីបុព្វហេតុនៃការអភិវឌ្ឍន៍ស្រុកទេស។
គំរូមួយទៀតក៏ស្ថិតក្នុងការជំរុញសិក្សារៀនសូត្រដូចគ្នាដែរ គឺគ្រួសារបងស្រី Hữu Thị Thắm។ ប្តីប្រពន្ធបងបានចិញ្ចឹមកូនរៀនសូត្របានយ៉ាងល្អ ដោយគិតថា មានតែការរៀនសូត្រទេ ទើបអនាគតបានភ្លឺស្វាង នេះហើយជាបាវចនាក្នុងការទូន្មានកូនរបស់ប្តីប្រពន្ធបងស្រី។ អាស្រ័យដូច្នេះ កូនទាំង២នាក់របស់បងស្រីសុទ្ធតែរៀនសូត្របានល្អ កូនប្រុសច្បងបច្ចុប្បន្នជានគរបាលឃុំ ចំណែកកូនស្រីកំពុងសិក្សាសាលា (Cao đẳng Cảnh sát Nhân dân 2) នៅទីក្រុង Hồ Chí Minh។
អ្នកស្រី Thắm បានចែករំលែកថា៖ “ពីដើមឡើង គ្រួសារខ្ញុំមិនសូវមានជីវភាពធូរធារនោះទេ ប្តីខ្ញុំប្រកបរបរស៊ីឈ្នួលប្រចាំថ្ងៃ ចំណែកខ្ញុំលក់ដូរកំប៊ិចកំប៉ុកនៅផ្ទះ តែប្តីប្រពន្ធខ្ញុំមិនដែលស្តាយប្រាក់សម្រាប់ក្នុងការចំណាយឱកូនរៀនសូត្រនោះទេ។ ឥឡូវគ្រួសារចំណាយត្រឹមតែតិចតួចប៉ុណ្ណោះសម្រាប់ផ្ញើឱ្យកូនស្រីសិក្សារៀនសូត្រប្រចាំខែ ពីព្រោះវាក៏មានប្រាក់ចំនួយឧបត្ថម្ភរបស់រដ្ឋខ្លះដែរ។ ក្តីសប្បាយរីករាយ និងមោទនភាពដ៏ធំធេងនេះ គឺអាស្រ័យកូនៗរបស់ខ្លួនសង្វាតរៀនសូត្រ។ ប្តីប្រពន្ធខ្ញុំកាន់តែស្រឡាញ់កូនថែមទៀត ពីព្រោះពួកវាយល់បានច្បាស់អំពីការខិតខំចិញ្ចឹមកូនរៀនសូត្រដោយក្តីលំបាកគ្រពប់សព្វបែបយ៉ាង”។
កូនស្រីរបស់បងស្រី ហ៊ឺវធីថាំ គឺ ហ៊ឺវធីទូនឺ (អ្នកកាន់ស្លាក់) ក្នុងពិធីរបស់សាលាអនុមហាវិទ្យាល័យ នគរបាលប្រជាជន២។
បណ្តាគ្រួសារខ្មែរទាំងឡាយដែលចិញ្ចឹមកូនទូន្មានកូនឱ្យសិក្សារៀនសូត្រដល់ទីបញ្ចប់ដូចជាគ្រួសារលោក Lê Văn Công និងគ្រួសារបងស្រី Hữu Thị Thắm ក៏មានយ៉ាងច្រើនគ្រួសារទៀតដែរសម្រាប់ឃុំ Hồ Thị Kỷ។ ដើម្បីជំរុញការសិក្សារៀនសូត្រសម្រាប់បងប្អូនជនរួមជាតិ Khmer នៅភូមិភាគ គណៈកម្មាធិការបក្ស និងរដ្ឋអំណាចភូមិភាគក៏បានវិនិយោគកសាង ធានាយ៉ាងគ្រប់គ្រាន់ខាងស្មារតីសម្ភារៈសម្រាប់ក្នុងការសិក្សា ព្រមទាំងជំរុញការងារផ្សព្វផ្សាយ ឃោសនាចលនាកសាងមូលនិធិជំរុញការសិក្សា និងបន្តការលើកតម្កើង ស្ងើចសរសើរសិស្សនិស្សិតជាកូន Khmer មានស្នាដៃក្នុងការសិក្សារៀនសូត្រ។
លោក Nguyễn Việt Bắc អនុប្រធានគណៈកម្មាធិការប្រជាជនឃុំ ឱ្យដឹង៖ “ឃុំតែងជំរុញទឹកចិត្តបងប្អូនជនរួមជាតិ Khmer សកម្មចុះឈ្មោះដើម្បីកសាងគ្រួសារសិក្សារៀនសូត្រ និងសហគមន៍រៀនសូត្រ… ផ្តើមពីនោះ នឹងជំនួយប្រពៃណីចលនារៀនសូត្រអស់មួយជីវិត។ បង្កើនប្រភពធនធានពលកម្មដែលមានចំណេះដឹង ដើម្បីកសាងមាតុភូមិកាន់តែទូលំទូលាយថែមទៀត។ បច្ចុប្បន្ន ការគិតគូររបស់បងប្អូនជនរួមជាតិ Khmer ទូទាំងឃុំមានភាពប្រសើរឡើងច្រើន បងប្អូនតែងចលនាកូនក្មួយឱ្យខិតខំសិក្សារៀនសូត្រ ពោលគឺគ្មានករណីចោលរៀនដូចកាលពីមុនទៀតនោះទេ។ ដោយឡែកចំពោះភូមិ Đường Đào វិញ ថែមទាំងត្រូវបានគេតាំងរហ័សនាមជាភូមិមហាវិទ្យាល័យទៀតផង ពីព្រោះអត្រាកូនក្មួយជនរួមជាតិ Khmer សិក្សារៀនសូត្របានល្អ ចំនួនអ្នកបញ្ចប់កម្រិតមហាវិទ្យាល័យក៏មានច្រើនជាងភូមិដទៃណាស់ដែរ”៕
Lam Khánh
