ដងព្រែក Mespéro ត្រូវបានគេស្គាល់ថាជាដងព្រែកសម្រាប់ឱ្យការប្រណាំងទូក-ងដ៏ល្បីឈ្មោះរបស់ក្រុង Sóc Trăng ខេត្ត Sóc Trăng។ ជាពិសេសក្នុងឱកាសបុណ្យអកអំបុក សំពះព្រះខែ ប្រណាំងទូក-ង ដែលបានប្រព្រឹត្តិឡើងជារៀងរាល់ឆ្នាំនៅលើដងព្រែកដ៏ល្បីនេះ។
ថ្ងៃនេះ ១៣វិច្ឆិកា ក៏ជាថ្ងៃជិតឈានដល់ថ្ងៃប្រណាំងទូក-ង តំបន់វាលរាបទន្លេគីវឡុងលោកទី៦ ឆ្នាំ២០២៤។ នាឱកាសនេះដែរ លើដងព្រែក Mespéro ក៏មានភាពអឹកធឹកណាស់ដែរដោយមានក្រុមទូក-ងជាច្រើនកំពុងហាត់សម ដើម្បីតៀមឱ្យការប្រណាំងដែលប្រព្រឹត្តិឡើងក្នុងអំឡុង២ថ្ងៃ (១៤-១៥ ខែវិច្ឆិកា) បង្កើតបានបរិយាកាសយ៉ាងឱឡារឹកដោយមានមានការចូលរួមប្រគួតរបស់បណ្តាក្រុមទូក-ងបុរស និងទូក-ងនារីចំនួន៦០ទូក (៥៣ ក្រុមទូក-ងបុរា និង ៧ក្រុមទូក-ងនារី) មកអំពីនានាខេត្តទូទាំងតំបន់ដូចជា៖ Cần Thơ, Vĩnh Long, Kiêng Giang, Hậu Giang, Cà Mau, Bạc Liêu និងអង្គភាពម្ចាស់ផ្ទះ Sóc Trăng។
កាសែត Cà Mau សូមឧទ្ទេសនាមនៅបណ្តារូបភាពមួយចំនួននៃក្រុមទូក-ង ទាំងឡាយដែលមានវត្តមាននៅលើដងព្រែក Mespéro ក្រុង Sóc Trăng ដើម្បីត្រៀមឱ្យការប្រគួតដណ្តើមពានរង្វាន់ដ៏ធំដែលប្រព្រឹត្តិឡើងក្នុងអំឡុង២ថ្ងៃ (១៤-១៥ វិច្ឆិកា)៕
នារសៀល ថ្ងៃទី១៣ ខែវិច្ឆិកានេះ នៅលដងព្រែក Mespéro ប្រកបដោយពណ៌សម្បុរដ៏ស្រស់ឆើតឆាយនៃក្រុមទូក-ងទាំងឡាយកំពុងហាត់សមសម្រាប់ឱ្យការប្រណាំងថ្ងៃស្អែក។
ក្រុមទូកទាំងឡាយកំពុងលរល្បឿនជាមួយគ្នាទៅវិញទៅមកនៅលើដងព្រែក Mespéro ។
អ្នកគាំទ្រ ជាច្រើនបានមកទស្សនា និងលើកទឹកចិត្តចំពោះក្រុមទូក-ងរបស់ខ្លួន។
នៅពេលនេះក៏មានក្រុមទូកជាច្រើនដែលកំពុងធ្វើការកែសម្រួលផ្នែកខាងបច្ចេក ទេសសម្រាប់ទូករបស់ខ្លួន។ (ក្នុងរូបថត៖ ក្រុមទូក-ងជ្រុងខ្មែរ Rạch Giồng, Cà Mau) កំពុងផ្លាស់ដងសន្ទូច សាកល្បឿនទូករបស់ខ្លួន។
មិនត្រឹមតែក្រុមទូកបុរសប៉ុណ្ណោះទេ ក្រុមទូកនារីក៏ខិតខំហាត់សមដោយប្តេជ្ញាចិត្តខ្ពស់ផងដែរ។
បងប្អូនទស្សនិកជនយ៉ាងច្រើនកុះករទាំងសង្ខាងដងព្រែក Mespero បានមកចូលរួមទស្សនា និងលើកទឹកចិត្តការហាត់សមរបស់ក្រុមទូកទាំងឡាយសម្រាប់ឱ្យការប្រគួតថ្ងៃស្អែក និងថ្ងៃបន្ទាប់។
Danh Điệp
